লেবীয় 3:11 - Chakma Bible

¹¹ ধর্মগুরুবো ইয়েনি লোইনে উৎসর্ব গোজ্যে হানা ইজেবে পুজোবো উগুরে পুড়ি ফেলেব। ইবে লগেপ্রভুর্ নাঙে আগুন্দোই-গোজ্যে উৎসর্ব ভিদিরে এক্কো।

লেবীয় 3:11 Iomraidhean Croise

গীতসংহিতা 22:14

মরে পানি ধোক্ক্যেন্ গুরি ঢালি দিয়্যে ওইয়্যে, মর্ বেক্ আড়র্ জড়াগুন্ খুলি যেইয়োন, মঅ মনান্ মুমো ধোক্ক্যেন্ ওইনে মঅ ভিদিরেদিগান গুলি পড়ের্।

যিহিষ্কেল 44:7

তমা অন্য জঘন্য আচার-বেবহার লগে তুমি মইধু হানা, তেল্ আর লো উৎসর্ব গুরিবার অক্তত্ মনেদি আর কিয়্যেদি সুন্নত-ন-গোজ্যে বিদেশীগুনোরে মঅ ঘরত্ আনিনে মঅ ঘরান্ অসিজি গোজ্য আর তারার কাম ভিদিরেদি তুমি মর্ সুদোমান বাতিল গোজ্য।

লেবীয় 21:17

তুই হারোণরে কঅ, কিয়্যেত্ থুদো বলা তার্ কোন বংশধর তার্‌ গোজেনর নাঙে হানা উৎসর্ব গুরিবাত্তে পূজোবো ইদু যেই ন-পারিবো।

লেবীয় 21:6

সিয়েন্‌ গুরিনে তারা তারার্‌ গোজেনর্‌‌ নাঙানর্‌ পবিত্রতাগান বর্বাদ গুরি ন-পারিবো। তারা যেন তারার্‌ গোজেনর্‌‌ নাঙে ফারগ্ ওই থান্‌। ধর্মগুরুগুনে লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান্‌ গুরিবাক্, আর সেনত্তে লগেপ্রভুর নাঙে তারাত্তুন যুদো ওই থাহ্‌ পুরিবো। এ উৎসর্বর্‌ জিনিস্‌চান অলঅ তারার্‌ গোজেনর্‌‌ নাঙে উৎসর্ব গোজ্যে হানা।

লেবীয় 21:8

ও ইস্রায়েলীয়গুন্‌, তুমিয়ো ধর্মগুরুগুনোরে গোজেনর্‌‌ নাঙে যুদো গুরি রাগেয়্যে মানুচ্‌ ইজেবে চেবা, কিত্যে তারা তমার্‌ গোজেনর্‌‌ নাঙে হেবার্‌ উৎসর্ব গুরিবার্‌ কাম গরন্‌। যুদো গুরি রাগেয়্যে মানুচ্‌ বিলিই তারারে চাহ্ পুরিবো, কিত্যে মুই লগেপ্রভু নিজেই পবিত্র আর মুয়ই তমারে মর্‌ নাঙে যুদো গুরি রাগেয়োং।

লেবীয় 22:25

অন্য জাদর্‌ কনঅ মান্‌জ্য আদত্তুন্‌ তুমি এধোক্ক্যেন য়েমান নেযেইনে তমার গোজেনর্‌ উৎসর্ব গোজ্যে হানা ইজেবে বেবহার্‌ গুরি ন-পারিবা। সিগুনোত্‌ দাগ্‌ আর দুষ্‌ আঘে বিলি সেক্কে তমার্‌ কনঅ উপকারত্‌ ন-এবঅ।”

লেবীয় 3:16

ধর্মগুরুবো ইয়েনি নেযেইনে উৎসর্ব গোজ্যে হানা ইজেবে পূজোবো উগুরে পুড়ি ফেলেব। ইবে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়্‌। উৎসর্ব গোজ্যে য়েমান্নোর্ তেলানি বেক্কানি লগেপ্রভুর্।

লেবীয় 3:5

পুজোবোত্‌ জ্বোল্‌-জ্বোল্যা তক্তা উগুরে যিয়েনত্‌ পুজ্যে-উৎসর্ব জুলিবো সিবে উগুরে হারোণর্‌ পূঅগুনে ইগুন্‌ থোইনে পুড়ি ফেলেবাক্‌। ইবে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়।

মালাখি 1:12

মাত্তর্ তুমি মঅ নাঙান্ অসর্মান গোজ্য, কিত্যে তুমি কত্তে, ‘লগেপ্রভুর টেবিলান অসিজি আর তা উগুরেদি হানাগান জঘন্য।’

মালাখি 1:7

মর্ ডালি পূজোবো উগুরে তুমি অসিজি হানা রাগেইনে মরে ঈচ্ গোজ্য। মাত্তর্ তুমি কত্তে, ‘সিয়েন্দোই কি তুই অসিজি ওইয়োচ্?’ তুমি যেক্কে কঅ, ‘লগেপ্রভুর টেবিলান ঈচ্ গরে পারা,’ সেক্কে দঅ তুমি মরে অসিজি কোইয়ো।

গণাণা 28:24

ইঙিরিনে সাত দিনোর পত্তি দিনোত্‌ লগেপ্রভুরে খুজি গুরিবার তুম্বাজ্‌ ইজেবে এই বেক্‌ খানাগানিলোই আগুন্দোই-পুজ্যে উৎসর্ব গরা পুরিবো। অক্ত মজিম্ যে পুজ্যে-উৎসর্ব আর তা সমারে ঢালন-উৎসর্ব রোইয়্যে তা উগুরে ইবেয়ো গরা পুরিবো।

রোমীয় 8:32

গোজেনে নিজোর্ পুয়োবোরেয়ো রেহাই ন-দিলো বরং আমা বেক্কুনোত্ত্যে তারে মরণর্ আঢত্ তুলি দিলো। সালে তে কি পুয়োবো সমারে আর বেক্কানিয়ো আমারে দান ন-গুরিবো?

১ করিন্হীয় 10:21

প্রভুর গলচ্চো আর ভান্ন্যেই আত্মাগুনোর গলচ্চো, এ দ্বিবে গলজত্তুন্ তুমি হেই ন-পারঅ। প্রভুর টেবিলো উগুরে আর ভান্ন্যেই আত্মাগুনোর্ টেবিলো উগুরে যিয়েনি আঘে, এই দ্বিয়েনর্ ভাগ্ তুমি লোই ন-পারঅ।

ফগদাং পেইয়্যে 3:20

চঅ, মুই দুয়োরান ইধু থিয়্যেইনে বাজ্জাঙর্। কেঅ যুনি মর্ মুয়ো রবুয়ো শুনিনে দুয়োরান খুলি দে সালে মুই ভিদিরে তাইধু যেইম্ আর তা সমারে হানা-দানা গুরিম, আর তেয়ো মঅ সমারে হানা-দানা গুরিবো।