লেবীয় 6:1 - Chakma Bible

^1-5 ইয়েন পরেদি লগেপ্রভু মোশিরে কলঅ, “কারত্তুন্‌ জমা রাগেয়্যে বা বন্ধক রাগেয়্যে বা কারি নেযেয়্যে কনঅ জিনিস্ নেযেইনে ছলনা গরানা, তারে ঠগানা, বা কারঅ আরেইয়্যে জিনিস্ পেলেয়ো মিজে কধা কনা বা মিজে শমক্‌ হানা-এধোক্ক্যেন কনঅ পাপ গুরিনে যুনি কনজনে লগেপ্রভু উগুরে অবিশ্বেজি ওইনে দুষী অন্‌, ছালে তে যিয়েন্‌ চুর্‌ গোজ্যে বা ঠোগেয়্যে বা তা ইদু যিয়েন্‌ জমা রাগেয়্যে বা আরেয়্যে জিনিস্ যিয়েন্‌ তে পেইয়্যে বা যে জিনিস্‌ছান বিষয়ে তে মিজে শমক্‌ হেইয়্যে সিয়েন্‌ তাত্তুন্‌ ফিরেই দিয়্যে পুরিবো। তার বেক্কানি ক্ষেদিপূরোণ দিয়্যে পুরিবো আর তা সমারে সে জিনিজোর্‌ দামর্‌ পাচ্ ভাগর্‌ এক ভাগ দামঅ‌ বেশ্‌ দিয়্যে পুরিবো। দুষ-স্বীগের গরানার্ দিনোত্‌ তে জিনিজোর্‌ গিরোচ্চোরে সিয়েন্‌ দিবো।

লেবীয় 6:1 Iomraidhean Croise

যাত্রা 20:15

“চুর্‌ ন-গোজ্য।”

যাত্রা 22:1

যুনি কনঅ‌ মান্‌জে কনঅ গোরু বা ভেড়াছাগল চুর্‌ গুরি আনিনে মারে ফেলান্‌ বা বেজি দুয়োন, সালে তাত্তুন্‌ এক্কো গোরুর্‌ বদলে পাচ্চুয়ো গোরু আর এক্কো ভেড়াছাগলর্‌ বদলে চের্‌বো ভেড়াছাগল ফিরেই দিয়্যে পুরিবো।

যাত্রা 22:7

যুনি কনজনে কারঅ‌ ইদু টেঙা-পৌজে বা পযাপিরা রাগেবাত্তে দুয়োন্‌ আর তার্‌ ঘরত্তুন্‌ সিয়েনি চুর্‌ ওই যায়, সালে চুর্‌বো ধরা পড়িলে চুর্‌বো সিয়েনির দ্বিগুন্‌ ফেরত দি পেবঅ।

লেবীয় 19:21

মাত্তর্‌ সে মানুচ্চোরে লগেপ্রভুর্ নাঙে তার্‌ দুষ-উৎসর্ব ইজেবে মিলন-তাম্বুলো দোরান ইদু এক্কো ভেড়া আনা পড়িবো।

লেবীয় 5:19

ইবে এক্কো দুষ-স্বীগেরর্ ডালিপূজো, কিত্তে তে লগেপ্রভু ইদু দুষী।”

লেবীয় 7:33

হারোণর্‌ যে পূঅবো উদোলোলি-উৎসর্বর য়েমান লো আর তেল্‌ উৎসর্ব গুরিবো তেয়ই তার্‌ পাওনা ইজেবে ডেন্‌ ডাগর্‌ উলুহুলো য়েরাগান্‌ পেবঅ।

লূকে লেখ্যে গম্ হবর্ 19:8

সক্কেয় সিধু থিয়্যেইনে প্রভুরে কলঅ, “প্রভু, মুই মর্ ধন সোম্বোত্তির্ অদ্দেক্ নাঢাগুনোরে দি দুয়োঙর্ আর যুনি কাররে থোগেই থাং সালে সিগুনোর্ চেরগুন্ ফিরেই দোঙর্।”