লেবীয় 9:6 - Chakma Bible

⁶ মোশি সেক্কে তারারে কলঅ, “লগেপ্রভুর্ মহিমা যেন তমা মুজুঙোত্ ফগদাঙ্‌ পায়্‌ সেনত্তে তে তমারে এদক্কানি গুরিবার উগুম্‌ দিয়্যে।”

লেবীয় 9:6 Iomraidhean Croise

যাত্রা 16:10

হারোণে যেক্কে ইস্রায়েলীয়গুনো ইদু কধা কলঅ সেক্কে তারা ধূল্যেচর-চাগালা ইন্দি রিনি চেলাক্; আর আমক্‌ অবার্‌ ইয়েন, সিয়েনত্‌ মেঘ ভিদিরে তারা লগেপ্রভুর্‌ মহিমা দেগিলাক্।

যাত্রা 24:16

আর সিনাই মুড়োবো উগুরে লগেপ্রভুর্‌ মহিমাগান ঠিগ্ ওই রলঅ‌। ছয়দিন সং মুড়োবো মেঘ চাক্কোই ঢাক্কে রলঅ। সে পরেন্দি সাত দিনোত্‌ সেই মেঘ ভিদিরেত্তুন্‌ লগেপ্রভু মোশিরে ডাগিলো।

যাত্রা 29:43

ইস্রায়েলীয়গুনো লগে মুই সিদু দেগা গুরিম্‌ আর মর্‌ মহিমাগানে সেই জাগায়ানরে ফারক্‌ গুরি রাগেব।

যিহিষ্কেল 43:2

আর মুই পূগেদিত্তুন্ ইস্রায়েল গোজেনর মহিমাগান্ এত্তে দেগিলুং। তার্ মুয়ো রবো এলদে জোরে বেঈ যেইয়্যে পানি গঙার গুজুরোনি ধোক্ক্যেন্ আর তার মহিমালোই পিথ্‌‌‌‌‌‌তিমীগান জোল্‌‌‌‌‌‌জোল্যে ওই উদিলো।

লেবীয় 9:23

ইয়েনর্ পরেদি মোশি আর হারোণে মিলন-তাম্বুলো ভিদিরে গেলাক্। সিয়োত্তুন্‌ নিগিলি এইনে তারা মানুচ্চুনোরে আশিদ্‌বাদ গুরিলাক্‌। সেক্কে বেক্‌ মানুচ্চুনো মুজুঙোত্ লগেপ্রভুর্ মহিমাগান্ দেগা দিলো।

লেবীয় 9:5

তারা মোশির্‌ উগুম মজিম্ বেক্‌ জিনিস্‌ছানি মিলন-তাম্বুলো মুজুঙোত্ আনিলাক্ আর ইস্রায়েলীয়গুনে বেক্কুনে যেইনে লগেপ্রভুর্ মুজুঙোত্ থিয়েলাক।