লেবীয় 5:1 - Chakma Bible

¹ “নিজোর্‌ দেগানা বা শুনোনা কনঅ পৌইদ্যেনে বিচের অক্তত্‌ সাক্ষী দিবার্‌ সুযোগ পেইনেয়ো যুনি কনজনে জুরো গুরি থায়্‌ ছালে সিয়েন্‌ তার্‌ পক্ষে পাপ অবঅ আর সে অন্যেয়ানত্তে তারে দায়ী গরা অবঅ।”

লেবীয় 5:1 Iomraidhean Croise

১ রাজাবলী 22:16

রাজা তারে কলঅ, “কয়বার্‌ মুই তরে এ শমক্‌কান্ গুরিবাত্তে কোম্‌, লগেপ্রভুর নাঙে তুই সত্য কধাগান বাদে আর কিচ্ছু ন-কবে?”

১ রাজাবলী 8:31

কনঅ মান্‌জ্যরে অন্যর বিরুদ্ধে অন্যেয় গুরিবার দুজে দুযি গরা অলে তা নিজো উগুরে অভিশাব্ ডাগি আনিবাত্তে যুনি তারে এগেম্ গুরিবাত্তে বাধ্য গরা অয় আর তে যেইনে তর্‌ এই ঘরর্‌ ডালিঘরানর মুজুঙোত্‌ সেই এগেমান্ গরে,

২ বংশধর 18:15

রাজা তারে কলঅ, “কয়বার্‌ মুই তরে এ শমক্‌কান্ গুরিবাত্তে কোম্‌, লগেপ্রভুর নাঙে তুই সত্য কধা বাদে আর কিচ্ছু ন-কবে?”

গীতসংহিতা 38:4

মর্ অন্যেয়ানি ভিদিরে মুই চোম্মোংগোই; সিয়েনি এমন্ গুয়োর ওইয়্যে যিয়েনি মুই বুয়োই ন-পারং।

যাত্রা 22:11

সালে সে মানুচ্চো যে সিয়ানি-গরে সিয়ান্‌ লগেপ্রভুর্‌ মুজুঙোত্‌ শমক্‌ হেইনে তাত্তুন্‌ বেপারান্‌ সামালা পুরিবো। সেই য়েমান গিরোজ্‌চোত্তুন্‌ সেক্কে সিয়েন্‌ মানি নেযা পুরিবো আর কনঅ‌ ক্ষোতি পূরোণ্‌ তে দাবি গুরি ন-পারিবো।

গম্ উপদেজ্ 29:24

যে চুর্ গোজ্যেবোর সমাজ্যে তে নিজে নিজোর্ শত্রু; তারে শমক্ গোজ্যেগান্ শুনেলেয়ো তে কনঅ কিজু স্বিগের্ ন-গরে।

গম্ উপদেজ্ 30:9

সিয়েন ন-অলে অয়ত মর্ বেশ্ থেবঅ আর মুই তরে অস্বিগের্ গুরিনে কোম্, “লগেপ্রভু কন্না?” বা মুই নাঢা ওইনে চুর্ গুরিম আর মুই গোজেনর নাঙান্ অসর্মান গুরিম।

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

যিরমিয় 23:10

দেজ্‌‍‍‍চান বেশ্যেগুন্দোই ভুরি যেইয়্যে, অভিশাবত্তে দেজ্‌‍‍‍‍‍চানে আবিলেচ্ গরের আর ধূল্যেচর-চাগালার চড়িবার বামান্ শুগেই যেইয়্যে। মানুচ্চুনে ভান্ন্যেই পথ্‌তান ধুরিনে চলদন আর তারার খেমতাগান অন্যেয়গুরিনে বেবহার গোজ্যন।

যিহিষ্কেল 18:20

যে পাপ গুরিবো তেয়ই মুরিবো। পুয়োবো বাব দুজোত্তে সাজা ন-পেবঅ। গম্ মানুচ্ তা গম্ কামর্ ফল পেবঅ আর পাজি মানুচ্ তার পাজিগানির ফল পেবঅ।

যিহিষ্কেল 18:4

জেদা বেক্ মানুচ্চুন মর্, বাপ্ আর পুয়ো দ্বিয়োবো মর্। যে পাপ গুরিবো তেয়ই মুরিবো।

লেবীয় 17:16

মাত্তর্‌ তে যুনি কাবড়-চুগোর্‌ ন-ধয়্‌ আর ন-গাদে সালে তারে তার অন্যেয়ানত্তে দায়ী গরা অবঅ।”

লেবীয় 19:8

যে সিয়েন্‌ হেবঅ তারে তার্‌ অন্যেয়ানত্তে দায়ী গরা অবঅ, কিত্যে সেক্কে মর্‌ পবিত্র জিনিস্‌চানরে অপবিত্র গরা অবঅ। সেই মানুচ্চোরে তার্‌ জাদত্তুন্‌ তুলি ফেলা অবঅ।

লেবীয় 20:17

নিজোর বোন্নোরে বা সাদাঙা বোন্নোলোই জড়া বানিনেই তা সমারে কিয়্যেদি মিজেনা এক্কান লাজ্‌গরেদে কাম্‌-সেই বোন্নো মাবো ইন্দি ওক্‌ বা বাপ্পো ইন্দি ওক্‌। যিগুনে সিয়েন্‌ গুরিবাক্‌ মানুচ্চুনোর্‌ চোগো মুজুঙোত্ তারারে মারে ফেলা পুরিবো। এ কামান্‌ গুরিনে বোন্নোরে অসর্মান গুরিলে তারে দায়ী গরা অবঅ।

লেবীয় 5:15

মনত্‌ ভান্ন্যেয়র্ আওজ্ ন-রাগেইনে যুনি কনজনে লগেপ্রভুর্ নাঙে যুদো গুরি রাগেয়ে জিনিজো পৌইদ্যেনে তার্‌ উগুম্‌ অমান্য গরন্‌, ছালে তার্‌ অন্যেয়র্‌ জরিমানা ইজেবে লগেপ্রভু ইদু তাত্তুন্‌ এক্কো থুদো নেইয়্যে পাদা ভেড়া আনা পুরিবো। ইবে এক্কো দুষ-স্বীগের পূজো। সিয়েন্‌ বাদে ধর্মীয় শেখেল মজিম যেত্তমান রূবো তুই ভেড়াবোর্‌ দামান্‌ ঠিগ গুরি দিবে সে পরিমাণ রূবো তাত্তুন্‌ ক্ষেদিপূরোণ ইজেবে দিয়্যে পুরিবো।

লেবীয় 5:17

“যুনি কনজনে হবর্ ন-পেইনে লগেপ্রভুর্ মানা গোজ্যে কনঅ কিজু গুরিনে অন্যেয়্‌ গুরি ফেলায় ছালে তে দুষি অবঅ আর সেনত্তে তাত্তুন্‌ দায়ী উয়ো পুরিবো।

লেবীয় 7:18

যুনি সে য়েরাগান্‌ তিন দিনেয়ো হা অয়্‌ ছালে লগেপ্রভু সে উৎসর্ববো মানি ন-লবঅ। উৎসর্ব গুরিয়্যেবোর্‌ পক্ষে সিবে ধরা ন-অবঅ, কিত্তে সেই য়েরাগান্‌ সেক্কে এক্কান্‌ ফি-বলা জিনিস ওই যেবঅ। যে সেই য়েরাগান্‌ হেবঅ তারে সে অন্যেয়ত্তে দায়ী গরা অবঅ।

গণাণা 9:13

মাত্তর্‌ ফি-বলা নয় বা যাত্রা পদথঅ নয় এধোক্কেন কনঅ মান্‌জ্যে যুনি উদ্ধোর অনার-পরপ্পো পালন্‌ ন-গরে, সালে তে ঠিগ্ সময়োত্‌ লগেপ্রভুর নাঙে উৎসর্ব ন-গরে বিলি তারে তার্‌ জাদ ভিদিরেত্তুন্‌ বাদ দিয়া পুরিবো। তাত্তুন্‌ তার্‌ পাপর ফল ভোগ্‌ গরাই পুরিবো।

মথি লেখ্যে গম্ হবর্ 26:63

মাত্তর্ যীশু অলর্ গুরি থেলঅ। দাঙর্ ধর্মগুরুবো আরঅ তারে কলঅ, “তুই জেদা গোজেনর্ নাঙে শমক্ হেইনে আমারে কঅ, তুই কি সেই মশীহ, অত্তাৎ গোজেনর্ পুয়ো না হি।”

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

বিচের গুরিয়্যেগুন 17:2

তে তা মাবোরে কলঅ, “তর্‌ যে তের কেজি দ্বিশত গ্রাম রূবো চুর্‌ ওইয়্যে আর যিয়েনত্তে তরে মুই গেইল্‌ দেদে শুন্যং সিয়েন মইদু আঘে, মুই সিয়েন নেযেয়োং।” সেক্কে তা মা তারে কলঅ, “বাবা, লগেপ্রভু তরে বর্‌ দোক্‌!”