লূকে লেখ্যে গম্ হবর্ 10:21 - Chakma Bible

²¹ সেক্কে যীশু পবিত্র আত্মার্ দিয়্যে হুজিয়ে হুজি ওইনে কলঅ, ও বাবা, তুই স্বর্গ আর পিত্‌থিমীর প্রভু। মুই তর্ বাঈনি গরং, কিয়া তুই ইয়েনি বেক্ বিষয়ানি জ্ঞানী আর বুদ্ধিবলাগুনোত্তুন্ লুগেই রাগেয়োচ্ মাত্তর্ চিগোন্ গুড়ো ধোক্ক্যেন্ মানুচ্চুনো ইধু ফগদাং গোজ্যস্। অয় বাবা, তর্ আওজ্ মজিম্ ইয়েনি ওইয়্যে।

লূকে লেখ্যে গম্ হবর্ 10:21 Iomraidhean Croise

গীতসংহিতা 24:1

পিত্‌‌থিমী আর তা ভিদিরে বেক্কানি লগেপ্রভুর; জগদৎ আর তা ভিদিরে যিগুনে বজত্তি গরন্ তারায়ো তার্;

গীতসংহিতা 25:14

লগেপ্রভুরে যিগুনে ভোক্তি গরন্ তারা ইদু তে তার্ হবর্ ন-পেইয়্যে উদ্দেশ্যগানি ফগদাং গরে, আর তার্ থিদেবর্ গোজ্যে সুদোমানি তে তারারে জানায়।

গীতসংহিতা 8:2

চিগোন্ ঝি-পুয়োগুন আর চিজিগুনোর্ কধানি তুই খেমতার ঘর্ বানেয়োচ্; তঅ শত্রুগুনোর কধা ভাবিনে তুই সিয়েন গোজ্যচ্, যেনে তর্ শত্রু গুনেয়ো হেনা সুজিয়্যেগুনোরে তুই থামেই দি পারচ্।

যিশাইয় 29:14

সেনত্তে মুই আরঅ দোল্ আমক্ অবার কাম্‌বোই এ মানুচ্চুনোরে হতভম্ব গুরিম; সেক্কে জ্ঞানীগুনোর্ জ্ঞানানি বর্‌বাত ওই যেবঅ আর বুদ্ধিবলাগুনোর্ বুদ্ধিগানি লুগি যেবগোই।” ‌‌

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

যিশাইয় 62:5

এক্কো গাবুজ্যে পুয়ো যেবাবোত্যে গুরি এক্কো গাবুজ্যে মিলেরে লয় সেবাবোত্যেগুরি তঅ মানুচ্চুনে তরে লবাক্; জামেইবো যেবাবোত্যেগুরি বৌবোরে নিইনে ফুত্তি গরে সেবাবোত্যেগুরি তঅ গোজেনেয়ো তরে নিইনে ফুত্তি গুরিবো।

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌

সফনিয় 3:17

তর্ গোজেন লগেপ্রভু তঅ ভিদিরে আঘে, তার রোক্ষ্যে গুরিবার খেমতা আঘে। তে তঅ পৌইদ্যেনে অমকদ হুজি অবঅ, আর তার গভীন্ কোচ্‌‌পানালোই তে অলর্ অবঅ। তে তঅ বেপারানিলোই হুজির-গান গুরিবো।”

মথি লেখ্যে গম্ হবর্ 16:17

জোবত্ যীশু তারে কলঅ, “শিমোন বাপ-যোনা, তুই বর্‌পেইয়্যে, কিয়া কনঅ মানুচ্ তইধু ইয়েন্ ফগদাং ন-গরে; মঅ স্বর্গর্ বাপ্পো ফগদাং গোজ্যে।

মথি লেখ্যে গম্ হবর্ 21:16

ইয়েনি দেগিনে-শুনিনে তারা বিরক্ত ওইনে যীশুরে কলাক্, “তারা যিয়েন কদন্ সিয়েন তুই শুনোর্?” যীশু তারারে কলঅ, “অয়, শুনোঙর্। বোইয়োত্ তুমি কি কনদিন্অ ন-পড়: চিগোন্ পুয়ো-ঝি আর চিগোন্ চিজিগুনো কধানি ভিদিরে তুই নিজোত্তে বাঈনী গুরিবার্ বেবস্থা গোজ্যস্?”

মথি লেখ্যে গম্ হবর্ 3:7

পরেদি যোহনে দেগিলো বোউত্ ফরীশী আর সদ্দূকী বাপ্তিষ্ম লবাত্তে তাইধু এত্তন্। তে তারারে কলঅ, “সাপ গুট্টিগুন! গোজেনর্ যে সাজাগান্ লামি এজের্ সিয়েনত্তুন্ ধেই যেবার্ এ বুদ্ধিগান্ তমারে কন্না দিলো?

মার্ক 10:15

মুই তমারে ঘেচ্চেক্‌‌‍গুরি কঙর্, চিগোন পুয়ো-ঝিগুনো ধোক্ক্যেন্ গুরি গোজেনর শাসন মানি ন-নিলে কেঅ কনমতে গোজেন রেজ্যত্ সোমেই ন-পারিবাক্।”

লূকে লেখ্যে গম্ হবর্ 15:5

যেক্কেনে তুই সিবে তোগেইনে পেবে, তুই অমকদ হুজী ওইনে সিবেরে কানাত্ তুলোচ্।

লূকে লেখ্যে গম্ হবর্ 15:9

যেক্কে তে সিবে তোগেইনে পায় সেক্কে তা সমাজ্জ্যেগুনোরে আর পাড়াল্ল্যেগুনোরে ডাগিনে কয়, ‘মঅ সমারে ফুত্তি গরঅ, কিয়া যে টেঙাবো আঝি যেয়্যে সিবে পেয়োং।’

যোহন 11:41

সেক্কে মানুচ্চুনে পাত্তর্‌বো সোরেই দিলাক্। যীশু উগুরেদি রিনি চেইনে কলঅ, “বাবা, তুই মঅ কধাগান্ শুন্যচ্ বিলি মুই তরে ভালেদি জানাঙর্।

২ করিন্হীয় 4:3

আমা গম্ হবরান্ যুনি ঢাক্যা থায় সালে যিগুনে ভস্ত ওই যাদন্ সিগুনো ইধু ঢাক্যা থায়।

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।