লূকে লেখ্যে গম্ হবর্ 1:26 - Chakma Bible

^26-27 ইলীশাবেতে যেক্কে ছয় মাসর্ পিদিলী সেক্কে গোজেনে গালীল রেজ্যর্ নাসরত আদামর্ মরিয়ম নাঙে এক্কো গাবুজ্যে মিলে ইধু গাব্রিয়েল দূতরে পাধেল। রাজা দায়ূদো গুট্টির যোষেফ নাঙে এক্কো মান্‌জ্য লগে তার্ মেলার্ কধাবাত্তা ঠিগ্ ওইয়্যে।

লূকে লেখ্যে গম্ হবর্ 1:26 Iomraidhean Croise

দানিয়েল 8:16

মুই এক্কো মান্‌‌জ্য রঅ শুনিলুং; সেই রবো ঊলয় ছড়া ভিদিরেত্তুন্ ডাগিনে কলঅ, “গাব্রিয়েল, এ দর্শনানর ভেদ্‌তান্ এ মানুচ্চোরে বুঝেই দে।”

দানিয়েল 9:21

মুই সেক্কেয়ো তবনা গরঙর্ এমন সময়োত্ আগ দর্শনত্ মুই যিবেরে দেখ্যং সেই গাব্রিয়েল দূতে সাজোন্যে উৎসর্বর সময়োত্ জোরে উরিনে মইদু এলঅ।

মথি লেখ্যে গম্ হবর্ 2:23

আর নাসরত্ নাঙে এক্কান আদামত্ যেইনে বজত্তি গরা ধুরিলো। ইয়েন ঘুদিলো যেনে ভাববাদীগুনোরে দিইনে এই যে কধানি কুয়ো ওইয়্যে সিয়েনি পরিপূরোন্ অয়: “তারে নাসরতীয় বিলি ডাগা অবঅ।”

লূকে লেখ্যে গম্ হবর্ 1:19

স্বর্গদূত্তো তারে কলঅ, “মঅ নাঙান্ গাব্রিয়েল; মুই গোজেন মুজুঙোত্ থিয়্যেই থাং। তঅ লগে কধা কবাত্তে আর তরে এ গম্ হবরান্ দিবাত্তে গোজেনে মরে পাধেয়্যে।

লূকে লেখ্যে গম্ হবর্ 2:39

প্রভুর আইন-কানুন্ মজিম্ বেক্কানি থুম্ গুরিনে মরিয়ম আর যোষেফে গালীলোত্ তারার্ নিজো আদামত্ নাসরদত্ ফিরি গেলঅ।

লূকে লেখ্যে গম্ হবর্ 2:4

যোষেফে অলদে রাজা দায়ূদো গুট্টির মানুচ্। রাজা দায়ূদো জর্মর্ জাগায়ান্ এলঅ যিহূদিয়া রেজ্যর্ বৈৎলেহম আদামত্। সেনত্তে যোষেফে নাঙ্ লিগিবাত্তে গালীল রেজ্যর্ নাসরত্ আদামত্তুন্ বৈৎলেহম আদামত্ গেলঅ। মরিয়মেয়ো তা সমারে সিধু গেলঅ। ইবে সমারে যোষেফর্ মেলা ঠিগ্ ওইয়্যে। সে অক্তত্ মরিয়মে পিদিলী এলঅ আর বৈৎলেহমত্ থাগদে তা পুয়োবো জোর্মেবার্ অক্ত অলঅ।

যোহন 7:41

অন্যগুনে কলাক্, “ইবেই মশীহ।” মাত্তর্ কেঅ কেঅ কলাক্, “মশীহ কি গালীল রেজ্যত্তুন্ এবঅ?