লেবীয় 8:36 - Chakma Bible

³⁶ মোশিরে দিইনে লগেপ্রভু যিয়েন্‌ গুরিবাত্তে উগুম্‌ গোজ্যে হারোণে আর তার্‌ পূঅগুনে সিয়েনি বেক্কানি গুরিলাক্।

লেবীয় 8:36 Iomraidhean Croise

যাত্রা 39:43

মোশি তারার্‌ বেক্‌ কামানি দেগিনেই বুঝিলোদে, লগেপ্রভুর উগুম মজিম্‌ বেক্‌ কামানি গরা ওইয়্যে। সেক্কে মোশি ইস্রায়েলীয়গুনোরে আশিদ্‌বাদ গুরিলো।

যাত্রা 40:16

লগেপ্রভু মোশিরে যেধোক্ক্যেন গুরি উগুম দিয়্যে মোশি সেধোক্ক্যেন বেক্কানি গুরিলো।

লেবীয় 8:35

তুমি যেন মারা ন-পড় সেনত্তে এচ্চ্যেত্তুন্‌ ধুরি সাত দিন সং তুমি দিন-রেদ্‌ মিলন-তাম্বুলো ভিদিরে থেবা আর লগেপ্রভু চাইদে ধোক্ক্যেন গুরি কাম্‌ গুরিবা। মুই এ উগুমান পেইয়োং।”

লেবীয় 8:9

সে পরেদি কবঙান্‌ হারোণর্‌ মাদা উগুরে রাগেইনে পবিত্র মুকুট্টো, অত্তাৎ সেই সনার্‌ পাত্তান্‌ কবঙানর্‌ মুজুঙেন্দি বোজেই দিলো। বেক্কানি মোশি লগেপ্রভুর্ উগুম মজিম গুরিলো।

লেবীয় 9:1

অদেঅদে-অনুষ্ঠানর্‌ আস্‌টো দিনোত্‌ হারোণে আর তার্‌ পূঅগুনে আর ইস্রায়েলীয় বুড়ো মুরুব্বীগুনোরে মোশি ডাগিবাত্তে পাদেল।

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

দ্বি’লম্বর বিররণ 4:2

মুই তমারে যে উগুমানি দুয়োঙর্‌ তা সমারে কিজু ন মিজেয়ো আর সিয়োত্তুন্‌ কিজু বাদঅ ন দুয়ো। তমা গোজেন লগেপ্রভুর যেদক্কানি উগুম মুই তমারে দুয়োঙর্‌ সিয়েনি তুমি মানি চলিবা।

১ শমূয়েল 15:22

সেক্কে শমূয়েলে কলদে, “লগেপ্রভুর উগুমান পালেবাত্তে তে যেদক্‌ হুজি অয়, পুজ্যে-উৎসর্ব আর য়েমান-উৎসর্বত্তে কি তে সেদক হুজি অয়? য়েমান-উৎসর্বত্তুন তাঁর উগুমান পালানা আর ভেড়াছাগল তেলত্তুন্‌ তাঁর কধানির্ বাধ্য অনা বোউত্‌ গম্‌।