লেবীয় 3:9 - Chakma Bible

⁹ লগেপ্রভুর্ নাঙে আগুন্দোই-গোজ্যে উৎসর্বর্‌ অনুষ্ঠানত্তে উৎসর্ব গুরিয়্যেবোর্ এ ভালেদি-উৎসর্বর্ য়েমানত্তুন্‌ কদক্কানি ভাগ্ নিগিলেনেই ধর্মগুরুবোরে দিয়্যে পুরিবো। এ ভাক্কানি অলঅ সে য়েমান্নোর্‌ তেল, কাঙেল তলেত্তুন্‌ কাবি নেযেয়্যে তেল্‌বলা পুরো লেজ্‌ছান্‌, পেদ ভিদিরে নানান্ ভাগ উগুরে তেলানি আর সিয়েনি লগে তেলানি,

লেবীয় 3:9 Iomraidhean Croise

২ শমূয়েল 6:17

লগেপ্রভুর সুন্দুক্কো আনিনে মানুচ্চুনে সিবে দায়ূদোর বানেই-রাগেয়্যে তাম্বুলো ভিদিরে এক্কান জাগাত্‌ রাগেলাক্। দায়ূদে সেক্কে লগেপ্রভুর নাঙে পুজ্যে আর উদোলোলি-উৎসর্বর অনুষ্টান গুরিলো।

১ রাজাবলী 3:15

ইয়েনর্ পরেন্দি শলোমনে জাগি উদিলো আর বুঝি পারিলোদে, সিয়েন্‌ এক্কান স্ববন এলঅ। পরেন্দি শলোমন যিরূশালেমত্‌ ফিরি যেইনে লগেপ্রভুর সাক্ষ্য-সুন্দুগোর্‌ মুজুঙোত্‌ থিয়্যেল আর ভালোক্কুন্‌ য়েমান্দোই পুজ্যে-উৎসর্ব আর উদোলোলি-উৎসর্বর অনুষ্ঠান গুরিলো। সে পরেন্দি তার বেক্‌ কামগুরিয়্যেগুনোত্তে এক্কো হানা দিলো।

১ রাজাবলী 8:63

শলোমনে বেইশ আজার গোরু আর এক লাখ্‌ কুড়ি আজার ভেড়ালোই উদোলোলি-উৎসর্বর অনুষ্ঠানান্‌ গুরিলো। এধোক্ক্যেনগুরিনে রাজা আর বেক্‌ ইস্রায়েলীয়গুনে লগেপ্রভুর ঘরান্‌ থিদেবর্ গুরিলাক।

১ রাজাবলী 8:64

সে একই দিনোত্‌ রাজা লগেপ্রভুর ঘর মুজুঙোত্‌ উদোন দ্বিসেরে জাগায়ান্‌ লগেপ্রভুর নাঙে যুদো গুরিলো। সিয়োত্‌ তে পুজ্যে-উৎসর্ব আর শোজ্য-উৎসর্বর অনুষ্ঠানান্‌ গুরিলো আর উদোলোলি-উৎসর্বর তেলানি উৎসর্ব গুরিলো, কিত্তেই লগেপ্রভুর মুজুঙোত্‌ পিদোল ডালিপুজোবো এদক্কানি উৎসর্বর অনুষ্ঠানান্‌ গুরিবাত্তে চিগোন্‌ এলঅ।

১ বংশধর 16:1

গোজেন সুন্দুক্কোত্তে দায়ূদে যে তাম্বুলান্‌ বানেয়্যে মানুচ্চুনে সুন্দুক্কো আনিনে সিয়েন ভিদিরে রাগেলাক্‌। সে পরেন্দি গোজেন মুজুঙোত্‌ পুজ্যে-উৎসর্ব আর উদোলোলি-উৎসর্বর পরব্‌ গরা অলঅ।

যাত্রা 29:22

সে পরেদি তুই সেই ভেড়াছাগল্লোর্‌ তেল্‌, তেল্‌বলা লেজ, পেদঅ ভিদিরে আদুরিগানি উগুরে তেলানি, দাম্‌পোজ্যেগানি, তেল্লোই বেড়েয়্যে দ্বিবে কিডনী আর ডেন্‌ ডাগর দামানাগান্‌ নেযেবে। ইবে অলদে দাঙর্‌ পদত্‌ অদে অদে রাগেবার্‌ অনুষ্ঠানর ভেড়াছাগল।

গম্ উপদেজ্ 23:26

মঅ পুয়োবো, মঅ শিক্ষ্যেগান মনযোগ দে; মঅ জিংকানিগান দেগিনে যেন তুই হুজি অচ্।

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

লেবীয় 17:5

ইস্রায়েলীয়গুনে ইক্কুনি যিদুক্কুন য়েমান মাদত্‌-উদোনত্‌ উৎসর্ব গোজ্যন সিগুন্‌ যেন তারা লগেপ্রভু ইদু নেযান্‌ সেনত্তে এ উগুমান্‌ দিয়া অলঅ। তারা সিগুন্‌ মিলন-তাম্বুল দোরানত ধর্মগুরুগুনো ইদু আনিনে লগেপ্রভুর নাঙে উদোলোলি-উৎসর্ব ইজেবে উৎসর্ব গরা পুরিবো।

লেবীয় 7:3

ইবের্‌ বেক্‌ তেলানি উৎসর্ব গরা পুরিবো, অত্তাৎ তেলবলা লেজ, পেদ ভিদিরে ভাক্কানি উগুরে তেলানি,

লেবীয় 8:25

তে ভেড়াবোর্ তেলান্‌, তেল্‌ভরা লেজ্‌ছান্‌, পেদ ভিদিরে বেক্‌ তেলানি, দাম্‌পোজ্যেনি উগুরে ভাগ্‌কান্‌, তেল্লোই বেড়েয়্যে কিড্‌নি দ্বিবে আর ডেন্ ডাগর্‌ উলুহুল্লো নিলো।

লেবীয় 9:19

মাত্তর্‌ সেই গোরু আর ভেড়াবোর্ বেক্‌ তেলানি, অত্তাৎ তেল্‌বলা লেজ্‌, পেদ ভিদিরে তেলানি, কিড্‌নি দ্বিবে আর দাম্‌পোজ্যে উগুরে ভাগ্‌কান্‌ তারা বুগ্‌কোর্ য়েরাগান উগুরে রাগেলাক্, আর হারোণে সেই তেলানি নিইনে পূজোবো উগুরে পুড়ি ফেলেল।

গণাণা 7:88

উদোলোলি-উৎসর্বত্তে বেক্কানিত্তুন দিয়্যে ওইয়্যে চোব্বিশ্‌ছুয়ো বলদ গোরু, ষায়েট্টো ভেড়াছাগল, ষায়েট্টো পাঁদাছাগল আর ষায়েট্টো এক বোজোজ্যে ভেড়াছাগলর-ছঅ। পূজোবো অভিষেগর্‌ পরেদি ইবে উৎসর্বত্তে এই বেক্‌ বক্‌শিজ্‌ছানি আনা ওইয়্যে।

১ শমূয়েল 10:8

“তুই মর্‌ আগেন্দি লামিনে গিল্‌গলত্‌ যাহ্। মুই পুজ্যে-উদোলোলি-উৎসর্বর অনুষ্ঠান গুরিবাত্তে তইদু এচ্ছোং। মুই ন-এজানা সং তুই সাত দিন সং মত্তে বাজ্জেই থেবে। মুই এইনে কোম্‌ তত্তুন্‌ কি গরা পুরিবো।”