লূকে লেখ্যে গম্ হবর্ 10:2 - Chakma Bible2 তে শিচ্চ্যগুনোরে কলঅ, ঘেচ্চেক্গুরি খেত্-খেত্তি সয়সাগোজ্যে, মাত্তর্ কাম গুরিবার্ মানুচ্ কম্। ইয়েনত্তে খেত্-খেত্তি গিরোজ ইধু কোজোলী গরঅ যেন তে তার্ খেত্-খেত্তিগানি কাবিবাত্তে মানুচ্ পাধেই দে। Faic an caibideil |
লূকে লেখ্যে গম্ হবর্ 10:2
48 Iomraidhean Croise
তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।
গোজেনে মন্ডলীত্ পত্তম প্রচারক, দ্বি-লম্বরত ভাববাদী; তিন-লম্বরত্ মাষ্টর্ ইজেবে নেযেয়্যে। সে পরেদি এই বেক্ মানুচ্চুনোরে নেযা ওইয়্যে-যিগুনে আমক্ কাম গুরিবার খেমতা পেইয়োন, যিগুনে পীড়ে গম্ গুরিবার খেমতা পেইয়োন, যিগুনে সাহায্য গুরিবার খেমতা পেইয়োন, যিগুনে পরিচালনা গুরিবার খেমতা পেইয়োন, আর যিগুনে নানান্ ভাষা কবার খেমতা পেইয়োন। বেক্কুনে কি প্রচারক্?
Sanasan