লূকে লেখ্যে গম্ হবর্ 1:21 - Chakma Bible

²¹ ইন্দি মানুচ্চুনে সখরিয়ত্তে বাজ্জেই আগন্। উবোসনা-ঘরর্ পবিত্র জাগানত্তে তার্ দেরি অর্ দেগিনে তারা চিদে গরা ধুরিলাক্।

লূকে লেখ্যে গম্ হবর্ 1:21 Iomraidhean Croise

মথি লেখ্যে গম্ হবর্ 27:5

সেক্কে যিহূদা সেই রূবোর্ টেঙাগুন্ নিইনে উবোসনা-ঘর ভিদিরে মেলা মারিনে গেলগোই আর ফাঁস হেইনেই মুরিলো।

মথি লেখ্যে গম্ হবর্ 8:10

যীশু এ কধাগান শুনিনে আমক্ অলঅ আর যিগুনে তা পিযে পিযে যাদন্ তারারে কলঅ, “মুই তমারে ঘেচ্চেকগুরি কঙর্, ইস্রায়েলীয়গুনো ভিদিরেয়ো এদক্ বিশ্বেজ্‌বলা কারঅ ভিদিরে মুই ন-দেগং।

লূকে লেখ্যে গম্ হবর্ 1:20

চাহ্, মঅ কধাগান সময়মজিম্ পূরোণ অবঅ, মাত্তর্ তুই মঅ কধাগান বিশ্বেজ্ ন-গরচ্ বিলি ববা ওই থেবে। যেদক বিলোন্ সং ইয়েনি বেক্কানি ন-ঘদে সেদক্ বিলোন্ সং তুই কধা কোই ন-পারিবে।”

লূকে লেখ্যে গম্ হবর্ 1:22

পরেদি সখরিয় যেক্কে নিগিলি এলঅ সেক্কে মানুচ্চুনো লগে কধা কোই ন-পারিলো। ইয়েন্দোই মানুচ্চুনে বুঝি পারিলাক্ পবিত্র জাগাত্ তে কনঅ দর্শন পেইয়্যে। তে মানুচ্চুনো ইধু ইজিরেদি কধা কুয়ো ধুরিলো আর ববা ওই রলঅ।