লেবীয় 7:30 - Chakma Bible

^30-31 লগেপ্রভুর্ নাঙে আগুন্দোই‌-গোজ্যে উৎসর্বর এ ভাগ্‌কান্‌, অত্তাৎ বুগো য়েরাগান্‌ আর তার্‌ উগুরে তেলান্‌ তে নিজোর্‌ আঢে ধর্মগুরুগুনোরে দিবো। বুগোর্‌ য়েরাগান্‌ ধর্মগুরুবো দোলন-উৎসর্ব ইজেবে লগেপ্রভুর্ মুজুঙোত্ দুলেব আর সিয়েন্‌ হারোণ আর তার্‌ পূঅগুনোর্‌ পাওনা অবঅ, মাত্তর্‌ তেলান্‌ তে পূজোবো উগুরে পুড়ি ফেলেব।

লেবীয় 7:30 Iomraidhean Croise

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

লেবীয় 10:14

মাত্তর্ লগেপ্রভুর্ নাঙে দুলেই রাগেয়্যে বুগোর্ য়েরাগান আর উলুহুল্লো তুই আর তর্‌ পূঅ-ঝিগুনে বেক্কুনে হেই পারিবাক্। ইয়েনি তুমি কনঅ শুদ্ধ-সাংগ জাগাত হেবা। ইস্রায়েলীয়গুনোর বেক উদোলোলি-উৎসর্বর্ এ ভাগত্তুন তরে আর তর্‌ পূঅ-ঝিগুনোরে দিয়্যে ওইয়্যে।

লেবীয় 10:15

আগুন্দোই গোজ্যে উৎসর্বত্তে যেক্কে তেল আনা অবঅ সেক্কে লগেপ্রভুর্ মুজুঙোত্ দোলন-উৎসর্ব ইজেবে দুলেবাত্তে উলুহুল্লো আর বুগোর য়েরানিও আনা পুরিবো। লগেপ্রভুর্ উগুম মজিম্ এ উলুহুল্লো আর বুগোর য়েরাগান তর্‌ আর তর্‌ পূঅ-ঝিগুনোর অক্ত মজিম্ পাওনা।”

লেবীয় 3:14

উৎসর্ব গুরিয়্যেবো যে য়েমান্নো উৎসর্ব গুরিবো সিবেত্তুন্‌ কদক্কানি ভাগ্ তাত্তুন্‌ লগেপ্রভুর্ নাঙে আগুন্দোই‌-গোজ্যে উৎসর্বর অনুষ্ঠানত্তে নিগিলেনেই ধর্মগুরুবোরে দিয়্যে পুরিবো। এ ভাগ্‌কানি অলঅ সেই য়েমান্নোর্ পেদ ভিদিরে নানান্ বাবোত্যে ভাগ্‌কানি উগুরে তেলানি আর সিয়েনি সমারে তেলানি,

লেবীয় 3:9

লগেপ্রভুর্ নাঙে আগুন্দোই-গোজ্যে উৎসর্বর্‌ অনুষ্ঠানত্তে উৎসর্ব গুরিয়্যেবোর্ এ ভালেদি-উৎসর্বর্ য়েমানত্তুন্‌ কদক্কানি ভাগ্ নিগিলেনেই ধর্মগুরুবোরে দিয়্যে পুরিবো। এ ভাক্কানি অলঅ সে য়েমান্নোর্‌ তেল, কাঙেল তলেত্তুন্‌ কাবি নেযেয়্যে তেল্‌বলা পুরো লেজ্‌ছান্‌, পেদ ভিদিরে নানান্ ভাগ উগুরে তেলানি আর সিয়েনি লগে তেলানি,

লেবীয় 8:27

সিয়েনি বেক্কানি তে হারোণ আর তার্‌ পূঅগুনোর্‌ আঢত্ দিইনে দোলন-উৎসর্ব ইজেবে সিয়েনি লগেপ্রভুর্ মুজুঙোত্ দুলেল।

লেবীয় 8:29

পরেদি তে তার্‌ নিজোর্‌ পাওনা ভাগ্‌কান্‌, অত্তাৎ অদেঅদে-অনুষ্ঠানর্‌ ভেড়াবোর্ বুগোর্‌ ভাগ্‌কান্‌ লোইনে দোলন-উৎসর্ব ইজেবে লগেপ্রভুর্ মুজুঙোত্ দুলেল। বেক্কানি মোশি লগেপ্রভুর্ উগুম মজিম্ গুরিলো।

লেবীয় 9:21

মোশি তারে যেধোক্ক্যেন গুরি উগুম্‌ গোজ্যে সেধোক্ক্যেন গুরি তে দোলন-উৎসর্ব ইজেবে বুগোর্‌ য়েরাগান্ আর ডেন্‌-ডাগর্‌ উলুহুল্লো লোইনে লগেপ্রভুর্ মুজুঙোত্ দুলেল।

গণাণা 6:20

সে পরেদি ধর্মগুরুবো দোলন-উৎসর্ব ইজেবে সিবে লগেপ্রভুর মুজুঙোত্‌ দুলেব। ইগুন্‌ পবিত্র আর ধর্মগুরুগুনোর্‌ পাওনা। ইগুনবাদে দুলেই রাগেয়ে বুগোর্‌ য়েরা আর উৎসর্ব গোজ্যে নলাপেট্টোয়ো ধর্মগুরুগুনোর্‌ পাওনা। এদক্কানি ওই যানার্‌ পরেদি সেই নাসরীয়বো আংগুরো-রস হেই পারিবো।

গণাণা 8:11

হারোণে ইস্রায়েলীয়গুনো ভিদিরেত্তুন্‌ দোলন-উৎসর্ব ইজেবে লেবীয়গুনোরে লগেপ্রভুর মুজুঙোত্ আঝিল্ গুরিবো যেনে তারা লগেপ্রভুর কামত্‌ আঢ্ দি পারন্‌।

যোহন 10:18

কনজনে মঅ পরাণান্ মত্তুন্ লোই ন-যেবাক্, মাত্তর্ মুই নিজেই সিয়েন্ দিম। পরাণান্ দিবার্‌অ খেমতা মর্ আঘে। আরঅ পরাণান্ ফিরেই নেযেবার্ খেমতায়ো মর্ আঘে। এ কামান্ মুই মঅ বাবত্তুন্ পেইয়োং।”

২ করিন্হীয় 8:12

যুনি কার্‌‌অ দিবার্ আওজ্ থায় সালে তার্ যিয়েন আঘে সেই ইজেবে তার্ দানুন্ গোজেনে মানি লয়, তাত্তুন্ যিয়েন নেই সেই ইজেবে নয়।

দ্বি’লম্বর বিররণ 18:3

মানুচ্চুনে যিদুক্কুন গোরু-ছাগল-ভেড়া উৎসর্ব গুরিবাক্ সিগুনোর কানাগানি, দাদ মাড়ির য়েরানি আর গিলে-কলিজেগানি তারা ধর্মগুরুগুনোরে দিবাক্; ইয়েনি অবঅ ধর্মগুরুগুনোর পাওনা।