লূকে লেখ্যে গম্ হবর্ 11:15 - Chakma Bible

¹⁵ মাত্তর্ কয়েকজনে কলাক্, “ইবেয়ই বেল্‌সবূল, অসিজি আত্মাগুনোর নেতা, যিবেরে অসিজি আত্মাগুনোরে ধাবেবার খেমতা দিয়্যে ওইয়্যে।”

লূকে লেখ্যে গম্ হবর্ 11:15 Iomraidhean Croise

মথি লেখ্যে গম্ হবর্ 10:25

ছাত্র পক্ষে মাষ্টর ধোক্ক্যেন্ অনা আর চাগর পক্ষে গিরোজ ধোক্ক্যেন্ অনা যদেষ্ট। ঘর গিরোজরে যেক্কে তারা বেল্‌সবূল কোইয়োন সেক্কে ঘরর্ অন্য বেক্কুনোরে আরঅ কদক্ বেশ্ গুরি না বেল্‌সবূল কবাক্।

মথি লেখ্যে গম্ হবর্ 12:22

পরেদি মানুচ্চুনে ভুদে পেইয়্যে এক্কো মান্‌জ্যরে যীশু ইধু আনিলাক্ যিবে চোগ্ কান্ আর ববা এলঅ কিয়া তারে অসিজি আত্মায় পেইয়্যে। যীশু তারে গম্ গুরিলো।

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

মথি লেখ্যে গম্ হবর্ 9:34

মাত্তর্ ফরীশীগুনে কলাক্, “তে ভুদ্‌তুনোর রাজার সাহায্যলোই ভুদ্‌তুনোরে ধাবেই দি পারে।”

যোহন 10:20

তারা ভিদিরেত্তুন্ ভালোক্‌জনে কলাক্, “তারে ভূদে পেইয়্যে, তে পাগল্; তুমি তা কধা কিত্ত্যে শুন্নো?”

যোহন 7:20

মানুচ্চুনে জোব্ দিলাক্, “তরে ভূদে পেয়্যে; কন্না তরে মারে ফেলেবার্ চেষ্টা গরের্?”

যোহন 8:48

সেক্কে যিহূদী নেতাগুনে যীশুরে কলাক্, “আমি কি ঠিগ্ ন-কোই, তুই এক্কো শমরীয় আর তরে ভুদে পেইয়্যে?”

যোহন 8:52

যিহূদী নেতাগুনে তারে কলাক্, “এবেরা আমি ঘেচ্চ্যেক্‌গুরি বুঝিলোং যে, তরে ভূদে পেইয়্যে। অব্রাহাম আর ভাববাদীগুনে মুরি যেয়োন্, আর তুই কত্তে, ‘যুনি কেঅ মঅ কধা মজিম চলে তে কনদিন্অ ন- মুরিবো।’ তুই কি বাবা অব্রাহামত্তুন্অ বেশ্ দাঙর্?