লূকে লেখ্যে গম্ হবর্ 10:42 - Chakma Bible

⁴² মাত্তর্ এক্কান্ বানা দরকারী বিষয় আঘে। মরিয়মে সেই গম্ বিষয়ান বেঈ লোইয়্যে। সিয়েন তাত্তুন্ নেযা ন-অবঅ।”

লূকে লেখ্যে গম্ হবর্ 10:42 Iomraidhean Croise

গীতসংহিতা 119:111

তর্ কধানি মর্ উমরর্ সোম্বোত্তি; সিয়েনি মর্ মনর্ হুজি।

গীতসংহিতা 119:173

তঅ আঢ্‌তানিয়ে মরে এজাল্ দিবাত্তে যুক্কোল্ থোক্, কিত্তে তর্ সুদোমানি মুই পালেম্ বিলিনে ঠিগ্ গোজ্যং।

গীতসংহিতা 119:30

মুই বিশ্বেজর পধ্‌তান বেঈ লোইয়োং; তর্ সুদোমানি মঅ মুজুঙোত্ রাগেয়োং।

গীতসংহিতা 142:5

ও লগেপ্রভু, মুই তইদু কান্যং; মুই কোইয়োঙে, “তুয়ই মর্ আশ্রয়, এ পিত্‌থিমীত্ তুয়ই মর্ সোম্বোত্তি।”

গীতসংহিতা 17:15

মাত্তর্ মুই যেন নিদ্দুজি ওইনে তঅ মুজুঙোত্ থেই পারং, যেন মরণত্তুন্ জাগি উদিনে তরে দেগিনে মুই হুজি অং।

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

গীতসংহিতা 73:25

স্বর্গত তুয়ই মর্; তরে পেইনে পিত্‌থিমীত্‌অ মর্ চেবার আর কিচ্চু নেই।

উপদেশক 12:13

ইক্কিনে বেক্কানি দঅ শুনো অলঅ; মাত্তর্ শেজ্ কধাগান্ ইয়েন্, গোজেনরে ভোক্তিগুরিনে দোরেবার্ আর তা উগুমানি পালানার্ মাধ্যমে মান্‌জ্যর্ বেক কামানি পালা অয়।

মার্ক 8:36

তুই যুনি পুরো পিত্‌থিমীগান লাভ গুরিনেয়ো সিয়েনর বদলে তর্ জিংকানিগান্ আরাস্ সালে সিয়েনর কনঅ লাভ অলঅ? নিশ্চয় নয়!

লূকে লেখ্যে গম্ হবর্ 10:39

মরিয়ম নাঙে মার্থার্ এক্কো বোন এলঅ। তে প্রভুর টেঙ কুরে বোইনে তা কধা শুনের্।

লূকে লেখ্যে গম্ হবর্ 11:1

এক সময়োত্ যীশু কনঅ এক জাগাত্ তবনা গরের্। তবনা থুম্ অনার্ পরেদি তার্ এক্কো শিচ্চ্য তারে কলঅ, “প্রভু, বাপ্তিস্মদিয়্যে যোহনে যেবাবোত্যে তা শিচ্চ্যগুনোরে তবনা গুরিবাত্তে শিগেয়্যে সেবাবোত্যেগুরি আমারেয়ো তুই তবনা গুরিবাত্তে শিগা।”

লূকে লেখ্যে গম্ হবর্ 12:20

মাত্তর্ গোজেনে তারে কলঅ, ‘ও ভুলো, এইচ্চ্যে রেদোত্ তত্তুন্ মরা পুরিবো। সালে যেদক্কানি জিনিস্ তুমি থুবেইয়ো সিয়েনি কন্না ভোগ্ গুরিবো?’ ”

লূকে লেখ্যে গম্ হবর্ 12:33

তমা বিষয়-সম্বোত্তি বেজিনে ভিক্ষ্যে ইজেবে দান্ গরঅ। যে দীনার্ থোইল্ল্যাবো কনদিনঅ পুরো ন-অয় সিবেয়ই নিজোত্যে বানঅ; অত্তাৎ যে ধন জিংকানিবর্ থিগি থেবঅ সিয়েনি স্বর্গত্ থুবঅ। সিধু চুর্ অ ন-এজে আর পুগেয়ো বর্‌বাদ্ ন-গরন্।

লূকে লেখ্যে গম্ হবর্ 16:2

সেক্কে থাগোইয়্যে মানুচ্চো তারে ডাগিনে পুজোর্ গল্ল, তঅ পৌইদ্যেনে মুই ইয়েনি কি শুনঙর্? তঅ কামঅ ইজেব্‌পান দে, কিয়া তুই আর আজল্ চাগর্ ইজেবে থেই ন-পারিবে।

লূকে লেখ্যে গম্ হবর্ 16:25

মাত্তর্ অব্রাহামে কলঅ, ইদোত্ তুলি চাহ্, তুই যেক্কে বাঁজি এলে সেক্কে কদক্ সুগ্ ভোগ্ গোজ্যস্ আর লাসারে কদক্ দুঘ্ পেইয়্যে। মাত্তর্ ইক্কিনে তে ইধু সান্তনা পার্ আর তুই দুঘ্ পর্।

লূকে লেখ্যে গম্ হবর্ 18:22

এ কধাগান্ শুনিনে যীশু তারে কলঅ, “এজঅ এক্কান্ কাম তর্ বাগি আঘে । তর্ যিয়েনি আঘে বিজিনে নাঢা মানুচ্চুনোরে দে, সালে তুই স্বর্গত্ ধন্ পেবে। সে পরেদি এইনে মর্ শিচ্চ্য অগি।”

লূকে লেখ্যে গম্ হবর্ 8:18

উজিয়ার্ অ, সেনত্তে কিবাবোত্যেগুরি শুন্ন্য সে পৌইদ্যেনে মনযোগ্ দুয়ো, কিয়া যিবের্ আঘে তারে আরঅ দিয়্যে অবঅ, মাত্তর্ যিবের্ নেই তার্ যিগুন্ আঘন্ বিলি তে মনে গরে, সিগুন্অ তাত্তুন্ নেযা অবঅ।”

যোহন 11:1

লাসার নাঙে বৈথনিয়া আদামর্ এক্কো মান্‌জ্যর্ অসুগ্ ওইয়্যে। মরিয়ম আর তার্ বোন মার্থা সেই আদামত্ থেদাক্।

যোহন 11:19

যিহূদীগুনোত্তুন্ ভালোক্‌জনে মার্থা আর মরিয়মরে তারা ভেইবো মোজ্যে কেইনে বুঝেবাত্তে এচ্চ্যন্।

যোহন 12:3

এমন সময়োত্ মরিয়মে কমেদি তিনশত্ গ্রাম অমকদ মংগা, খাটি তুম্‌বাচ্‌ তেলান্ আনিলো আর যীশুর্ টেঙত্ ঢালি দিইনে নিজো চুল্‌লোই তা টেঙানি পুযি দিলো। সেই আতর তুম্‌বাচে গোদা ঘরানি ভুরি গেল।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

যোহন 6:27

মাত্তর্ যে হানাগান্ বর্‌বাদ্ ওই যায় সে হানাগানত্তে খিজেহিচ্চ্যে গুরিনে লাভ্ কি? যে হানাগান্ বর্‌বাদ্ ন-অয় বরং উমর্‌অ জিংকানি দান্ গরে সিয়েনত্যে খিজেহিচ্চ্যে গরঅ। সেই হানাগান্ মান্‌জ্যপুয়োবো তমারে দিবো, কিয়া বাবা গোজেনে প্রমাণ গুরি দেগেয়্যেদে যে, এ কামান্ গুরিবার অধিকার্ বানা তার্ আঘে।

১ করিন্হীয় 13:3

মর্ যিয়েনি আঘে সিয়েনি যুনি মুই নাঢা মানুচ্চুনোরে হাবেবাত্যে দান গরং, কিয়্যেগান্অ পুড়িবাত্যে দি দোং, মাত্তর্ মঅ ভিদিরে যুনি কোচ্‌‌পানা ন-থায়, সালে মর্ কনঅ লাভ নেই।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

দ্বি’লম্বর বিররণ 30:19

“তমা বিরুদ্ধে দাঙর্‌ আগাজ্‌ আর পিত্‌থিমীগানরে সাক্ষী রাগেইনে মুই কঙত্তে, এচ্চ্যে মুই তমা মুজুঙোত্‌ জীংকানি বা মরণর আর আশিদ্‌বাদর বা অভিশাব্‌পানি তুলি ধুরিলুং। তুমি জীংকানিগানরে বেঈ নেযঅ, যেনে তুমি আর তমার ঝি-পূঅগুনে বাঁজি থান্‌ আর তমার গোজেন লগেপ্রভুরে কোচ্‌পঅ, তার কধানি শুনো আর তারে আজাবোদে ধুরি রাগঅ, কিত্যে ইগুনো ভিদিরে আগে তমার জীংকানিগান। যে দেজ্‌ছান দিবার শমক্ তে তমার পুরোণি মানুচ্‌ অব্রাহাম, ইসহাক আর যাকোব ইদু গোজ্যে সিয়েনত্ ইয়েন ভিদিরে আঘে তমার আয়ুগান।”

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”

যিহোশূয় 24:22

সেক্কে যিহোশূয় কলঅ, “এ কধাগান্দোই তুমি নিজোরে নিজেই সাক্ষী ওই থেলা, লগেপ্রভুরে তুমি সেবা গুরিবাত্তে বেঈ লোইয়ো।” জোবত্‌ তারা কলাক্‌, “অয়, আমি সাক্ষী রলং।”