লেবীয় 4:11 - Chakma Bible

^11-12 মাত্তর্‌ তার্‌ বাদবাগি ভাগ্‌কানি, অত্তাৎ চামাড়া, য়েরা, মাদা, টেং, আদুরি আর গুয়ানরে তাত্তুন্‌ তাম্বুল বারেন্দি নেযেইনে কনঅ শুদ্ধ-সাংগ জাগাত্‌ যিয়েনত্‌ ছেই‌ ফেলে দুয়োন্‌ সিয়েনত্‌ ছেইয়োর্‌ কুড় উগুরে গাজ আগুন্দোই পুড়ি ফেলা পুরিবো।

লেবীয় 4:11 Iomraidhean Croise

গীতসংহিতা 103:12

পোজিমেত্তুন্ ধুরি পূগেন্দি যেত্তমান্ দূরোত্, আমা বেক পাপ্পানি তে সেত্তমান্ দূরোত্ সোরেই দিয়্যে।

যাত্রা 29:14

দামাড়া গোরুবোর্‌ য়েরা, চামানি আর গুসুদ্ধো বাড়াল্‌-আদুরিগানি ইস্রায়েলীয়গুনোর্‌ তাম্বুলত্তুন্‌ দূরোত্‌ নিইনে পুড়ি ফেলেবে। ইবে এক্কো পাপ-উৎসর্ব।

লেবীয় 16:27

পাপ ঢাগি দিবাত্তে পাপ-উৎসর্বর যে বলত্তো আর ছাগলর্‌ লো-গান্‌ দাঙর্‌ পবিত্র জাগাত্‌ লোই যেবার্‌ কধা কুয়ো ওইয়্যে সিগুনোর্‌ কিয়্যেগানি তাম্বুল বারেন্দি নেযেইনে চামাড়া, য়েরা আর গু-সুদ্দো বেক্কানি পুড়ি ফেলা পুরিবো।

লেবীয় 4:10

উদোলোলি-উৎসর্বর্ গোরুবো ভিদিরেত্তুন্‌ তেলানি নিগিলাইদে ধোক্ক্যেন গুরি এ উৎসর্বর্ বলদ্ গোরুবোর্ তেলানিয়ো নিগিলেই নেযা পুরিবো। সে পরেদি ধর্মগুরুবো সেই তেলানি নেযেইনে পুজ্যে-উৎসর্বর্ পূজোবো উগুরে পুড়ি ফেলেব।

লেবীয় 4:21

ধর্মগুরুবো সেই বলদ্‌তোর্ বাদবাগি ভাগ্‌কানি তাম্বুল বারেন্দি নেযেইনে পাপ-উৎসর্বর্ অন্য বলদ্ গোরুবোর্ ভাগ্‌কানি ধোক্ক্যেন গুরি পুড়ি ফেলেব। ইবে অলঅ গোদা ইস্রায়েল্‌ জাদর্‌ পাপ-উৎসর্বর্ অনুষ্ঠান।

লেবীয় 6:30

পবিত্র জাগানত্‌ পাপ ঢাগি দিবার্‌ নাঙে যুনি পাপ-উৎসর্বর্ কনঅ এ্যামানর্‌ লো মিলন-তাম্বুলোত্ নেযা অয় ছালে সিয়েনর্‌ য়েরাগান্‌ হেই ন-পারিবো, সিয়েন্‌ পুড়ি ফেলা পুরিবো।

গণাণা 19:3

সিবে তুমি ধর্মগুরু ইলীয়াসররে দিবা। তাম্বুলো বারেন্দি নেযেইনে তা মুজুঙোত্‌ ইবে কাবা পড়িবো।

গণাণা 19:5

তা মুজুঙোত্‌ গোরুবোর্‌ চামাড়াগান, য়েরাগান, লো-গান আর আদুরি সুদ্দো গবরানি পুড়ি ফেলা পুরিবো।