লেবীয় 5:16 - Chakma Bible

¹⁶ সেই শুদ্ধ-সাংগ জিনিজো পৌইদ্যেনে তে অন্যেয়্‌ গোজ্যে বিলি তাত্তুন্‌ এ ক্ষেদিপূরোণ্‌ দিয়্যে পুরিবো। ইয়েন্‌বাদে ভেড়াবোর্‌ দাম সমারে আরঅ্‌ পাঁচ ভাগর্‌ এক ভাগ্‌ দাম তাত্তুন্‌ ধর্মগুরুবো আঢত্ দিয়্যে পুরিবো। ধর্মগুরুবো সেই ভেড়াবো নেযেইনে দুষ-স্বীগেরর্ ডালি ইজেবে সিবে ডালিপূজো গুরি তার্‌ অন্যেয়ান্‌ নাঢি দিবার্‌ বেবস্থা গুরিবো আর সেক্কে তারে ক্ষেমা গরা অবঅ।

লেবীয় 5:16 Iomraidhean Croise

গীতসংহিতা 69:4

যিগুনে অকারনে মরে ঈচ্ গরন, তারা জনেদি মর্ চুলানিত্তুন্‌অ বেশ্। যিগুনে মরে ভস্ত গুরি ফেলেবাত্তে চান তারা বেশ্ বোলিবন্দ; তারা মিজে মিজে মর্ শত্রু ওইয়োন। মুই যিয়েন চুর্ ন-গরং সিয়েন্‌অ মত্তুন ফিরেই দিয়্যে পোজ্যে।

যাত্রা 22:1

যুনি কনঅ‌ মান্‌জে কনঅ গোরু বা ভেড়াছাগল চুর্‌ গুরি আনিনে মারে ফেলান্‌ বা বেজি দুয়োন, সালে তাত্তুন্‌ এক্কো গোরুর্‌ বদলে পাচ্চুয়ো গোরু আর এক্কো ভেড়াছাগলর্‌ বদলে চের্‌বো ভেড়াছাগল ফিরেই দিয়্যে পুরিবো।

লেবীয় 22:14

যুনি তে পুরি ফেলেইনে উৎসর্ব গোজ্যে পবিত্র জিনিস্‌চান্‌ হেই ফেলায়্‌ সালে তে ধর্মগুরুবোরে ক্ষেতিপূরোণ দিবো। সে জিনিস্‌চান দামান সমারে তাত্তুন্‌ আরঅ‌ পাচ্ ভাগর্‌ এক ভাগ দাম বেশ্‌ দিয়্যে পুরিবো।

লেবীয় 27:13

মান্যেদে সিবে যুনি সিয়েন্‌ ছাড়েই নিবাত্তে চায়্‌ সালে সেই য়েমান দামান সমারে তাত্তুন্‌ আরঅ পাচ্ ভাগর্‌ এক ভাগ দাম বেশ্‌ দিয়া পুরিবো।

লেবীয় 27:15

যুদো গুরি রাগেয়্যে ঘরান্‌ যুনি তে ছাড়েইনে নিবার্‌ চায়্‌ সালে ঘরানর্‌ দামান সমারে তাত্তুন্‌ আরঅ পাচ্ ভাগর্‌ একভাগ দাম বেশ্‌ দিয়া পুরিবো। সে পরেদি ঘরান্‌ আরঅ তার্‌ ওই যেবঅ।

লেবীয় 27:27

যুনি সিবে কনঅ ফি-বলা য়েমানর্‌ পত্তম ছঅ অয় সালে ধর্মগুরুগুনোর্‌ ঠিগ গুরি দিয়া দাম সমারে আরঅ‌ পাঁচ ভাগর্‌ এক ভাগ দাম বেশ্‌ দিইনে সিবে তে ছাড়েই নেযেই পারিবো। যুনি তে সিবে ছড়েইনে ন-নেযায় সালে সে ঠিগ গুরি দিয়া দামান্দোই সিবে বিজি দিয়া পুরিবো।

লেবীয় 27:31

কনজনে যুনি তার্‌ সেই দশ ভাগর এক ভাগ ছড়েইনে নিবার্‌ চায়্‌ সালে তার্‌ দামান সমারে তাত্তুন্‌ আরঅ পাচ্ ভাগর্‌ একভাগ দাম বেশ্‌ দিয়া পুরিবো।

লেবীয় 4:26

উদোলোলি-উৎসর্বর্ য়েমান তেল ধোক্ক্যেন গুরিনেই ইবের্‌ বেক্‌ তেলানি পূজোবো উগুরে পুড়ি ফেলা পুরিবো। এবাবোত্যেগুরি ধর্মগুরুবো সেই মুরুব্বীবোর্‌ অন্যেয়ানি ঢাগি দিবার্‌ বেবস্থা গুরিবো আর সেক্কে তারে ক্ষেমা গরা অবঅ।

লেবীয় 5:10

অন্য পেক্কোলোই সুদোম্‌ মজিম পুজ্যে-উৎসর্বর্‌ অনুষ্ঠান গুরিনে ধর্মগুরুবো তার্‌ সে অন্যেয়ানি ঢাগি দিবার্‌ বেবস্থা গুরিবো; সেক্কে তারে ক্ষেমা গরা অবঅ।

লেবীয় 5:13

তে যে অন্যেয়্‌ গোজ্যে ধর্মগুরুবো এবাবোত্যেগুরি সিয়েন্‌ ঢাগি দিবার্‌ বেবস্থা গুরিবো আর সেক্কে তারে ক্ষেমা গরা অবঅ। এ উৎসর্বর্ জিনিজোর্‌ বাদ্‌বাগি ভাক্কানি শোজ্য-উৎসর্বর্ জিনিজো ধোক্ক্যেন ধর্মগুরুগুনোর্‌ পাওনা অবঅ।

লেবীয় 5:6

সেক্কে সে অন্যেয়র্‌ জরিবানা ইজেবে তাত্তুন্‌ লগেপ্রভুর্ নাঙে পাপ-উৎসর্বত্তে এক্কো পাদি ভেড়াছাগল-ছঅ বা পাদিছাগল আনা পুরিবো, আর ধর্মগুরুবো তার্‌ অন্যেয়ানি ঢাগি দিবার্‌ বেবস্থা গুরিবো।

লেবীয় 7:2

পুজ্যে-উৎসর্বর্‌ য়েমান্‌ কাবিবার্‌ জাগানত্‌ দুষ্‌-উৎসর্বর্ য়েমান্নোয়ো কাবা পুরিবো আর তার্‌ লো-গান্‌ পুজোবোর্‌ চেরোকিত্তে ছিদি দিয়্যে পুরিবো।

গণাণা 5:7

তে যে পাপ্‌ গোজ্যে সিয়েন্‌ তাত্তুন্‌ স্বীগের্ গরা পুরিবো। তে যিয়েন উগুরে অন্যেয় গোজ্যে তাত্তুন সিয়েনর অন্যেয়র্‌ পুরো ক্ষেতিপূরোণান্‌ দিয়া পুরিবো। যে জিনিসচান পৌইদ্যেনে তে অন্যেয় গোজ্যে সেই জিনিসচানর দামান সমারে আরঅ পাঁচ ভাগর্‌ একভাগ দাম বেশ্‌ গুরিনে তাত্তুন্‌ দিয়া পুরিবো।

গণাণা 5:8

ক্ষেতিপূরোণ নিবাত্তে যুনি সেই মানুচ্চোর্‌ কনঅ সদর্‌ কুদুম্মো ন-থায় সালে সিয়েন্‌ লগেপ্রভুর্‌ পাওনা অবঅ। সেই ক্ষেতিপূরোণ আর তার্‌ পাপ্পানি নাঢি দিবার্‌ ভেড়াছাগল্লো ধর্মগুরুগুনোরে দিয়া পুরিবো।

লূকে লেখ্যে গম্ হবর্ 19:8

সক্কেয় সিধু থিয়্যেইনে প্রভুরে কলঅ, “প্রভু, মুই মর্ ধন সোম্বোত্তির্ অদ্দেক্ নাঢাগুনোরে দি দুয়োঙর্ আর যুনি কাররে থোগেই থাং সালে সিগুনোর্ চেরগুন্ ফিরেই দোঙর্।”

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

১ শমূয়েল 6:3

তারা কলাক্, “তুমি যুনি ইস্রায়েলীয়গুনোর গোজেনর সুন্দুক্কো পাধেই দুয়ো সালে সুদোগুরি পাধেই নদুয়ো। তুমি হামাক্কাই তাইদু এক্কান দুষ-স্বীগের্ গোজ্যে লেগা পাধেই দিবা। সালে তুমি গম্‌ অবা আর জানি পারিবাদে, কিত্তে তার দরঅ আত্তান্‌ তঅ উগুরেত্তুন সোরেই ন-যার্‌।”