লূকে লেখ্যে গম্ হবর্ 1:6 - Chakma Bible

⁶ তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

লূকে লেখ্যে গম্ হবর্ 1:6 Iomraidhean Croise

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

পত্থম 6:9

ইয়েন অলঅ নোহ জীংকানির্ কধা। নোহ এক্কো গম্‌ মানুচ্‌ এলঅ। তা সময়ানত্‌ মানুচ্চুনো ভিদিরে তেয়ই এলঅ গম্‌। গোজেন লগে তার দোল্‌ উদো-লোলি এলঅ।

পত্থম 7:1

ইয়েন পরেদি লগেপ্রভু নোহরে আরঅ কলঅ, “তুই আর তঅ পরিবারর্ বেক্কুনে জাহাজত্‌ উদিবা। মুই দেগঙর্, এ মানুচ্চুনো ভিদিরে বানা তুয়ই গম্‌ মানুচ্‌ আগচ্‌।

১ রাজাবলী 15:5

কিত্তেই লগেপ্রভুর চোগেন্দি যিয়েন্‌ ঠিগ দায়ূদে সিয়েন গুরিদো। বানা হিত্তীয় ঊরিয়োর্‌ বেপারান্‌ বাদে তার পূরো জিংকানিগানত্‌ তে লগেপ্রভুর কনঅ উগুম অমান্য ন-গরে।

১ রাজাবলী 9:4

আর তুই, তুই যুনি তঅ বাপ্পো দায়ূদো ধোক্ক্যেন্‌ দোল্ মনে, গমেডালে মঅ মুজুঙোত্‌ আদচ্‌ আর মর্‌ বেক্‌ উগুমানি, সুদোমানি আর নিদ্দেশ্‌ছানি পালাচ্‌,

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

ইয়োব 1:1

ঊষ দেজত্‌ ইয়োব নাঙে এক্কো মানুচ্‌ বজত্তি গুরিদো। তে এক্কো নিদ্দুজি আর গম্‌ মানুচ্‌ এলঅ‌। তে গোজেনরে ভোক্তি সহকারে দোরেদ আর ভান্ন্যেই কামত্তুন্‌ দূরোত্‌ থেদঅ।

ইয়োব 1:8

লগেপ্রভু সেক্কে সদান্‌নোরে কলঅ, “মঅ মানুচ্‌ ইয়োব ইন্দি কি তুই রিনি চেইয়োচ্? পিত্‌থিমীত্‌ তা ধোক্ক্যেন্ আর কনজন নেই। তে নিদ্দুজি আর গম্‌ মানুচ্‌। তে মরে ভোক্তিগুরিনে দরায়্‌ আর ভান্ন্যেই কামত্তুন্‌ দূরোত্‌ থায়।”

ইয়োব 9:2

ঠিগ্‌ আঘে, মুই হবর্‌ পাং ইয়েনি বেক্কানি সত্য। মাত্তর্‌ গোজেন চোগেদি কেধোক্ক্যেন্‌ গুরি মানুচ্‌ নিদ্দুযি ওই পারন্?

গীতসংহিতা 119:6

সালে তঅ বেক্ উগুমানি পালেবাত্তে মুই ন-লাজেম্।

লূকে লেখ্যে গম্ হবর্ 1:7

তারার্ কনঅ পুয়ো-ছা ন-অয় কিয়া ইলীশাবেতে ভাঝ্ এলঅ। সিয়েন বাদেয়ো তারার্ বয়জঅ অমকদ বেশ্ ওই যেইয়্যে।

লূকে লেখ্যে গম্ হবর্ 16:15

সেক্কে যীশু তারারে কলঅ, তুমি মান্‌জ্য মুজুঙোত্ নিজোরে ধার্মিক দেগেই থাগঅ, মাত্তর্ গোজেনে তমা মন কধা কোই পারে। মান্‌জ্যে যিয়েন সর্মানি মনে গরন্ গোজেন চোগোত্ সিয়েন ঘিনাইদ্যে জিনিস।

লূকে লেখ্যে গম্ হবর্ 2:25

সেক্কে যিরূশালেমত্ শিমিয়োন নাঙে এক্কো ধার্মিক আর গোজেনভক্ত মানুচ্ এলঅ। গোজেনে কক্কে ইস্রায়েলীয়গুনো দুঃখানি দূর্ গুরিবো সেই সময়ানত্তে তে বাজ্জেই আঘে। পবিত্র আত্মা তা উগুরে এলঅ আর তাইধু ফগদাং গোজ্যেদে যে, মুরি যেবার্ আগেদি তে প্রভুর সেই মশীহরে দেগিবো।

প্রেরিত্‌ 2:25

দায়ূদে তা পৌইদ্যেনে কোইয়্যে, মঅ চোগ্‌কুন্ নিত্য প্রভু ইন্দি আঘে; তে মর্ ডেন্ ধাগেদি আঘে বিলিনে মুই থির্ থেইম্।

প্রেরিত্‌ 23:1

পৌলে সোজা দাঙর্ তেম্মাঙ মানুচ্চুনো ইন্দি রিনি চেইনে কলঅ, “মর্ ভেইয়ুন, মুই এচ্চ্যে সং গম্ বিবেক্ দিইনে গোজেনরে ভাবিনে মর্ কামানি পালেয়োং।”

প্রেরিত্‌ 24:16

সেনত্তে মুই গোজেন আর মান্‌জ্য ইধু আমিযে মর্ বিবেগরে সাব্ রাগেবার চেষ্টা গরং।

প্রেরিত্‌ 8:21

আমা এ কামত্ তর্ কনঅ ভাগ বা অধিকার নেই, কিয়া গোজেনর্ চোগেদি তঅ মনান্ ঠিগ্ নয়।

রোমীয় 8:4

তে সিয়েন গুরিলো যেন পাপ-খাচ্চ্যদ অধীনোত্ ন-চলিনে পবিত্র আত্মার্ অধীনোত্ চলিবাত্যে আমা ভিদিরে রীদি-সুদোমর্ দাবী-দাওয়া পূরোণ্ অয়।

১ করিন্হীয় 11:2

মুই তমারে বাঈনী গরঙর্, কিয়া তুমি বেক্কানি পৌইদ্যেনে মঅ কধানি মনত্ গুরি থাগঅ, আর মুই তমারে যে শিক্ষ্যেনি দুয়োং সিয়েনি ধুরি রাগর্।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

দ্বি’লম্বর বিররণ 5:33

যেনে তুমি বাঁজি থেই পার আর তমার্‌ ভালেদি অয় আর যে দেজ্‌ছান তুমি গজক্ গুরিবা সিদু ভালোক্‌ দিন বাঁজি থেই পার সেনত্যে তমার গোজেন লগেপ্রভু যে পথ্‌তানন্দি তমারে চলিবাত্তে উগুম্‌ দিয়্যে তুমি সে পথ্‌তান ইন্দি চুলিবা।

কলসীয় 1:22

মাত্তর্ খ্রীষ্টর মরণর মাধ্যমে তা কিয়্যেগান্দোই গোজেনে নিজো লগে ইক্কিনে তমারে এগত্তর্ গোজ্জ্যে, যেন তে তমারে পবিত্র, থুদো নেইয়্যে আর নিদ্দুজি অবস্থায় নিজো মুজুঙোত্ আঝির্ গুরি পারে।

১ থিষলনীকীয় 3:13

সালে তে তমার মনানি থির্ গুরিবো, যাতে আমার প্রভু যীশু যেক্কে তার্ নিজোর বেক্‌ মানুচ্চুনোরে সমারে লোইনে এবঅ সেক্কে আমা বাব্‌পো আর গোজেন মুজুঙোত্ তুমি থুদো নেইয়্যে আর পবিত্র অ।

২ পিতর 3:14

কোচ্‌পেইয়্যে ভেইয়ুন, তুমি ইক্কিনে ইয়েনি বেক্কানিত্যে বাজ্জেই আঘঅ বিলিনে মনেপরাণে চেষ্টা গরঅ যেনে তে এইনে তমারে থুদো নেইয়্যে ওইনে নিদ্দুজি অবস্থায় সুগে-শান্দিয়্যে বজত্তি গত্তে দেগেগি।

১ যোহন 2:29

তুমি যুনি কোই পারঅ, তে কনদিন্অ অন্যেয় ন-গরে মাত্তর্ ইয়েন হবর্ পেইয়ো-যিগুনে ন্যায় কামত্ নিজোরে কামত্ লাগান, গোজেনত্তুন্ তারার্ জর্ম ওইয়্যে।

১ যোহন 2:3

আমি যুনি তার বেক্‌ উগুমানি পালেই সালে আমি ঘেচ্চ্যেকগুরি বুঝি পারিবোং যে, আমি তারে চিন্ন্যেই।

১ যোহন 3:7

পুয়ো-ছাগুন, কেঅ যেন তমারে ভান্ন্যেই পধেদি ন-নেযান। খ্রীষ্ট অন্যেয় ন-গরে, আর যে কেঅ নিজোরে ন্যায় কামত্ রাগান তেয়ো অন্যেয় ন-গরে।