লূকে লেখ্যে গম্ হবর্ 11:32 - Chakma Bible

³² বিচের দিনোত্ নীনবী শঅর মানুচ্চুনে উদিনে এ কালর্ মানুচ্চুনোরে দুষ্ দেগেই দিবাক্, কিয়া নীনবীর মানুচ্চুনে যোনার প্রচারর্ কারনে পাপত্তুন্ মনানি ফিরেয়োন্; আর চঅ, ইয়েনত্ যোনাত্তুন্অ আরঅ দাঙর্ এক্কো আঘে।

লূকে লেখ্যে গম্ হবর্ 11:32 Iomraidhean Croise

যোনা 3:4

যোনা সে শঅরত্ সোমেইনে এক দিনো পথ গেলঅ আর এ কধাগান ফগদাং গুরিলো, “আর চল্লিশ দিন পরেদি নীনবীগান ভস্ত ওই যেবঅ।”

যোনা 3:5

সেক্কে নীনবীর মানুচ্চুনে গোজেন কধানি বিশ্বেজ্ গুরিলাক্। সেনত্তে তারা উবোস্ থানা কধাগান কলাক্ আর দাঙরত্তুন্ ধুরি চিগোন সং বেক্কুনে বস্তা পাদা পিনিলাক্।

যোনা 4:9

মাত্তর্ গোজেনে যোনারে কলঅ, “সে গাজ্‌‌‌‌চো পৌইদ্যেনে রাগ গরানা কি তর্ উজিত্ অর্?” যোনা কলঅ, “সিয়েনর্ কারণ আঘে। মুই মরণ সং রাগ গুরি থেইম্।”

মথি লেখ্যে গম্ হবর্ 12:39

যীশু তারারে কলঅ, এই কালর্ পাজি আর অবিশ্বেজি মানুচ্চুনে চিহ্নো তগান্, মাত্তর্ ভাববাদী যোনার চিহ্নো বাদে আর কনঅ চিহ্নো তারারে দেগা ন-অবঅ।

মথি লেখ্যে গম্ হবর্ 12:41

বিচের দিনোত্ নীনবী শঅর মানুচ্চুনে উদিনে এ কালর্ মানুচ্চুনোরে দুষ্ দেগেই দিবাক্, কিয়া নীনবীর মানুচ্চুনে যোনার প্রচারর্ কারনে পাপত্তুন্ মনানি ফিরেয়োন্। আর চঅ, ইয়েনত্ যোনাত্তুন্অ আরঅ দাঙর্ এক্কো আঘে।

লূকে লেখ্যে গম্ হবর্ 11:31

বিচের দিনোত্ দোগিণ দেজর্ রাণী উদিনে এ কালর্ মানুচ্চুনোরে দুষ্ দেগেই দিবো, কিয়া শলোমন রাজার জ্ঞানর্ কধাবাত্তা শুনিবাত্তে তে পিত্‌থিমীর শেজ দুযিত্তুন্ এচ্চ্যে; আর চঅ, ইয়েনত্ শলোমনত্তুন্অ বেশ্ আরঅ দাঙর্ এক্কো আঘে।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।