লূকে লেখ্যে গম্ হবর্ 12:57 - Chakma Bible

⁵⁷ “যিয়েন ঠিগ্ সিয়েন তুমি নিজে চিদে গুরিনে কিত্ত্যেই থির্ ন-গরঅ?

লূকে লেখ্যে গম্ হবর্ 12:57 Iomraidhean Croise

মথি লেখ্যে গম্ হবর্ 21:21

জোবত্ যীশু তারারে কলঅ, “মুই তমারে ঘেচ্চেকগুরি কঙর্, তুমি সন্দেহ ন গুরিনে যুনি বিশ্বেজ্ গরঅ সালে ডোমোর্ গাজ্‌সো উগুরে মুই যিয়েন্ গোজ্যং তুমিয়ো সিয়েন্ গুরি পারিবা। বানা সিয়েন নয়, মাত্তর্ যুনি এই মুড়োবোরে কঅ, ‘উদিনে সাগরত্ যেইনে পড়্,’ সালে সিয়েন্অ অবঅ।

মথি লেখ্যে গম্ হবর্ 21:32

কিয়া যোহনে গোজেনর্ আওজ্ মজিম আঢিবার্ পথ্‌তান দেগেবাত্তে তমা ইধু এইচ্চ্যে, আর তুমি তারে বিশ্বেজ্ ন-গরঅ। মাত্তর্ খাজানা-তুলিয়্যেগুনে আর বেশ্যেগুনে তারে বিশ্বেজ্ গোজ্যন্। ইয়েন্ দেগিনেয়ো তুমি মনানি ফিরেইনে তারে বিশ্বেজ্ ন-গরঅ।

লূকে লেখ্যে গম্ হবর্ 21:30

যেক্কেনে দেগিবা তারার্ পাদানি নিগিলি এত্তে দেগিলে পরেদি তুমি বুঝি পারিবা যে, খরান্‌‌‌কাল্ কায়কুরে লুম্মেগি।

যোহন 7:24

বারেদি চেঙারা দেগিনে বিচের্ ন-গুরিনে বরং গমেডালে বিচের্ গরঅ।”

প্রেরিত্‌ 2:40

ইয়েন বাদে আরঅ ভালোক্কানি কধা কোইনে পিতরে সাক্ষি দিয়্যে ধোল্ল্য। তে তারারে ইয়েন কোইনে বুঝেবার চেষ্টা গল্ল, “এ যুগোর বিবেক্ নেইয়্যে মানুচ্চুনোত্তুন্ নিজোরে রোক্ষ্যে গরঅ।”

১ করিন্হীয় 11:13

তুমি নিজেই বিচের্ গুরি চঅ। মাঢাত্ কাবড় ন-দিইনে গোজেন ইধু তবনা গরানা কি মিলেগুনোর্ মানায়?

১ করিন্হীয় 11:14

স্বাভাবিক বুদ্ধিলোই কি ইয়েন বুঝো ন-যায় যে, মরদে যুনি লাম্বা চুল থয় সালে সিয়েনত্যে তার অসর্মান অয়,

দ্বি’লম্বর বিররণ 32:29

বুদ্ধি থেলে এই কধাগান তারা বুঝিদাক, বুঝিদাক তারার শেজ্‌ দজাগান কি অবঅ।