লূকে লেখ্যে গম্ হবর্ 10:14 - Chakma Bible

¹⁴ ঘেচ্চেক্‌গুরি, বিচের দিনোত্ সোর আর সীদোনর্ অবস্থা বরং তমাত্তুন্অ বেশ্ বোউত্ সোজ্য গরেদে ধোক্ক্যেন্ অবঅ।

লূকে লেখ্যে গম্ হবর্ 10:14 Iomraidhean Croise

যোয়েল 3:4

ইক্কিনে ও সোর, সীদোন আর পলেষ্টীয়ার বেক্ চাগালাগান, মঅ লগে তমার্ কি কুদুম্মো? তুমি কি মঅ উগুরে হেনা সুজোর্? যুনি তুমি মঅ উগুরে হেনা সুজো সালে তুমি যিয়েন গুরিবে সিয়েনই মুই লগে লগে খুব যাদিমাদি তমা নিজো মাঢা উগুরে ফিরেই দিম।

আমোষ 1:9

লগেপ্রভু কত্তে, “সোরর তিনেন্ পাপ, এন্ কি, চেরান্ পাপর্ কারনে মুই হামাক্কায় তারে সাজা দিম, কিত্যে ভেইয়ো লগে ভেইয়োর্ চুক্তি এলাফেলা গুরিনে তে কয়েক্কান আদামর্ বেক মানুচ্চুনোরে বন্দী গুরিনে ইদোম আঢত্ তুলি দিয়্যে।

আমোষ 3:2

“পিত্‌থিমীর্ বেক জাদ্‌‌‌‌‌‌‌‌‌তুনো ভিদিরেত্তুন্ মুই বানা তমারে বেঈ লোইয়োং; সেনত্তে তমার্ বেক পাপ্‌‌‌‌‌পানিত্তে মুই তমারে সাজা দিম।”

মথি লেখ্যে গম্ হবর্ 10:15

মুই তমারে ঘেচ্চেকগুরি কঙর্, বিচের দিনোত্ সেই আদামত্তুন্ বরং সদোম আর ঘমোরা শঅরর্ অবস্থা বজমান্ সোজ্য গরেদে ধোক্ক্যেন্ অবঅ।

মথি লেখ্যে গম্ হবর্ 11:21

“অভিশাব্ পেইয়্যে কোরাসীন, অভিশাব্ পেইয়্যে বৈৎসৈদা! তমা ভিদিরে যেদক্কানি আমক্ অবার্ কাম্ গরা ওইয়্যে সিয়েনি যুনি সোর আর সীদোন শঅরত্ গরা অদঅ সালে ভালোক্ দিন আগে তারা বস্তা ফাদা পিনিনে ছেই গুলিনে পাপত্তুন্ মনানি ফিরেদাক্।

যোহন 3:19

তারে দুষি বিলি ঠিগ্ গরা ওইয়্যে কিয়া জগদত্ পহ্‌র এচ্চ্যে, মাত্তর্ মান্‌জ্যর্ কামানি ভান্ন্যেই বিলি মানুচ্ পহ্‌রত্তুন্ আন্ধাররে বেশ্ কোচ্‌পেইয়োন্।

রোমীয় 2:1

কেঅ যুনি ইয়েন্দোই অন্যগুনোরে দুষ্ দুয়োন সালে মুই তারে কোম্, তর্ নিজো অজুহাত্তান্ কুধু? তুই যেক্কে অন্যগুনোরে দুষ্ দুয়োচ্ সেক্কে কি তুই নিজোরে দুষি বিলিনে প্রমাণ্ ন-গরচ্? তুই অন্যগুনোরে দুষ্ দুয়োচ্ অদচ তুই সেই একই কাম্ গুরি থাচ্।

রোমীয় 2:27

তঅ ইধু দঅ লেক্ক্যে রীতি-সুদোম আঘে আর তর্ চুনু মাঢাবো চামান কাবা ওইয়্যে। মাত্তর্ তুই যুনি রীদি-সুদোম ন-মানচ্ সালে যিবের্ চুনু মাঢাবো চামান কাবা ন-অয় অদচ রীদি-সুদোম পালন গরের্, তে কি আইন ন-মানিবাত্যে তরে দুষি ন-ধুরিবো?