লেবীয় 6:26 - Chakma Bible

²⁶ যে ধর্মগুরুবো এই উৎসর্ববোর্ অনুষ্ঠানান্‌ গুরিবো তে এ য়েরাগান্‌ হেবঅ। কনঅ পবিত্র জাগাত্‌, অত্তাৎ মিলন-তাম্বুলর্‌ উদোনত্‌ সিয়েন্‌ হা পুরিবো।

লেবীয় 6:26 Iomraidhean Croise

যাত্রা 40:33

ডালিপূজো আর থেবার-তাম্বুলানর চেরোকিত্তে তে পর্দাগান্‌ বিজেইনে উদোনর্ বেবস্থা গুরিলো আর সিয়েনর্‌ দোরানত্‌ পর্দাগান্ দিলো। ইঙিরিনে মোশি তার্‌ কামানি থুম্‌ গুরিলো।

যিহিষ্কেল 42:13

সে পরেদি তে মরে কলঅ, “উবোসনা-ঘরর মেলা জাগাত্ উত্তোর্ আর দোগিণেদি বিল্ডিং দ্বিয়েন ধর্মগুরুগুনোর। যে ধর্মগুরুগুনে লগেপ্রভু ইধু যান্ তারা এ বিল্ডিং দ্বিয়েনত্ উৎসর্বর দাঙর্ সুদ্ধো-সাংগ জিনিসচানি হেবাক্। সিয়েনত্ তারা শোস্য-উৎসর্ব, পাপ-উৎসর্ব আর দুষ উৎসর্বর দাঙর্ সুদ্ধো-সাংগ জিনিসচানি থবাক্, কিত্যে বিল্ডিং দ্বিয়েন সুদ্ধো-সাংগ।

যিহিষ্কেল 46:20

তে মরে কলঅ, “ইয়েন সেই জাগা যিয়েনত্ ধর্মগুরুগুনে দুষ্-উৎসর্ব আর পাপ-উৎসর্বর য়েরা উজিবাক্ আর শোজ্য-উৎসর্বর্ জিনিস্‌চানি সিগি নেযেবাক্ যেনে সেই সুদ্ধো-সাংগ জিনিসচানি বারেদি উদোনত্ আনা ন-অয়, কিত্যে সাধারন কনঅ মানুচ্ সিগুন বাযিলে তে লগেপ্রভুর নাঙে যুদো ওই যেবঅ।”

হোশেয় 4:8

মঅ মানুচ্চুনোর পাপর কারনে তারা লাভবান অন্ বিলিনে তারা মঅ মানুচ্চুনোরে পাপ গুরিবাত্তে উচ্চোমি দুয়োন্।

লেবীয় 6:16

উৎসর্বর্ জিনিজোর্ বাদবাগি ভাক্কানি হারোণে আর তার্‌ পূঅগুনে হেবাক্‌। সিয়েনি তারার্ হা পুড়িবোবে সদা ন মিজেয়ে কনঅ পবিত্র জাগাত্‌, অত্তাৎ মিলন-তাম্বুলর্‌ উদোনত্‌।

লেবীয় 6:17

সিয়েন্‌ যেন সদা মিজেয়ে সিক্যা ন-অয়। মর্‌ নাঙে আগুন্দোই‌-গোজ্যে উৎসর্বর্ জিনিজোর্ এ ভাক্কান্‌ মুই তারারে দিলুং। পাপ-উৎসর্ব আর দুষ-উৎসর্ব ধোক্ক্যেন শোজ্য-উৎসর্বর্ এ ভাক্কান্‌অ দাঙর্‌ পবিত্র জিনিস্।

লেবীয় 6:29

ধর্মগুরু্‌-পরিবারর্‌ যে কনঅ মরদ মান্‌জ্যে সিয়েন্‌ হেই পারিবো। ইবে দাঙর্‌ পবিত্র জিনিজ।

লেবীয় 7:7

পাপ-উৎসর্ব আর দুষ্‌-উৎসর্ব এক্কুই‌ সুদোমে গরা পুরিবো। যে ধর্মগুরুবো এ দ্বিবে উৎসর্বর্‌ যে কনঅ এক্কোর অনুষ্ঠান্‌ গুরিনে উৎসর্ব গুরিয়্যেবোর্ পাপ্‌পানি ঢাগি দিবার্‌ বেবস্থা গুরিবো উৎসর্বর য়েরাগান্‌ সেই ধর্মগুরুবোর্‌ পাওনা অবঅ।

১ করিন্হীয় 9:13

তুমি কি কোই ন-পারঅ, যিগুনে উবোসনা-ঘরর্ কাম গরন্ সিগুনে উবোসনা-ঘরত্তুন্ হানা পান্, আর যিগুনে পূজোর্ কাম গরন্ সিগুনে পূজোবোত্ যিয়েনি উৎসর্ব গরা অয় সিয়েনির ভাগ্ পান?