লেবীয় 5:4 - Chakma Bible

⁴ উজিয়ার ন ওইনে শমক্‌ হেই পারে এধোক্ক্যেন কনঅ পৌইদ্যেনে কনজনে যুনি চিদে-চজ্জা ন-গুরিনে গম-ভান্ন্যেই কিজু গুরিবার্‌ শমক্‌ হেই থান্‌ ছালে সিয়েন্‌ হবর্ ন-পেইনে গুরিলেয়ো সিয়েন্‌ জানিবার্‌ পরেদি তে দুষি অবঅ।

লেবীয় 5:4 Iomraidhean Croise

২ শমূয়েল 21:7

শৌলর নাদিন্নোরে, অত্তাৎ যোনাথনর্ পূঅ মফীবোশতরে রাজা বাঁজেই রাগেল, কিত্যে শৌলর পূঅ যোনাথনর ইদু দায়ূদে লগেপ্রভুরে সাক্ষী রাগেইনে এক্কান্ শমক্‌ গোজ্যে।

২ রাজাবলী 6:31

তে কলদে, “এচ্ছে যুনি শাফটর্‌ পূয়ো ইলীশায়র মাধাবো তা কানা উগুরে থায় সালে গোজেনে যেনে মরে সাজা দে, আর সিয়েন্‌ জদবদে গুরি দে!”

গীতসংহিতা 106:33

তারা গোজেন আত্মার বিরুদ্ধে উল্লোমি গোজ্যন্, সেক্কে মোশি মুয়োত্তুন্ এমন্ কধা নিগিলিলো যিয়েনি কনা তার ঠিগ্ ন-এলঅ।

লেবীয় 5:13

তে যে অন্যেয়্‌ গোজ্যে ধর্মগুরুবো এবাবোত্যেগুরি সিয়েন্‌ ঢাগি দিবার্‌ বেবস্থা গুরিবো আর সেক্কে তারে ক্ষেমা গরা অবঅ। এ উৎসর্বর্ জিনিজোর্‌ বাদ্‌বাগি ভাক্কানি শোজ্য-উৎসর্বর্ জিনিজো ধোক্ক্যেন ধর্মগুরুগুনোর্‌ পাওনা অবঅ।

লেবীয় 5:3

যিয়েন্‌ মান্‌জ্যরে ফিবলা গুরিনে মান্‌জ্যর্‌ কিয়্যের এমন্‌ ফিবলা কনঅ কিজু যুনি কনজনে হবর্‌ ন পেইনে ধরন্‌ ছালে সিয়েন্‌ জানিবার্‌ পরেদি তে দুষি অবঅ।

গণাণা 30:6

কনঅ মানত্‌ গরানার্‌ পরেদি বা চিদে-সজ্জা ন-গুরিনে কনঅ এগেম্বোই নিজোরে বাঁনানার পরেদি যুনি সেই মিলেবো বৌ যায় আর তা নেক্কো সেই কধাগান্‌ শুনিবার্‌ লগে লগে তারে কিচ্ছু ন-কয়, সালে তার্‌ মান্যেগান্‌ বা যিয়েন্‌ এগেম্ গুরি নিজোরে বাঁন্যে সিয়েন্‌ তাত্তুন্‌ পূরোণ গুরিদে পুরিবো।

গণাণা 30:8

মাত্তর্‌ সেই কধাগান্‌ শুনোনার্‌ লগে লগে যুনি তা নেক্কো তারে মানা গরে সালে তার্‌ সেই মান্যেগান্‌ বা চিদে-সজ্জা ন-গুরিনে গোজ্যে এগেমান্ শেজ্ ওই যেবঅ আর লগেপ্রভুয়ো তার্‌ মান্যে বা এগেমান্‌ ভাঙানা ক্ষেমা গুরিবো।

মথি লেখ্যে গম্ হবর্ 14:7

সেনত্তে হেরোদে এদক্ হুজি ওইয়্যেদে যে তা ঝিবো ইধু শমক্ হেলদে, তুই যিয়েন্ চাজ্ সিয়েনই মুই তরে দিম।

মথি লেখ্যে গম্ হবর্ 14:9

সেক্কে রাজা হেরোদে মনত্ দুঘ্ পেলঅ, মাত্তর্ যিগুনে তা সমারে হেবাত্তে বোচ্চ্যন্ তারা মুজুঙোত্ শমক্ হেইয়্যে বিলিনে তে সিবে দিবাত্তে উগুম গুরিলো।

মার্ক 6:23

হেরোদে ঝিবোরে শমক্ হেইনে কলঅ, “তুই যিয়েন চাজ্ মুই সিয়েনই তরে দিম্। এমন্ কি, মঅ রেজ্যর্ অদ্দেক্অ দিম্।”

প্রেরিত্‌ 23:12

তার্ কেল্যে বেন্যেমাদান্ যিহূদীগুনে এক্কান্ কুজুরোমি গুরিলাক্ আর পৌলরে মারেই ন-ফেলানা সং কিচ্চু ন-হেবাক্ বিলিনে সমত্ খেলাক্।

যিহোশূয় 2:14

এ কধানি শুনিনে সে দ্বিজনে তারে কলাক্‌, “আমি যুনি আমা কধামজিম্‌ কাম্‌ ন-গুরিই সালে তমা বদলে আমার পরাণানি যোক্‌। তুমি যুনি আমার এ কধানি ফগদাং গুরি ন-দুয়ো সালে লগেপ্রভু যেক্কে এ দেজ্‌চান আমারে দিবো সেক্কে আমি তমা লগে গম্‌ বেবহার গুরিবোং আর তমা উগুরে বিশ্বেজি থেবং।”

যিহোশূয় 9:15

যিহোশূয় তারা সমারে আঢ্ মিলেল আর তারারে মারে ন-ফেলেব বিলিনে এক্কান্‌ চুক্তি গুরিলো, আর ইস্রায়েলীয় সমাজর নেতাগুনেয়ো সে পৌইদ্যেনে শমক্‌ খেলাক্‌।

বিচের গুরিয়্যেগুন 21:18

আমা মিলেগুনোরে দঅ তারার্‌ লগে বৌ-দি ন-পারিই, কিত্যে আমি শমক্‌ খেইনে কোইয়্যেদে, কনঅ জনে যুনি কনঅ বিন্যামীনীয়রে মিলে দে সালে তে অভিশাব্‌ পেবঅ।”

বিচের গুরিয়্যেগুন 21:7

মাত্তর্‌ যিগুন রোইয়োন কিঙিরিনে আমি তারারে বৌর্‌ বেবস্থা গুরিবোং? আমি দঅ লগেপ্রভুর নাঙে শমক্‌ গোজ্যেই, আমার কনঅ মিলেরে তারার লগে বৌ ন-দিবোং।”

বিচের গুরিয়্যেগুন 9:19

মাত্তর্‌ এচ্চ্যে যুনি যিরুব্বালে আর তার গিরির্ উগুরে তুমি বিশ্বেজ্ আর দোল্‌ কারবার্‌ গুরি থাগঅ সালে অবীমেলকে যেনে তমার্‌ হুজি অবার্‌ কারণ অয় আর তুমিয়ো যেনে তার হুজির্‌ কারণ অ!

১ শমূয়েল 1:11

তে লগেপ্রভুর ইদু মানত্ গুরিনে কলঅ, “ও দুনিয়ের গিরোজ্ লগেপ্রভু, তুই যুনি তর্‌ এই চাগরানীবোর মনত্‌ দুঘ্‌কান ইন্দি একবার চাজ্ আর মইন্দি মনযোগ দে আর মরে পুরি ন-ফেলেইনে যুনি তর্‌ এই চাগরানীবোরে এক্কো পূঅ দুয়োচ্‌ সালে সারা ঝিংকানিবর্‌ মুই তারে তর্‌ নাঙে দান গুরিম। তার মাদাবোত্‌ কনদিনঅ ক্ষুর বাজানা ন-অবঅ।”

১ শমূয়েল 25:22

গোজেনে যেধোক্ক্যেন দায়ূদোর শত্রুগুনোরে হামাক্কায় জদবদেগুরি সাজা দিবো সেধোক্ক্যেন মুইয়ো হামাক্কায় কেল্যে বেন্যে সং নাবলর্ ঘরর্‌ এক্কো মরদ মান্‌জ্যরেয়ো বাঁজেই ন-রাগেম্‌।”