লূকে লেখ্যে গম্ হবর্ 1:71 - Chakma Bible

⁷¹ তে শত্রুগুনো আঢত্তুন্ আর যিগুনে ঈচ্ গরন্ তারার বেক্কুনো আঢত্তুন্ আমারে রোক্ষ্যে গোজ্যে।

লূকে লেখ্যে গম্ হবর্ 1:71 Iomraidhean Croise

২ রাজাবলী 17:39

বরং তমার গোজেন লগেপ্রভুরে তবনা গুরিবা। তমার বেক্‌ শত্রুগুনো আঢত্তুন্‌ তেয়ই তমারে উদ্ধোর্‌ গুরিবো।”

গীতসংহিতা 106:10

তে ঈচ্ গুরিয়েগুনোর আঢত্তুন্ তারারে রোক্ক্যে গুরিলো; শত্রুগুনো আঢত্তুন্ তারারে উদ্ধোর্ গুরিলো।

গীতসংহিতা 106:47

ও লগেপ্রভু, আমা গোজেন, আমারে উদ্ধোর্ গর্; অন্য জাদ ভিদিরেত্তুন্ তুই আমারে এক জাগাত্ লোই আয়, যেনে আমি তর্ পবিত্রতাগান নাঙে ভালেদি জানেই পারিই আর তরে নাঙ্ গিনি পারঙর্ বিলিনে বাড়্‌বো গুরি পারঙর্।

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

যিরমিয় 32:37

মুই অমকদ বেজার্ আর জ্বোল্‌‌‍জোল্যে আর দর্‌গরেপারা রাগে মুই তারারে যেদক্কানি দেজত্ ধাবেই দুয়োং সিয়েনিত্তুন মুই হামাক্কায় তারারে এগত্তর্ গুরিম। মুই এ জাগাত্ তারারে ফিরেই আনিম আর গমেডালে বজত্তি গুরিবাত্তে দিম্।‌‍‍‍

যিহিষ্কেল 28:26

সিয়েনত্ তারা ঘর-বাড়ি বানেইনে গমেডালে বজত্তি গুরিবাক্ আর আংগুর খেত্ গুরিবাক্। তারার ঠাট্টা-মশকারি গুরিয়্যে কায়কুরে জাদ্‌‌‌‌‌‌‌‌‌‌‌‌‌ বেক্কুনোরে যেক্কে মুই সাজা দিম সেক্কে তারা গমেডালে বজত্তি গুরিবাক্। সেক্কে তারা হবর্ পেবাক্, মুয়ই তারার্ গোজেন লগেপ্রভু।”

যিহিষ্কেল 34:25

“‘মুই তারাত্তে ভালেদির্ এক্কান বেবস্থা থিদেবর্ গুরিম আর দেজত্তুন্ চিৎনপুজ্যে য়েমানুনোরে শেজ্ গুরিম যেনে তারা গমেডালে ধূল্যেচর-চাগালাত্ বজত্তি গত্তে আর ঝার-জংগলত্ ঘুমেই পারন্।

যিহিষ্কেল 34:28

তারা আর জাদ্‌‌‌‌তুনোর্ লুদেয়্যে জিনিসপাদি ন-অবাক্ বা ঝার য়েমানুনেয়ো তারারে ন-হেবাক্। তারা গমেডালে বজত্তি গুরিবাক্ আর কনজনে তারারে দর্‌‌‌‌বুক ন-লাগেবাক্।

যিহিষ্কেল 38:8

ভালোক্ বজর্ পরেদি তরে যুদ্ধোত্তে ডাগা অবঅ। সেক্কে তুই এমন এক্কান দেজ্ আক্রমণ গুরিবে যে দেজ্‌‌‌‌‌‌চান যুদ্ধোত্তুন্ রেহাই পেইয়্যে, যার মানুচ্চুনে ভালোক্ জাদ ভিদিরেত্তুন্ ইস্রায়েলর্ মুড়ো-মুড়িত্ এগত্তর্ ওইয়োন। সেই দেজ্‌‌‌‌‌‌চান ভালোক্ দিন ধুরিনে মানুচ্ নেইয়্যে এলঅ, মাত্তর্ তর্ আক্রমনর্ আগেদি নানান্ জাদ ভিদিরেত্তুন্ তা মানুচ্চুনোরে নিগিলেই আনা অবঅ, আর সেক্কেনে তারা বেক্কুনে গমেডালে বজত্তি গুরিবাক্।

লূকে লেখ্যে গম্ হবর্ 1:68

“ইস্রায়েলর প্রভু গোজেনরে নাঙ্ গিনে ওক্, কিয়া তে তার্ নিজো মানুচ্চুনো ইন্দি মনযোগ্ দিয়্যে আর তারারে উদ্ধোর্ গোজ্যে।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”

১ যোহন 3:8

যে পাপ গরানাত্ থায় তে শদানর্, কিয়া শদানে পৌইল্যাত্তুন্ ধুরি পাপ গুরি যার্। শদানর্ কামানিরে ভস্ত গুরিবাত্যে গোজেনর্ পুয়োবো ফগদাং ওইয়্যে।