লূকে লেখ্যে গম্ হবর্ 11:42 - Chakma Bible

⁴² ফরীশীগুন তমাত্যে কত্তমান্ দর্‌গরেপারা! তুমি গোজেনরে পুদিনা, তেজ্‌‌পাদা আর নানান্ বাবোত্যে শাগ্-পাদর্ দশ ভাগর্ এক ভাগ্ দি থাগঅ, মাত্তর্ ন্যায়বিচের্ আর গোজেন উগুরে কোচ্‌‌পানা ইন্দি মনযোগ্ ন-দুয়ো। আগ ইয়েনি পালানা লগে লগে যেরেদিনিয়ো পালানা তমার্ উচিত।

লূকে লেখ্যে গম্ হবর্ 11:42 Iomraidhean Croise

নহিমিয় 10:37

ইয়েনিবাদেয়ো আমা মোয়দ্যের্‌ আর শোজ্য-উৎসর্বর পত্তম্‌ ভাগ্‌কুয়ো, বেক্‌ গাজ্‌ছুনোর পত্তম ফল্লো আর নূয়ো আংগুর-রস আর তেলর্‌ পত্তম্‌ ভাগ্‌কুয়ো আমি আমার গোজেনর ঘরর্‌ ভান্ডাল-ঘরত্‌ ধর্মগুরুগুনোর্‌ ইদু আনিবোং। আর আমা ফসলর দশ ভাগর্‌ এক ভাগ্‌ লেবীয়গুনোর্‌ ইদু আনিবোং, কিত্যে আমা বেক্‌ আদামানিত্‌ লেবীয়গুনে দশমাংশ গুজি লন্‌।

গম্ উপদেজ্ 21:3

লগেপ্রভু ইদু য়েমান-উৎসর্ব গরানাত্তুন্ ঠিগ্ আর গম্ কাম গরানা আরঅ দোল্।

উপদেশক 7:18

এ দ্বিয়েন্ উবদেশ্ ধুরি রাগেচ্, কন গানরে ছাড়ি ন-দিচ্; যে মানুচ্চো গোজেনরে ভোক্তিগুরিনে দরায় তে কনকিজু বেশ্ ন-গরে।

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

মালাখি 1:6

বেগত্তুন্ খেমতাবলা লগেপ্রভু কত্তে, “পুয়ো তা বাবরে আর চাগর্ তা গিরোজোরে সর্মান গরে। যুনি মুই বাপ্ ওই থাং সালে মুই পাঙ্গে সর্মানান্ কুদু? যুনি গিরোজ্ ওই থাং সালে মর্ পাওনা শ্রদ্ধাগান্ কুদু? ও ধর্মগুরুগুন, তুমি মরে ঈচ্ গোজ্য। মাত্তর্ তুমি কত্তে, ‘আমি কেধোক্ক্যেনগুরি তরে ঈচ্ গোজ্যেই?’

মালাখি 2:17

তুমি নিজো কধালোই লগেপ্রভুরে বল্‌‌‌‌‌পোজ্যে গোজ্য। তো তুমি কত্তে, “কেধোক্ক্যেন্‌গুরি আমি তারে বল্‌পোজ্যে গোজ্যেই‌‌‌‌‌?” তুমি এবাবোত্যেগুরি গোজ্য-তুমি কোইয়োদে, “যিগুনে অন্যেই গরন্ তারা বেক্কুনে লগেপ্রভুর চোগেদি গম্ আর তে তারা উগুরে হুজি,” বা কোইয়োদে, “কুদু সেই গোজেনে যিবে ন্যায়বিচের্ গরে?”

মালাখি 3:8

মান্‌‌জ্যে কি গোজেনরে ঠোগেবাক্? মাত্তর্ তুমি দঅ মরে ঠগর্। তো তুমি কত্তে, ‘আমি তরে কেধোক্ক্যেন্‌গুরি ঠোগের্?’ দশমাংশ আর দান পৌইদ্যেনে তুমি মরে ঠগর্।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 23:23

ফক্কর্ ধর্ম-মাষ্টর আর ফরীশীগুন, তমাত্যে কত্তমান্ দর্‌গরেপারা! তুমি পুদিনা, মৌরি আর জিরের্ দশ ভাগর্ এক ভাগ্ গোজেনরে ঠিগ্ মজিম দি থাগঅ; মাত্তর্ ন্যায়, দোয়্যে আর বিশ্বেজ্, যিয়েনি মোশির রীতি সুদোমর্ আরঅ দরকারী বিষয় সিয়েনি তুমি বাদ্ দুয়ো। আগ ইয়েনি পালানা লগে লগে যেরেদি ইয়ানিয়ো পালানা তমার্ উচিত।

মথি লেখ্যে গম্ হবর্ 23:27

ফক্কর্ ধর্ম-মাষ্টর্ আর ফরীশীগুন, তমাত্যে কত্তমান্ দর্‌গরেপারা! তুমি চিবিদিলোই বানেয়্যে গৌর ধোক্ক্যেন্, যিয়েনর বারেদিগান্ দোল্ মাত্তর্ ভিদিরেদিগান্ মরা মান্‌জ্য আড়্-গোড়া আর নানান্ বাবোত্যে কজরালোই ভোজ্যে।

লূকে লেখ্যে গম্ হবর্ 18:12

মুই সাপ্তায় দ্বিবার্ উবোচ্‌ থাং আর মর্ বেক্ আয়ত্তুন্ দশ ভাগর্ এক ভাগ্ তরে দুয়োং।

যোহন 5:42

মাত্তর্ মুই তমারে হবর্ পাং। মুই হবর্ পাং তমা মনানিত্ গোজেন ইন্দি কোচ্‌পানা নেই।

১ যোহন 4:20

যে কয় তে গোজেনরে কোচ্‌পায় অদচ তা ভেইবোরে ঘিনায় তে মিজেমাদিয়্যে; কিয়া চোগেদি দেক্ক্যে ভেইয়োরে যে কোচ্‌ ন-পায় তে অদেগা গোজেনরে কেধোক্ক্যেন গুরি কোচ্‌পেই পারে?

১ শমূয়েল 15:22

সেক্কে শমূয়েলে কলদে, “লগেপ্রভুর উগুমান পালেবাত্তে তে যেদক্‌ হুজি অয়, পুজ্যে-উৎসর্ব আর য়েমান-উৎসর্বত্তে কি তে সেদক হুজি অয়? য়েমান-উৎসর্বত্তুন তাঁর উগুমান পালানা আর ভেড়াছাগল তেলত্তুন্‌ তাঁর কধানির্ বাধ্য অনা বোউত্‌ গম্‌।