লেবীয় 8:17 - Chakma Bible

¹⁷ মাত্তর্‌ বলদ্‌তোর্‌ চামাড়ায়ান্‌, য়েরায়ান্‌ আর গুয়ান্‌ তে তাম্বুলোর্‌ বারেন্দি নেযেইনে পুড়ি ফেলেল। মোশি বেক্কানি লগেপ্রভুর্ উগুম মজিম্ গুরিলো।

লেবীয় 8:17 Iomraidhean Croise

যাত্রা 29:14

দামাড়া গোরুবোর্‌ য়েরা, চামানি আর গুসুদ্ধো বাড়াল্‌-আদুরিগানি ইস্রায়েলীয়গুনোর্‌ তাম্বুলত্তুন্‌ দূরোত্‌ নিইনে পুড়ি ফেলেবে। ইবে এক্কো পাপ-উৎসর্ব।

যিহিষ্কেল 43:21

তুই পাপ-উৎসর্বত্তে গদ্দন্ দিয়্যে গোরুবো নেযেইনে উবোসনা-ঘর চাগালার্ বারেদি সুদ্ধো-সাংগ জাগানর্ ঠিগ্ জাগানত্ সিবে পুড়িবে।

লেবীয় 16:27

পাপ ঢাগি দিবাত্তে পাপ-উৎসর্বর যে বলত্তো আর ছাগলর্‌ লো-গান্‌ দাঙর্‌ পবিত্র জাগাত্‌ লোই যেবার্‌ কধা কুয়ো ওইয়্যে সিগুনোর্‌ কিয়্যেগানি তাম্বুল বারেন্দি নেযেইনে চামাড়া, য়েরা আর গু-সুদ্দো বেক্কানি পুড়ি ফেলা পুরিবো।

লেবীয় 4:21

ধর্মগুরুবো সেই বলদ্‌তোর্ বাদবাগি ভাগ্‌কানি তাম্বুল বারেন্দি নেযেইনে পাপ-উৎসর্বর্ অন্য বলদ্ গোরুবোর্ ভাগ্‌কানি ধোক্ক্যেন গুরি পুড়ি ফেলেব। ইবে অলঅ গোদা ইস্রায়েল্‌ জাদর্‌ পাপ-উৎসর্বর্ অনুষ্ঠান।

লেবীয় 6:30

পবিত্র জাগানত্‌ পাপ ঢাগি দিবার্‌ নাঙে যুনি পাপ-উৎসর্বর্ কনঅ এ্যামানর্‌ লো মিলন-তাম্বুলোত্ নেযা অয় ছালে সিয়েনর্‌ য়েরাগান্‌ হেই ন-পারিবো, সিয়েন্‌ পুড়ি ফেলা পুরিবো।

লেবীয় 9:11

য়েরাগান্‌ আর চামড়াগান্‌ তে তাম্বুল বারেদি নেযেইনে পুড়ি ফেলেল।

গালাতীয় 3:13

রীতি-সুদোম্ অমান্য গরানার ফলে যে অভিশাব্‌পান আমা উগুরে এলঅ, খ্রীষ্ট সে অভিশাব্‌পান নিজো উগুরে লোইনে আমারে উদ্ধোর্ গোজ্জ্যে। পবিত্র বোইবোত্ এ কধাগান্ লেগা আঘে, “যিবেরে গাজত্ টাঙা অয় তে অভিশাব্ পেইয়্যে।”