লূকে লেখ্যে গম্ হবর্ 12:4 - Chakma Bible

⁴ মঅ সমাজ্যেগুন্, মুই তমারে কঙর্, যিগুনে কিয়্যেগান্ ভস্ত গরানার্ পরেদি আর কিচ্চু গুরি ন-পারন্ সিগুনোরে ন-দোরেইয়ো।

লূকে লেখ্যে গম্ হবর্ 12:4 Iomraidhean Croise

গম্ উপদেজ্ 29:25

মান্‌‌জ্যরে যে দরায় সে দরানে তা তপ্পে ফাল্ অয়, মাত্তর্ যে লগেপ্রভু উগুরে বিশ্বেজ্ গরে তে গমেডালে থায়।

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

পরমগীত 5:16

তা মুয়োন্ অমকদ মিদে, তার্ বেক্কানি দোল্। ও যিরূশালেমর্ মিলেগুন্, তেয়ই মর্ কোচ্‌‌‌‌‌পানা, মঅ সমাজ্যে।

যিশাইয় 41:8

লগেপ্রভু কত্তে, মাত্তর্ ও মর্ চাগর ইস্রায়েল, মর্ বেঈ লোইয়্যে যাকোব, মর্ দাংগু অব্রাহামর্ বংশ,

যিরমিয় 1:17

“তুই কমরত্ বানিনে থিয়্যে আর মুই তরে যিয়েনি কবাত্তে উগুম গুরিম্ সিয়েনি তুই তারারে কঅ। তারারে দেগিনে তুই ভাঙি ন-পড়িচ্, যুনি পড়চ্ সালে মুই এমন্ গুরিম যেনে তারা মুজুঙোত্ তুই এক্কুবারে ভাঙি পড়চ্।

যিরমিয় 1:8

তুই তারারে ন-দোরেচ্, কিত্তে মুই লগেপ্রভু তরে রোক্ষ্যে গুরিবাত্তে তঅ লগে লগে আগং।”

যিরমিয় 41:18

তারা বাবিলীয়গুনোর দরে যিহূদাত্তুন্ ধেই যাদন, কিত্তে ইশ্মায়েলে বাবিল রাজার বানেয়্যে শাজন্‌গুরিয়্যে গদলিয়রে মারে ফেলেয়্যে।

যিহিষ্কেল 2:6

মাত্তর্ ও মান্‌‌‌জ্য পুয়োবো, তুই তারার আর তারা কধানিলোই ন-দোরেচ্। যুনিয়ো তারা হের্ আর কাদাগাজ ধোক্ক্যেন তঅ চেরোকিত্তে থেবাক্ আর বিছেগুনো ভিদিরে তুই বজত্তি গুরিবে তো ন-দোরেচ্। তারারে দেগিনে বা তারা কধানি শুনিনে তুই ন-দোরেচ্; তারা দঅ উল্লোমী জাদ্।

মথি লেখ্যে গম্ হবর্ 10:28

যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।

যোহন 15:13

কেঅ যুনি তা সমাজ্যেগুনোত্তে নিজো পরাণান্ দে সালে তাত্তুন্ বেশ্ কোচ্‌পানা আর কারর্ নেই।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 4:13

পিতর আর যোহনর সাহচ্‌ দেগিনে আর তারা যে অশিক্ষিত আহ্ সাধারণ মানুচ্‌ সিয়েন হবর্ পেইনে সেই নেতাগুনে আমক্ ওই গেলাক্, আর তারা যে যীশুর সমাজ্যে এলাক্ সিয়েন্অ বুঝিলাক্।

ফিলিপীয় 1:28

যিগুনে তমা বিরুদ্ধে আঘন্ তারা ইন্দিত্তুন্ কনঅ কিজুলোই তুমি ন-দোরেইয়ো। ইয়েন্দোই প্রমাণ অবঅ যে, তারা ভস্ত অবাত্যে যাদন্ আর তুমি উদ্ধোর্ পেবাত্যে যর্; আর এ উদ্ধোরান গোজেনত্তুন্ এজে।

যাকোব 2:23

এবাবোত্যে গুরি পবিত্র বোইবোর্ এ কধাগান পূরোণ ওইয়্যে, “অব্রাহামে গোজেন কধাগান বিশ্বেজ্ গুরিলো আর সেনত্যে গোজেনে তারে নিদ্দুজি বিলিনে মানি ললঅ।” সেনত্যে তারে গোজেনর্ দাংগু বিলিনে ডাগা ওইয়্যে।

১ পিতর 3:14

গোজেনর্ আওজ্‌ মজিম চলিবাত্যে যেইনে যুনি তমাত্তুন্ দুগ্অ ভুগো পড়ে সালে তুমি বর্ পেইয়্যে। যিগুনে তমারে দুঘ্ দুয়োন তারারে তুই ন-দোরেচ্ বা দুঘোত্ ওলোজোলো ন-ওচ্,

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।