লূকে লেখ্যে গম্ হবর্ 1:48 - Chakma Bible

⁴⁸ কিয়া তার্ এ সামান্য চাগরানীবো ইন্দি তে মনযোগ্ দিয়্যে। ইক্কেত্তুন্ ধুরি বেক্ মানুচ্চুনে মরে বর্‌পেইয়্যে কবাক্,

লূকে লেখ্যে গম্ হবর্ 1:48 Iomraidhean Croise

পত্থম 30:13

সেক্কে লেয়া কলঅ, “কি সুগী মুই! মিলেগুনে বেক্কুনে মরে সুগী কবাক্‌।” সেনত্তে তে পুয়োবোর্‌ নাঙান্‌ দিলো আশের (যিয়েনর্ ভেদ্‌তান্ “সুগী”)।

২ শমূয়েল 7:8

ইক্কিনে তুই মঅ চাগর দায়ূদরে কঅ, বেগত্তুন্‌ খেমতাবান লগেপ্রভু এ কধাগান কত্তে, মঅ মানুচ্‌ ইস্রায়েলীয়গুনোর শাজন্‌গুরিয়্যে অবাত্তে মুয়ই তরে এ্যমান চোড়েবার্‌ হলাত্তুন্‌, ভেড়া পালর্‌ পিচ্ছোত্তুন্‌ অান্যং।

গীতসংহিতা 102:17

তে সর্বহারাগুনোর তবনার জোব্ দিবো; তারার কোজোলিগানি তে ঈচ্ ন-গুরিবো।

গীতসংহিতা 136:23

যিবে আমারে নাঢা অবস্থাত্ থেলেয়ো আমা কধানি ইদোত্ তুল্যে তারে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে-

গীতসংহিতা 138:6

যুনিয়ো লগেপ্রভু বেক্কানি উগুরে আঘে তো তে তলে পোজ্যে মানুচ্চুনো ইন্দি খিয়েল্ রাগায়, মাত্তর্ বাড়্‌বো গুরিয়্যেগুনোরে তে দূরোত্তুন্ হবর্ পায়।

গীতসংহিতা 72:17

তার সুনাঙান জিংকানিবর থিদেবর্ ওক্; বেলানে যেদকদিন পহর্ দিবো সেদকদিন তার সুনাঙান্ অদে অদে থোক্। তা মাধ্যমে যেন বেক জাদ্‌তুনে আশিদ্‌বাদ পান; তারা তারে ভালেদি জানাদোক্।

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

মালাখি 3:12

সেক্কে বেক্ জাদ্‌‌‌‌‌তুনে তরে বর্ দিবাক্, কিত্যেই তমা দেজ্‌‌‌‌‌চান অবঅ হুজির্ দেশ। মুই বেগত্তুন্ খেমতাবলা লগেপ্রভু কঙর্।”

লূকে লেখ্যে গম্ হবর্ 1:28

স্বর্গদূত্তো মরিয়ম ইধু এইনে তারে ভালেদি জানেইনে কলঅ, “প্রভু তঅ সমারে আঘে আর তরে বোউত্ বর্ দিয়্যে।”

লূকে লেখ্যে গম্ হবর্ 1:45

তুই বর্‌পেইয়্যে, কিয়া তুই বিশ্বেজ্ গোজ্যস্, প্রভু তরে যিয়েন কোইয়্যে সিয়েন্ পূরোণ অবঅ।”

লূকে লেখ্যে গম্ হবর্ 1:49

কিয়া খেমতাবলা গোজেনে মত্তে কত্তমান্ গম্ কাম্ গোজ্যে। তে পবিত্র।

লূকে লেখ্যে গম্ হবর্ 11:27

যীশু যেক্কে কধা কর্ সেক্কে ভিড়ো ভিদিরেত্তুন্ এক্কো মিলে রঅ ছাড়িনে কলঅ, “বর্‌পেইয়্যে সে মিলেবো, যিবে তরে পেদত্ ধোজ্যে আর বুগো দুধ হাবেয়্যে।”

১ শমূয়েল 1:11

তে লগেপ্রভুর ইদু মানত্ গুরিনে কলঅ, “ও দুনিয়ের গিরোজ্ লগেপ্রভু, তুই যুনি তর্‌ এই চাগরানীবোর মনত্‌ দুঘ্‌কান ইন্দি একবার চাজ্ আর মইন্দি মনযোগ দে আর মরে পুরি ন-ফেলেইনে যুনি তর্‌ এই চাগরানীবোরে এক্কো পূঅ দুয়োচ্‌ সালে সারা ঝিংকানিবর্‌ মুই তারে তর্‌ নাঙে দান গুরিম। তার মাদাবোত্‌ কনদিনঅ ক্ষুর বাজানা ন-অবঅ।”

১ শমূয়েল 2:8

তে নাদামান্‌জ্যরে ধুল্যেত্তুন তুলে, আর অভাবীরে তুলে ছেইয়োর কুরোত্তুন্। দাঙর্‌ পোজিশন মান্‌জ্যর্ লগে তে তারারে ববাত্তে দে, আর সর্মানর সিংহাসন দে; কিত্যে পিত্‌থিমীর খুদো বেক্কুন লগেপ্রভুরই, তে সিগুনো উগুরে দুনিয়েগানরে থিদেবর্ গোজ্যে।