লেবীয় 6:17 - Chakma Bible

¹⁷ সিয়েন্‌ যেন সদা মিজেয়ে সিক্যা ন-অয়। মর্‌ নাঙে আগুন্দোই‌-গোজ্যে উৎসর্বর্ জিনিজোর্ এ ভাক্কান্‌ মুই তারারে দিলুং। পাপ-উৎসর্ব আর দুষ-উৎসর্ব ধোক্ক্যেন শোজ্য-উৎসর্বর্ এ ভাক্কান্‌অ দাঙর্‌ পবিত্র জিনিস্।

লেবীয় 6:17 Iomraidhean Croise

যাত্রা 29:37

ডালিপূজোবো সিজি গুরি নিবাত্তেই সাত দিন সং পত্তিদিন পাপ ঢাগিবার অনুষ্ঠানান্দোই সিবে মঅ নাঙে ফারক্‌ গুরি নেযা পুরিবো। সেক্কে সেই ডালিপূজোবো এক্কো মহাপবিত্র জিনিস অবঅ‌। সিবে লাগিলে যিয়েনি এবঅ সিয়েনি মর্‌ নাঙে ফারক্‌ ওয়া পুরিবো।

যাত্রা 40:10

বেক্‌ বাজোন-কদরাগুন্ সুদ্দো পুজ্যে-উৎসর্বর ডালিঘর উগুরেয়ো অভিষেগ-তেল্লোই ডালিঘরান মর্‌ নাঙে যুদো গুরি নেযেবে। সেক্কে সিবে দাঙর্‌ পবিত্র জিনিস অবঅ‌।

লেবীয় 10:16

যে ছাগল্লো দিইনে পাপ-উৎসর্বর্ অনুষ্ঠান গরা ওইয়্যে তার য়েরাগান পৌইদ্যেনে হবর্ লোইনে মোশি জানি পারিলোদে, সিয়েন পুড়ি ফেলা ওইয়্যে। ইয়োত তে হারোণর বাগি দ্বিবে পূঅ ইলীয়াসর আর ঈথামর উগুরে বেজার্ ওইনে কলঅ,

লেবীয় 2:11

“লগেপ্রভুর্ নাঙে শোজ্য-উৎসর্বত্তে তারা যিয়েনি আনিবাক্ সিয়েনি যেনে সদা ন-দিইনে বানেই দিয়্যে অয়। লগেপ্রভুর্‌ নাঙে আগুন্দোই-গোজ্যে উৎসর্বর্ জিনিজো ভিদিরে সদা বা মধু দিয়্যে ন-পুরিবো।”

লেবীয় 2:3

এ শোজ্য-উৎসর্বর জিনিজোর্‌ বাদবাগি যিয়েনি থেবঅ সিয়েনি হারোণ আর তার্ পূঅগুনোর্‌ পাওনা অবঅ। লগেপ্রভুর্ নাঙে আগুন্দোই-গোজ্যে বেক্‌ উৎসর্বয়ান ভিদিরে শোজ্য-উৎর্বর্ এ যেরেদি ভাক্কো দাঙর্‌ পবিত্র জিনিস্।

লেবীয় 6:25

হারোণ আর তার্‌ পূঅগুনোরে কোই দে, ইবে অলঅ পাপ্-উৎসর্বর্ সুদোম। পুজ্যে-উৎসর্বর্‌ য়েমান্‌ কাবিবার্‌ জাগানত্‌ লগেপ্রভুর্ মুজুঙোত্ পাপ-উৎসর্বর্‌ য়েমান্নোয়ো কাবা পুরিবো। এই উৎসর্বর্ য়েরাগান্‌ দাঙর্‌ পবিত্র জিনিস।

লেবীয় 6:26

যে ধর্মগুরুবো এই উৎসর্ববোর্ অনুষ্ঠানান্‌ গুরিবো তে এ য়েরাগান্‌ হেবঅ। কনঅ পবিত্র জাগাত্‌, অত্তাৎ মিলন-তাম্বুলর্‌ উদোনত্‌ সিয়েন্‌ হা পুরিবো।

লেবীয় 6:29

ধর্মগুরু্‌-পরিবারর্‌ যে কনঅ মরদ মান্‌জ্যে সিয়েন্‌ হেই পারিবো। ইবে দাঙর্‌ পবিত্র জিনিজ।

লেবীয় 7:1

ইবে অলঅ দুষ্‌-উৎসর্বর্ সুদোম। এ উৎসর্বর্ য়েরাগান দাঙর্‌ পবিত্র জিনিস।

লেবীয় 7:6

ধর্মগুরু-পরিবারর্‌ যে কনঅ মরদ মানুচ্‌ সিয়েন্‌ হেই পারিবাক্‌, মাত্তর্‌ সিয়েন্‌ হা পুরিবো পবিত্র তাম্বুল-ঘরর্‌ চাগালাত্‌। ইবে দাঙর্‌ পবিত্র জিনিস।

লেবীয় 7:7

পাপ-উৎসর্ব আর দুষ্‌-উৎসর্ব এক্কুই‌ সুদোমে গরা পুরিবো। যে ধর্মগুরুবো এ দ্বিবে উৎসর্বর্‌ যে কনঅ এক্কোর অনুষ্ঠান্‌ গুরিনে উৎসর্ব গুরিয়্যেবোর্ পাপ্‌পানি ঢাগি দিবার্‌ বেবস্থা গুরিবো উৎসর্বর য়েরাগান্‌ সেই ধর্মগুরুবোর্‌ পাওনা অবঅ।

১ পিতর 2:22

যিবে কনঅ পাপ ন-গরে বা যিবের্ মুয়োত কনঅ ছলনার কধা ন-এলঅ।