লূকে লেখ্যে গম্ হবর্ 1:15 - Chakma Bible

¹⁵ কিয়া প্রভুর্ চোগেদি তে দাঙর্ অবঅ। তে কনদিন্অ আংগুর-রস বা কনঅ বাবোত্যে মদ্ ন-হেবঅ আর মা পেদত্ থাগদে তে পবিত্র আত্মালোই ভর্ পুনোং অবঅ।

লূকে লেখ্যে গম্ হবর্ 1:15 Iomraidhean Croise

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 48:19

মাত্তর্‌ তা বাবে সেক্কে আবিত্তি জানেইনে কলঅ, “মুই সিয়েন্‌ হবর্‌ পাং বাবা, মুই দঅ হবর্‌ পাং। তেয়ো দাঙর্ অবঅ আর তা বংশ মানুচ্চুনে এক্কো জাদ্ ওইনে উদিবাক্। মাত্তর্‌ তা চিগোন্‌ ভেইবো তাত্তুন্‌ বেশ্‌ দাঙর্‌ অবঅ আর্‌ তা বংশ মানুচ্চুনো ভিদিরেত্তুন্‌ ভালোক্কুন্‌ জাদ্ উদিবাক্।”

১ বংশধর 17:8

তুই যেদক্কানি চাগালাত্‌ যেয়োচ্‌ মুয়ো সিদু তঅ সমারে যেয়োং আর তঅ মুজুঙোত্তুন্‌ তর্ বেক্‌ শত্রুগুনোরে শেজ্‌ গুরি দুয়োং। মুই তঅ নাঙান্‌ পিত্‌থিমীর নাঙ্‌গোজ্যে মানুচ্চুনো নাঙানি ধোক্ক্যেন ইদোত্‌ থাই পারা গুরি দিম্‌।

১ বংশধর 29:12

ধন আর সর্মান এজেদে তত্তুন্‌; তুয়ই বেক্কানি শাজন্ গুরি থাচ্‌। তঅ আদত্‌ রোইয়্যেদে বল্‌ আর খেমতা; মান্‌জ্যরে ভালেদি গুরিবার আর বল্‌ দিবার্‌ অধিকারান্‌ তর্‌।

গীতসংহিতা 22:9

মা পেদত্তুন্ তুয়ই মরে নিগিলেই আন্যচ্; যেক্কেনে মুই মা দুধ হেদুং সেক্কেনে তঅ উগুরে মর্ বিশ্বেজ্‌ছান তুয়ই জাগেয়োচ্।

যিরমিয় 1:5

“তরে মা পেদত্ বানেবার্ আগেদি মুই তরে বেঈ থোইয়োং। তর্ জর্মর্ আগেদি মুই তরে যুদো গুরি থোইনে জাদ্‌‌তুনো ইধু ধর্মগুরু ইজেবে বেঈ লোইয়োং।”

যিরমিয় 35:6

মাত্তর্ তারা কলাক্, “আমি আংগুর-রস ন-হেই, কিত্তে আমা পুরোণি মানুচ্ রেখবর পুয়ো যিহোনাদবে আমারে এ উগুমান দিয়্যে, ‘তুমি বা তমা বংশধরুনে কনদিন্‌অ আংগুর-রস ন-হেবা।

লেবীয় 10:9

তুই আর তর্‌ পুয়োগুনে আংগুর্‌-রস বা মদ হেইনে মিলন-তাম্বুলোত্‌ ন-চোমেবা, চোমেলে তুমি মুরি যেবা। বংশর্‌ পর্‌ বংশ ধুরিনে ইয়েন্‌ অবঅ তমার্‌ এক্কান্‌ উমরর্ সুদোম।

সখরিয় 9:15

বেগত্তুন্ খেমতাবলা লগেপ্রভু তারারে রোক্ষ্যে গুরিবো। ইয়েন্দোই তারা শত্রুগুনোরে ভস্ত গুরিবাক্ আর তারার্ ফিংগার পাত্তরুন টেঙোই মাড়িবাক্। তারা আংগুর-রস হেবাক্ আর মাত্তলুনো ধোক্ক্যেন রঅ ছাড়িবাক্; ঢালিপূজোগুনোর কোণাগুনোত্ পিলেত্তুন্ লো ঢালেদে ধোক্ক্যেন গুরি তারা বজমান্ লো ঝোড়েবাক্।

লূকে লেখ্যে গম্ হবর্ 1:14

তে তঅ জিংকানিত্ অমকদ হুজি অইদ্যে ধোক্ক্যেন্ অবঅ আহ্ তার জর্মানাত্তে আরঅ ভালোক্‌জনে হুজি অবাক্,

লূকে লেখ্যে গম্ হবর্ 7:28

মুই তমারে কঙর্, মান্‌জ্য ভিদিরেত্তুন্ কনজনে যোহনত্তুন্ দাঙর্ নয়; মাত্তর্ গোজেন রেজ্য ভিদিরেত্তুন্ বেগত্তুন্ যে চিগোন্ তেয়ো যোহনত্তুন্ দাঙর্।”

লূকে লেখ্যে গম্ হবর্ 7:33

বাপ্তিস্মদিয়্যে যোহনে এইনে রুটি বা আংগুর-রস ন-হেলঅ বিলি তুমি কত্তে, তারে অসিজি আত্মায় পেইয়্যে।

যোহন 5:35

যোহনে এলদে সেই জোল্-জোল্যে চেরাক্কো যিবে জ্বলিনে পহ্‌র দের্; তুমি খানক্‌কনত্যে তার্ সেই পহ্‌রত্ হুজী গুরিবাত্তে রাজী ওইয়ো।

প্রেরিত্‌ 2:4

সেক্কে তারা বেক্কুনে পবিত্র আত্মালোই ভর্‌‌‌পুনোং অলাক্ আর সেই আত্মাগানে যিবেরে যেধোক্ক্যেন কধা কবার্ খেমতা দিলো সে ধগে তারা নানান্ ভাষায় কধা কুয়ো ধুরিলাক্।

গালাতীয় 1:15

মাত্তর্ গোজেনে মর্ জর্মর সময়ত্তুন্ ধুরি মরে বেঈ লোইনে থোইয়্যে আর তার্ দোয়্যেলোই প্রচারক অবাত্যে তে মরে ডাক্ক্যে।

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,

যিহোশূয় 3:7

সেক্কে লগেপ্রভু যিহোশূয়রে কলঅ‌, “এচ্চ্যেত্তুন ধুরি বেক্‌ ইস্রায়েলীয়গুনোর চোগোত্‌ মুই তঅ সর্মানান্‌ বাড়েবাত্তে আরাম্ভ গুরিম্‌, যেনে তারা বুঝি পারন্‌, মুই যেধোক্ক্যেন গুরি মোশি লগে এলুং সেধোক্ক্যেন তঅ‌ লগেয়ো আগঙ্‌।

যিহোশূয় 4:14

সেদিন্যে লগেপ্রভু বেক্‌ ইস্রায়েলীয়গুনোর চোগোত্‌ যিহোশূয়রে সর্মান গুরিলো। সিয়েনত্তে মানুচ্চুনে মোশি ধোক্ক্যেন্‌ গুরিনে যিহোশূয়র পুরো জীংকানিগান ধুরিনে তারে ভোক্তি গুরিলাক্‌।