লেবীয় 7:7 - Chakma Bible

⁷ পাপ-উৎসর্ব আর দুষ্‌-উৎসর্ব এক্কুই‌ সুদোমে গরা পুরিবো। যে ধর্মগুরুবো এ দ্বিবে উৎসর্বর্‌ যে কনঅ এক্কোর অনুষ্ঠান্‌ গুরিনে উৎসর্ব গুরিয়্যেবোর্ পাপ্‌পানি ঢাগি দিবার্‌ বেবস্থা গুরিবো উৎসর্বর য়েরাগান্‌ সেই ধর্মগুরুবোর্‌ পাওনা অবঅ।

লেবীয় 7:7 Iomraidhean Croise

২ রাজাবলী 12:16

দুষ-উৎসর্বর আর পাপ-উৎসর্বর টেঙাগুন্‌ লগেপ্রভুর ঘর বাক্‌সুবোত্‌ ন-রাগেদাক; সিগুন্‌ অদঅ ধর্মগুরুগুনোর ভাগ।

২ রাজাবলী 12:17

এ সময়োত্‌ অরামর রাজা হসায়েলে যেইনে গাৎ আক্রমণ গুরিনে সিয়েন্‌ গজক গুরি নেযেল। সে পরেন্দি তে যিরূশালেমান্‌ আক্রমণ গুরিবাত্তে উজেই গেলঅ।

লেবীয় 14:13

পবিত্র তাম্বুল-ঘরর্‌ চাগালাত্‌‌ যিয়েনত্‌ পাপ-উৎসর্ব আর পুজ্যে-উৎসর্বর্‌ য়েমান্‌ কাবা অয় সে ভেড়াছাগল্লো কাবা পুরিবো। পাপ-উৎসর্বর্‌ য়েরাগান ধোক্ক্যেন দুষ-উৎসর্বর য়েরাগানঅ ধর্মগুরুবোর্ পাওনা। এই য়েরাগান্‌ দাঙর্‌ পবিত্র জিনিস্।

লেবীয় 2:10

এ শোজ্য-উৎসর্বর জিনিজোর্‌ বাদবাগি যিয়েনি থেবঅ সিয়েনি হারোণ আর তার্‌ পূঅগুনোর্‌ পাওনা অবঅ। লগেপ্রভুর্ নাঙে আগুন্দোই-গোজ্যে বেক্‌ উৎসর্বয়ান ভিদিরে শোজ্য-উৎর্বর্ এ বাদবাগি ভাক্কান দাঙর্ পবিত্র জিনিস্।

লেবীয় 2:3

এ শোজ্য-উৎসর্বর জিনিজোর্‌ বাদবাগি যিয়েনি থেবঅ সিয়েনি হারোণ আর তার্ পূঅগুনোর্‌ পাওনা অবঅ। লগেপ্রভুর্ নাঙে আগুন্দোই-গোজ্যে বেক্‌ উৎসর্বয়ান ভিদিরে শোজ্য-উৎর্বর্ এ যেরেদি ভাক্কো দাঙর্‌ পবিত্র জিনিস্।

লেবীয় 6:17

সিয়েন্‌ যেন সদা মিজেয়ে সিক্যা ন-অয়। মর্‌ নাঙে আগুন্দোই‌-গোজ্যে উৎসর্বর্ জিনিজোর্ এ ভাক্কান্‌ মুই তারারে দিলুং। পাপ-উৎসর্ব আর দুষ-উৎসর্ব ধোক্ক্যেন শোজ্য-উৎসর্বর্ এ ভাক্কান্‌অ দাঙর্‌ পবিত্র জিনিস্।

লেবীয় 7:8

পুজ্যে-উৎসর্বর্‌ অনুষ্ঠান্‌ যে ধর্মগুরুবো গুরিবো তে তার্‌ নিজোত্তে সেই উৎসর্বর্ য়েমান চামাড়াগান্‌ থোই দি পারিবো।

গণাণা 5:8

ক্ষেতিপূরোণ নিবাত্তে যুনি সেই মানুচ্চোর্‌ কনঅ সদর্‌ কুদুম্মো ন-থায় সালে সিয়েন্‌ লগেপ্রভুর্‌ পাওনা অবঅ। সেই ক্ষেতিপূরোণ আর তার্‌ পাপ্পানি নাঢি দিবার্‌ ভেড়াছাগল্লো ধর্মগুরুগুনোরে দিয়া পুরিবো।

১ করিন্হীয় 10:18

ইস্রায়েল জাদ কধা চিন্তে গরঅ। তারা ইধু যিগুনে উৎসর্বর জিনিচ্‌ হেই থান্ তারা কি সেই পূজোবোর্ বেক্কানিত্ ভাগ ন-লন্?

১ করিন্হীয় 9:13

তুমি কি কোই ন-পারঅ, যিগুনে উবোসনা-ঘরর্ কাম গরন্ সিগুনে উবোসনা-ঘরত্তুন্ হানা পান্, আর যিগুনে পূজোর্ কাম গরন্ সিগুনে পূজোবোত্ যিয়েনি উৎসর্ব গরা অয় সিয়েনির ভাগ্ পান?