লূকে লেখ্যে গম্ হবর্ 10:22 - Chakma Bible

²² মঅ বাপ্পো মঅ আঢত্ বেক্কানি দিয়্যে। বাবে বাদে আর কেঅ হবর্ ন-পান্ পুয়ো কন্না, আর পুয়ো বাদে আর কেঅ হবর্ ন-পান্ বাপ কন্না। ইয়েন বাদেয়ো পুয়োবো যিগুনো ইধু বাবরে ফগদাং গুরিবাত্তে আওজ্ গরে বানা তেয়ই হবর্ পায়।

লূকে লেখ্যে গম্ হবর্ 10:22 Iomraidhean Croise

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

মথি লেখ্যে গম্ হবর্ 11:27

মঅ বাপ্পো বেক্কানি মঅ আঢত্ দিয়্যে। বাপ্পো বাদে পুয়োবোরে কনজনে হবর্ ন-পায় আর পুয়োবো বাদে বাপ্পোরে কনজনে হবর্ ন-পায়, আর পুয়োবো যাইদু বাবরে ফগদাং গুরিবাত্তে আওজ্ গরে তেয়ই তারে হবর্ পায়।

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 13:3

যীশু কোই পারিদো, বাবা গোজেনে তা আঢত্ বেক্কানি দিয়্যে। তে আরঅ কোই পারিদো, তে তাত্তুন্ এচ্চ্যে আর তা ইধু ফিরি যার্।

যোহন 17:10

যিয়েনি মর্ সিয়েনি বেক্কানি তর্ আর যিয়েনি তর্ সিয়েনি বেক্কানি মর্। সিগুনোর্ মাধ্যমে মর্ মহিমাগান্ ফগদাং ওইয়্যে।

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

যোহন 17:26

মুই তারা ইধু তরে ফগদাং গোজ্যং আহ্ আরঅ ফগদাং গুরিম্, যেন তুই মরে যেধোক্ক্যেন্ কোচ্‌পাচ্ সেধোক্ক্যেন্ কোচ্‌পানা তারা মনত্ থায়, আর মুই যেন তারা সমারে এগত্তর্ থাং।”

যোহন 17:5

বাবা, পিত্‌থিমীগান্ বানেবার্ আগেদি তঅ সমারে মর্ যে মহিমাগান্ এলঅ সেই মহিমাগান্ তুই আরঅ মরে দে।

যোহন 3:35

বাবে পুয়োরে কোচ্‌পায় আর তা আঢত্ বেক্কানি দিয়্যে।

১ করিন্হীয় 15:24

ইয়েন পরেদি খ্রীষ্ট যেক্কে বেক্‌ শাসন-বেবস্থাগানি, অধিকার আর খেমতাগানি ভস্ত গুরিনে বাবা গোজেন আঢত্ রেজ্যগান দি দিবো সেক্কে থুম্ সময়ান এবঅ।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

ইফিষীয় 1:21

আগাজত্ যিগুনো আঢত্ বেক্ শাসন, খেমতা, বল্ আর রাজাগিরি আঘে তারারে তে খ্রীষ্টর্ অধীন গোজ্জ্যে। আর যিবেরে যে নাঙ্ দিয়্যে অদঅ সাৎ, সিয়েন তে এ যুগোত্ ওক্‌ বা এজেত্তে যুগোত্ ওক্‌, বেক্‌ নাঙান উগুরে খ্রীষ্টর্ নাঙান্।

ইব্রীয় 2:8

আর তা ঠেঙ তলাত্ বেক্কানি থোইয়োচ্। যেক্কে গোজেনে বেক্কানি মান্‌জ্যর্ অধীনোত্ গুরিলো সেক্কে তে কনঅ কিজু সিয়েনিত্তুন্ বাদ ন-দিলো। খালিক্ বেক্কানি যে আমি ইক্কিনে মান্‌জ্যর অধীনোত্ দেগির্ সিয়েন নয়,

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।

২ যোহন 1:9

যিগুনে খ্রীষ্টর্ দিয়্যে শিক্ষ্যে ন-পালান্ আর সেই শিক্ষ্যেলোই থিদেবর্ ন-থান তারা মনভিদিরে গোজেনে নেই। মাত্তর্ যে সেই শিক্ষ্যেলোই থির্ গুরি থায় তা মনভিদিরে বাবে আর পুয়োবো দ্বিয়োজনে আঘন্।