লেবীয় 9:5 - Chakma Bible

⁵ তারা মোশির্‌ উগুম মজিম্ বেক্‌ জিনিস্‌ছানি মিলন-তাম্বুলো মুজুঙোত্ আনিলাক্ আর ইস্রায়েলীয়গুনে বেক্কুনে যেইনে লগেপ্রভুর্ মুজুঙোত্ থিয়েলাক।

লেবীয় 9:5 Iomraidhean Croise

১ বংশধর 15:3

লগেপ্রভুর সুন্দুক্কোত্তে দায়ূদে যে জাগায়ান্‌ যুক্কোল্‌ গোজ্যে সিয়েনত্ সুন্দুক্কো আনিবাত্তে তে বেক্‌ ইস্রায়েলীয়গুনোরে এক্কান্‌ জাগাত্‌ এগত্তর্‌ গুরিলো।

নহিমিয় 8:1

সাত্‌ মাজর্ আগেন্দি বেক্‌ মানুচ্চুনে একলগে মিলিনে পানি-গেদোর্‌ মুজুঙেন্দি চক্কর্‌বোত্‌ এগত্তর্‌ অলাক্‌। তারা ধর্ম-মাস্টর্‌ ইষ্রারে ইস্রায়েলীয়গুনোত্তে লগেপ্রভুর দিয়্যে উগুম্‌, অত্তাৎ মোশির রীদি-সুদোম বোইবো আনিবাত্তে কলাক্।

যাত্রা 19:17

সেক্কে গোজেন মুজুঙোত্‌ যেবাত্তে মোশি তাম্বুলোত্তুন্ মানুচ্চুনোরে নিগিলেনেই নেযেল। মানুচ্চুনে মুড়োবোর্‌ তলে যেইনে ঠিয়্যেই রলাক্‌।

লেবীয় 9:6

মোশি সেক্কে তারারে কলঅ, “লগেপ্রভুর্ মহিমা যেন তমা মুজুঙোত্ ফগদাঙ্‌ পায়্‌ সেনত্তে তে তমারে এদক্কানি গুরিবার উগুম্‌ দিয়্যে।”

দ্বি’লম্বর বিররণ 31:12

মরদ, মিলে, ঝি-পূঅ আর তমার নানান্‌ আদামর আহ্‌ শঅরর নানান্‌ জাদর্‌ মানুচ্চুনোরে ডাগিনে তুমি একলগে এগত্তর গুরিবা, যেনে তারা সিয়েনি শুনোন আর তমার গোজেন লগেপ্রভুরে ভোক্তি গুরিবাত্তে শিগোন্‌ আর এই রীদি-সুদোমর্ বেক্‌ কধানি দোলেডালে পালন গরন্‌।