লেবীয় 3:16 - Chakma Bible

¹⁶ ধর্মগুরুবো ইয়েনি নেযেইনে উৎসর্ব গোজ্যে হানা ইজেবে পূজোবো উগুরে পুড়ি ফেলেব। ইবে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়্‌। উৎসর্ব গোজ্যে য়েমান্নোর্ তেলানি বেক্কানি লগেপ্রভুর্।

লেবীয় 3:16 Iomraidhean Croise

পত্থম 4:4

হেবলেয়ো তা পালত্তুন্ পত্তমে জর্মেয়্যে কয়েক্কো ভেড়া আনিনে সিগুনোর তেলানি উৎসর্ব গুরিলো। লগেপ্রভু হেবল আর তা উৎসর্বয়ানি গুজি ললঅ,

২ বংশধর 29:35

উদোলোলি-উৎসর্বর তেল্‌ পূজ্যে পরব্‌পান আর পূজ্যে-উৎসর্বর পরব্‌পান আর সিয়েন লগে ঢাল্যে-উৎসর্বর পরব্‌পানিলোই ভালোক্কুন্‌ উৎসর্বর পরব্‌ গরা অলঅ। এধোক্ক্যেন গুরিনে লগেপ্রভুর ঘরর্‌ সেবা কামানি আরঅ আরাম্ভ গরা অলঅ।

২ বংশধর 7:7

শলোমনে লগেপ্রভুর ঘর মুজুঙেন্দি উদোন সংমোধ্যেগান লগেপ্রভুর নাঙে যুদো গুরি রাগেল আর সিয়েনত্‌ তে পূজ্যে-উৎসর্বর অনুষ্ঠান গুরিলো আর উদোলোলি-উৎসর্বর তেলানি উৎসর্ব গুরিলো, কিত্তে পিদোলর্‌ যে পূজোবো তে বানেয়্যে সিবে পূজ্যে-উৎসর্বর আর শোজ্য-উৎসর্বর জিনিসছানিত্তুন্‌ আর তেলানিত্তুন্‌ চিগোন্‌ এলঅ।

যাত্রা 29:13

সে পরেদি পেদঅ ভিদিরে ভাগর্ উগুরেত্তুন্‌ তেলানি, পেদঅ দামর্‌ উগুরে ভাগ্‌‌কানি আর তেল্‌সহ কিডনী দ্বিবে নেযেইনে ডালিপূজোবো উগুরে পুড়ি ফেলেবে।

যাত্রা 29:22

সে পরেদি তুই সেই ভেড়াছাগল্লোর্‌ তেল্‌, তেল্‌বলা লেজ, পেদঅ ভিদিরে আদুরিগানি উগুরে তেলানি, দাম্‌পোজ্যেগানি, তেল্লোই বেড়েয়্যে দ্বিবে কিডনী আর ডেন্‌ ডাগর দামানাগান্‌ নেযেবে। ইবে অলদে দাঙর্‌ পদত্‌ অদে অদে রাগেবার্‌ অনুষ্ঠানর ভেড়াছাগল।

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

যিহিষ্কেল 44:15

মাত্তর্ ইস্রায়েলীয়গুনে যেক্কে মত্তুন্ ভান্ন্যেই পধেদি যেইয়োন্ সেক্কে সাদোক বংশর্ যে লেবীয়গুনে ধর্মগুরু ইজেবে মঅ ঘরত্ বিশ্বেজ্ গুরিনে তারার্ কামানি গোজ্যন্ তারা মর্ সেবা-কাম্ গুরিবাত্তে মইধু এই পারিবাক্; তারা তেল্ আর লো উৎসর্ব গুরিবাত্তে মঅ মুজুঙোত্ থিয়্যেই পারিবাক্। মুই প্রভু লগেপ্রভু এ কধাগান কঙর্।

লেবীয় 17:6

মিলন-তাম্বুল দোরান ইদু লগেপ্রভু যে পূজোবো রোইয়ে তার্‌ কিয়্যেত্‌ সে য়েমানর্‌ লো-গান্‌ ধর্মগুরুবোরে ছিদি দিয়া পুরিবো আর লগেপ্রভুরে হুজি গুরিবার্‌ তুম্বাজ্‌ ইজেবে সে য়েমানর্‌ তেলান্‌ পুড়ি ফেলা পুরিবো।

লেবীয় 4:26

উদোলোলি-উৎসর্বর্ য়েমান তেল ধোক্ক্যেন গুরিনেই ইবের্‌ বেক্‌ তেলানি পূজোবো উগুরে পুড়ি ফেলা পুরিবো। এবাবোত্যেগুরি ধর্মগুরুবো সেই মুরুব্বীবোর্‌ অন্যেয়ানি ঢাগি দিবার্‌ বেবস্থা গুরিবো আর সেক্কে তারে ক্ষেমা গরা অবঅ।

লেবীয় 4:31

উদোলোলি-উৎসর্বর্ য়েমান্নোর্ তেলানি নিগিলাইদে ধোক্ক্যেন গুরি তে এই উৎসর্বর্ য়েমান্নোর্ বেক্‌ তেলানি নিগিলেইনে সিয়েনি পূজোবো উগুরে পুড়ি ফেলেব। ইয়েনর্ তুম্বাজে লগেপ্রভু হুজি অয়্‌। এবাবোত্যেগুরি ধর্মগুরুবো সে মানুচ্চোর্ অন্যেয়ানি ঢাগি দিবার্‌ বেবস্থা গুরিবো আর সেক্কে তারে ক্ষেমা গরা অবঅ।

লেবীয় 8:25

তে ভেড়াবোর্ তেলান্‌, তেল্‌ভরা লেজ্‌ছান্‌, পেদ ভিদিরে বেক্‌ তেলানি, দাম্‌পোজ্যেনি উগুরে ভাগ্‌কান্‌, তেল্লোই বেড়েয়্যে কিড্‌নি দ্বিবে আর ডেন্ ডাগর্‌ উলুহুল্লো নিলো।

লেবীয় 9:24

লগেপ্রভুত্তুন্‌ আগুন্‌ নিগিলি এইনে পূজোবো উগুরে পুজ্যে-উৎসর্ব আর বেক্‌ তেলানি পুড়ি ফেলেল। এ বেপারান্‌ দেগিনে মানুচ্চুনে হুজি ওইনে রঅ‌ ছাড়িনে মাদিত্‌ আদুপাড়ি পড়িলাক্।

মথি লেখ্যে গম্ হবর্ 22:37

যীশু তারে কলঅ, “বেগত্তুন্ দাঙর্ আর বেগত্তুন্ দরকারী উগুম অলঅ, ‘তুমি পত্তিজনে তমার্ রিবেঙান্, পরাণান্ আর বেক্ মনান্দোই তমা প্রভু গোজেনরে কোচ্‌পেবা।’