লেবীয় 7:19 - Chakma Bible

¹⁹ “উদোলোলি-উৎসর্বর্ য়েরাগানত্‌ যুনি কনঅ ফি-বলা জিনিস্‌চানত্‌ বাজে ছালে সিয়েন্‌ হেই ন-পারিবো, সিয়েন্‌ পুড়ি ফেলা পুরিবো। মাত্তর্‌ ধরা ন-গেলেয়ো যিগুনে শুদ্ধ-সাংগ আঘন্‌ তারা সিয়েন্‌ হেই পারিবাক্।

লেবীয় 7:19 Iomraidhean Croise

লেবীয় 6:27

এ য়েরাগান্‌ যে ধুরিবো তাত্তুন্‌ লগেপ্রভুর্ নাঙে ফারক্ উয়ো পুরিবো। যুনি কাবড়ত্‌ য়েমান্নোর্ লো-র্ ফুদো পরে ছালে পবিত্র তাম্বুল-ঘরর্‌ চাগালাত্‌ সিয়েন্‌ ধোই ফেলা পুরিবো।

লেবীয় 7:18

যুনি সে য়েরাগান্‌ তিন দিনেয়ো হা অয়্‌ ছালে লগেপ্রভু সে উৎসর্ববো মানি ন-লবঅ। উৎসর্ব গুরিয়্যেবোর্‌ পক্ষে সিবে ধরা ন-অবঅ, কিত্তে সেই য়েরাগান্‌ সেক্কে এক্কান্‌ ফি-বলা জিনিস ওই যেবঅ। যে সেই য়েরাগান্‌ হেবঅ তারে সে অন্যেয়ত্তে দায়ী গরা অবঅ।

লেবীয় 7:20

কনজনে যুনি ফি-বলা অবস্থায় লগেপ্রভু ইদু উৎসর্ব গোজ্যে উদোলোলি-উৎসর্বর্ য়েরা খায় ছালে তারে তা জাদ ভিদিরেত্তুন্‌ বাদ দিয়্যে পুরিবো।

লূকে লেখ্যে গম্ হবর্ 11:41

তমা থাল্-কদরা ভিদিরে যিয়েনি আঘে সিয়েনি বরং ভিক্ষ্যে ধোক্ক্যেন্ দান গরঅ; দেগিবা, বেক্কানি তমা ইধু সিজি অবঅ।

প্রেরিত্‌ 10:28

সেক্কে তে তারারে কলঅ, “তুমি দঅ কোই পারঅ যে, এক্কো যিহূদীর পক্ষে এক্কো অযিহূদী সমারে মিজেনা বা তা সমারে দেগা গরানা আমা ধর্মর্ রীতি-সুদোমর্ বিরুদ্ধে। মাত্তর্ গোজেনে মরে দেগেই দিয়্যেদে, কাররে অপবিত্র বা অসিজি কনা মর্ উচিত নয়।

রোমীয় 14:14

প্রভু যীশু সমারে মিজেয়োং বিলিনে মুই গমেডালে কোই পারং যে, আজলে কনঅ হানা অসিজি নয়, মাত্তর্ কেঅ যুনি কনঅ হানাগানরে অসিজি মনে গরে সালে সিয়েন তা ইধু অসিজি।

রোমীয় 14:20

কনঅ হানাত্যে গোজেনর্ কাম্ বর্‌বাদ্ ন-গোজ্জ্য। বেক্‌ হানাগানি সিজি, মাত্তর্ কেঅ কিজু হেইনে যুনি অন্য মনত্ সিয়োংচমা গরে সালে সিয়েন হানা তাত্যেই অন্যেয়।

২ করিন্হীয় 6:17

গোজেনে আরঅ কোইয়্যেদে, “ইয়েনত্যে তুমি অবিশ্বেজিগুনো ভিদিরেত্তুন্ নিগিলি এজঅ আর ফারগ্ অ। কনঅ অসিজি জিনিস ন-ধোজ্জো, সালে মুই তমারে মানি লোম্।”

তীত 1:15

যিগুনোর্ মনানি সিজি তারা ইধু বেক্কানি সিজি, মাত্তর্ যিগুনোর্ মনানি কুজুরো আর যিগুনে অবিশ্বেজি তারা ইধু কিচ্চু সিজি নয়; এন্‌ কি, তারার্ মনানি আর বিবেক্‌কান্‌অ কুজুরো‌।