লেবীয় 8:27 - Chakma Bible

²⁷ সিয়েনি বেক্কানি তে হারোণ আর তার্‌ পূঅগুনোর্‌ আঢত্ দিইনে দোলন-উৎসর্ব ইজেবে সিয়েনি লগেপ্রভুর্ মুজুঙোত্ দুলেল।

লেবীয় 8:27 Iomraidhean Croise

যিরমিয় 30:21

তারার নেতা অবঅ তারাত্তুন্ একজনে; তারা ভিদিরেত্তুন তারার শাজন্‌গুরিয়্যে উদিবাক্। মুই তারে ডাগিম আর তে মইধু এবঅ, কিত্তে মুই ন-ডাগিলে কন্না সাহস গুরিনে মইধু এই পারে?

লেবীয় 14:12

“ধর্মগুরুবো সে ভেড়াছাগল দ্বিবেত্তুন্‌ এক্কো আর সে পৌনে দ্বিলিটার্‌ তেল্‌ লোইনে দুষ-উৎসর্বর অনুষ্ঠান গুরিবো আর দোলন-উৎসর্ব ইজেবে লগেপ্রভু মুজুঙোত্ সিয়েনি দুলেব।”

লেবীয় 8:28

সে পরেদি তে সিগুন্‌ তারা আঢত্তুন্‌ লোইনে অদেঅদে-অনুষ্ঠানর্‌ উৎসর্ব ইজেবে পূজোবো উগুরে পুজ্যে-উৎসর্ব উগুরে সিয়েনি পুড়ি ফেলেল। ইবে লগেপ্রভুর্ নাঙে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়্‌।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!