লেবীয় 7:6 - Chakma Bible

⁶ ধর্মগুরু-পরিবারর্‌ যে কনঅ মরদ মানুচ্‌ সিয়েন্‌ হেই পারিবাক্‌, মাত্তর্‌ সিয়েন্‌ হা পুরিবো পবিত্র তাম্বুল-ঘরর্‌ চাগালাত্‌। ইবে দাঙর্‌ পবিত্র জিনিস।

লেবীয় 7:6 Iomraidhean Croise

যিহিষ্কেল 42:13

সে পরেদি তে মরে কলঅ, “উবোসনা-ঘরর মেলা জাগাত্ উত্তোর্ আর দোগিণেদি বিল্ডিং দ্বিয়েন ধর্মগুরুগুনোর। যে ধর্মগুরুগুনে লগেপ্রভু ইধু যান্ তারা এ বিল্ডিং দ্বিয়েনত্ উৎসর্বর দাঙর্ সুদ্ধো-সাংগ জিনিসচানি হেবাক্। সিয়েনত্ তারা শোস্য-উৎসর্ব, পাপ-উৎসর্ব আর দুষ উৎসর্বর দাঙর্ সুদ্ধো-সাংগ জিনিসচানি থবাক্, কিত্যে বিল্ডিং দ্বিয়েন সুদ্ধো-সাংগ।

লেবীয় 2:3

এ শোজ্য-উৎসর্বর জিনিজোর্‌ বাদবাগি যিয়েনি থেবঅ সিয়েনি হারোণ আর তার্ পূঅগুনোর্‌ পাওনা অবঅ। লগেপ্রভুর্ নাঙে আগুন্দোই-গোজ্যে বেক্‌ উৎসর্বয়ান ভিদিরে শোজ্য-উৎর্বর্ এ যেরেদি ভাক্কো দাঙর্‌ পবিত্র জিনিস্।

লেবীয় 21:22

হালিক্ গোজেনর্‌‌ নাঙে উৎসর্ব গোজ্যে হানা ভিদিরে পবিত্র আর দাঙর্‌ পবিত্র বেক্‌ হানাগানি তে হেই পারিবো,

লেবীয় 6:11

সে পরেদি তে এ কাবড়ান্‌ থোইনে অন্য কাবড় উরিনে তাম্বুলোর্‌ বারেন্দি কনঅ শুদ্ধ-সাংগ জাগাত্‌ সেই ছেইয়ান্‌ নেযেব।

লেবীয় 6:29

ধর্মগুরু্‌-পরিবারর্‌ যে কনঅ মরদ মান্‌জ্যে সিয়েন্‌ হেই পারিবো। ইবে দাঙর্‌ পবিত্র জিনিজ।

লেবীয় 7:5

ধর্মগুরুবো সিয়েনি লোইনে লগেপ্রভুর্ নাঙে আগুন্দোই-গোজ্যে উৎসর্ব ইজেবে পূজোবো উগুরে সিয়েনি পুড়ি ফেলেব। ইবে এক্কো দুষ্‌-উৎসর্ব।

হগয় 2:12

‘কনঅ মানুচ্ যুনি তার কাবড় ভাজত্ সুদ্ধো-সাংগ য়েরা নেযায় আর সেই কাবড়ান বাঁজিনে কনঅ রুটি, উজুনো হানা, আংগুর-রস, তেল বা অন্য কনঅ হানা বাঁজি থায় সালে সিয়েন কি সুদ্ধো-সাংগ ওই যায়?’ ” হগয়র প্রশ্নগানর জোবত্ ধর্মগুরুগুনে কলাক্, “না, ন অয়।”

১ করিন্হীয় 10:18

ইস্রায়েল জাদ কধা চিন্তে গরঅ। তারা ইধু যিগুনে উৎসর্বর জিনিচ্‌ হেই থান্ তারা কি সেই পূজোবোর্ বেক্কানিত্ ভাগ ন-লন্?

১ করিন্হীয় 9:13

তুমি কি কোই ন-পারঅ, যিগুনে উবোসনা-ঘরর্ কাম গরন্ সিগুনে উবোসনা-ঘরত্তুন্ হানা পান্, আর যিগুনে পূজোর্ কাম গরন্ সিগুনে পূজোবোত্ যিয়েনি উৎসর্ব গরা অয় সিয়েনির ভাগ্ পান?