লূকে লেখ্যে গম্ হবর্ 11:18 - Chakma Bible

¹⁸ সেনত্যে যুনি শদান রেজ্য ভিদিরে যুদ্ধো বাঁজিনে দলত্ ভাগ ওই থান কেধোক্ক্যেনগুরি ঠিগিবো? তুমি কত্তে মুই বেল্‌সবূল খেমতালোই অসিজি আত্মাগুনোরে ধাবাং।

লূকে লেখ্যে গম্ হবর্ 11:18 Iomraidhean Croise

মথি লেখ্যে গম্ হবর্ 10:25

ছাত্র পক্ষে মাষ্টর ধোক্ক্যেন্ অনা আর চাগর পক্ষে গিরোজ ধোক্ক্যেন্ অনা যদেষ্ট। ঘর গিরোজরে যেক্কে তারা বেল্‌সবূল কোইয়োন সেক্কে ঘরর্ অন্য বেক্কুনোরে আরঅ কদক্ বেশ্ গুরি না বেল্‌সবূল কবাক্।

মথি লেখ্যে গম্ হবর্ 12:26

সেনত্যে শদান রেজ্য ভিদিরে যুনি এক দল অন্য আর এক দল সমারে যুদ্ধো বাজান, সিয়েনর অত্তগান এনেবাদে দলত্ ভাগ ওই যেয়োন আর যাদিমাদি ফারগ্ অবাক্!

মথি লেখ্যে গম্ হবর্ 4:10

সেক্কে যীশু তারে কলঅ, “দূর্ অ, শদান্। পবিত্র বোইবোত্ লেগা আঘে, তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।”

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

লূকে লেখ্যে গম্ হবর্ 11:15

মাত্তর্ কয়েকজনে কলাক্, “ইবেয়ই বেল্‌সবূল, অসিজি আত্মাগুনোর নেতা, যিবেরে অসিজি আত্মাগুনোরে ধাবেবার খেমতা দিয়্যে ওইয়্যে।”