লূকে লেখ্যে গম্ হবর্ 1:66 - Chakma Bible

⁶⁶ যিগুনে এ কধানি শুনিলাক্ তারা পত্তিজনে মনে মনে সিয়েন ভাবদন্ আর কদন্, “দাঙর্ ওইনে এ পুয়োবো সালে কি অবঅ!” তারা এ কধাগান কলাক্, কিয়া প্রভুর খেমতা এ পুয়োবো উগুরে দেগা যেইয়্যে।

লূকে লেখ্যে গম্ হবর্ 1:66 Iomraidhean Croise

পত্থম 37:11

ইয়েন পরেদি যোষেফ উগুরে তা ভেইয়ুনো মনানি ইংসেই ভুরি উদের্, মাত্তর্‌ তা বাবে কধানি মনত্‌ গাদেই রাগেল, কাররে ন-কলঅ।

পত্থম 39:2

লগেপ্রভু যোষেফ লগে লগে এলঅ। সেনত্তে তে বেগ্‌ কামানি গমে-ডালে গুরি পাজ্যে। তারে তা মিসরীয় গিরোজ ঘরত্‌ রাগা ওইয়্যে।

১ রাজাবলী 18:46

সেক্কে লগেপ্রভুর্‌ বলান্‌ এলিয়ো উগুরে এলঅ। তে তা কাবড়ান্‌ কমর্‌-বিজোনিত্‌ গুজেইনে আহাবর্‌ আগে আগে ধাবা দিইনে যিষ্রিয়েলত্‌ গেলঅ।

গীতসংহিতা 119:11

তঅ কধানি মঅ মনানত্ মুই রাগেয়োং, যেনে তর্ উল্লোমি গুরিনে পাপ ন-গরং।

গীতসংহিতা 80:17

তর্ বেঈ লোইয়্যে মানুচ্চুনো উগুরে তুই আঢ্‌তানি রাগা; আঢ্‌তানি রাগা সেই মানুচ্চো উগুরে যিবেরে তুই নিজোত্যে দরমর গোজ্যস্।

গীতসংহিতা 89:21

মর্ বল্ আঢ্‌তান তা সমারে থেবঅ; মঅ আঢ্‌তানে তারে বল্ দান গুরিবো।

লূকে লেখ্যে গম্ হবর্ 1:80

পরেদি যোহনে দাঙর্ উয়ো ধুরিলো আর মনেদি দরমর ওই উদো ধুরিলো। ইস্রায়েলীয়গুনো মুজুঙোত্ খুলোমেলা গুরি থেবার্ আগে সং তে ধূল্যেচর-চাগালাত্ এলঅ।

লূকে লেখ্যে গম্ হবর্ 2:19

মাত্তর্ মরিয়মে বেক্কানি মনত্ রাগেল, কাররে ন-কলঅ; তে সে পৌইদ্যেনে চিদে গরা ধুরিলো।

লূকে লেখ্যে গম্ হবর্ 2:40

চিজি যীশু বয়জে দাঙর্ ওইনে খেমতাবলা ওই উদিলো আর জ্ঞানে ভরপুর্ উয়ো ধুরিলো। তা উগুরে গোজেনর্ আশিদ্‌বাদ এলঅ।

লূকে লেখ্যে গম্ হবর্ 2:51

ইয়েনর্ পরেদি যীশু তারা লগে নাসরদত্ ফিরি গেলঅ আর মা-বাবর্ বাধ্য ওইনে রলঅ। তা মাবো ইয়েনি বেক্কানি মনত্ রাগেল।

লূকে লেখ্যে গম্ হবর্ 9:44

“মুই কি কোইয়োং এ কধাগান্ ভুলি ন-যেইয়ো, মান্‌জ্য পুয়োবোরে খেমতাবলা মানুচ্চুনো আঢত্ ধুরি দিয়্যে অবঅ।”

প্রেরিত্‌ 11:21

গোজেনর্ খেমতা তারা উগুরে এলঅ বিলি বোউত্ মানুচ্ প্রভু উগুরে বিশ্বেজ্ গুরিনে তা ইধু ফিরিলাক্।

কলসীয় 1:5

স্বর্গত্ তমাত্যে যিয়েনি থুবেয়্যে আঘে সিয়েনি পেবার আজা তমা ইধু এ বিশ্বেজ্ আর কোচ্‌পানাগান জোর্মেয়্যে। যে গম্ হবরান, অত্তাৎ সত্যর্ কধাগান তমা ইধু লুম্মেগি সিয়েনি ভিদিরে তুমি এ আজাগানর্ কধা শুন্ন্য।

১ শমূয়েল 16:18

তার কাম্‌গুরিয়্যেগুনো ভিদিরেত্তুন্‌ একজনে কলঅ, “মুই বৈৎলেহমত্‌ যিশয়র এক্কো পূঅরে দেক্কোং। তে গমেদালে বীণা বাজেই জানে। তে এক্কো সাহসী আর যোদ্ধা। তে দোল্‌ গুরিনে কধা কোই জানে আর তে চাদেয়ো দোল্‌, আর লগেপ্রভুয়ো তা সমারে আঘে।”

১ শমূয়েল 2:18

মাত্তর্‌ চিগোন চিঝি শমূয়েল মসীনা সুদোলোই এফোদ উরিনে লগেপ্রভুর সেবা কাম্‌ গরা ধুরিলো।