লেবীয় 27:21 - Chakma Bible

²¹ ফিরি পেবার্‌ বজরবোত্‌ যেক্কে ভূইয়ান্‌ খালাস অবঅ সেক্কে সিয়েন্‌ লগেপ্রভুর্ নাঙে ভস্তর্‌ অভিশাবর্‌ তলে ভূইয়ো ধোক্ক্যেন লগেপ্রভুর্ নাঙে যুদো গরা যেবঅ। সেক্কে সিয়েন্‌ অবঅ ধর্মগুরুগুনোর্‌ সোম্বোত্তি।

লেবীয় 27:21 Iomraidhean Croise

ইষ্রা 10:8

যে কনজনে তিন দিনো ভিদিরে আঝিল্ ন অবাক্, দাঙর্ পোজিশনর্ কামগুরিয়্যে আর বুড়ো নেতাগুনোর্ সল্লা মজিম তার্ বেক্ সোম্বোত্তিগানি আক্‌‌‌সো দিয়্যে অবঅ আর বন্দীদযাত্তুন্ ফিরি এচ্চ্যে মানুচ্চুনোরে সমাজত্তুন্ নিগিলেই দিয়্যে অবঅ।

যিহিষ্কেল 44:29

তারা শোজ্য-উৎসর্ব, পাপ-উৎসর্ব আর দুষ-উৎসর্বর্ জিনিস হেবাক্; ইস্রায়েল দেজত্ লগেপ্রভুর নাঙে দিয়্যে বেক্ জিনিস্‌‌‌‌‌চানি তারার্ অবঅ; সিয়েনি ছাড়েই আনানা ন-যেবঅ।

লেবীয় 25:10

এ পঞ্চাশ বজরর্‌ বজর্‌বোত্‌ লগেপ্রভুর নাঙে যুদো গুরি নেযেয়ে দেজর্‌ বেক্‌ মানুচ্চুনো ইদু উদ্ধোর্ ফগদাঙ্‌ গরা পুরিবো। তমাত্তেই এই বজরবো অবঅ ফিরি পেইয়ে বজর। এ বজরত্‌ তুমি বেক্কুনে যে যার্‌ বংশত্‌ আর পরিবারর্‌ সোম্বোত্তিত্‌ ফিরি যেবা।

লেবীয় 25:28

মাত্তর্‌ টেঙা ফিরেই দিবার্‌ মত অবস্থা যুনি তে গুরি ন-পারে সালে যে ভূইয়ান্‌ তে বিজি দিয়্যে সিয়েন্‌ ফিরি পাইদে বজর সং যে সিয়েন কিন্যে তার্‌ আঢত্ থেবঅ। ফিরি পাইদে বজরত্‌ সে ভূইয়ান্‌ ফিরেই দিয়্যে পুরিবো আর সেক্কে তে নিজোর্‌ ভূইয়োত্‌ ফিরি যেই পারিবো।

লেবীয় 25:31

মাত্তর্‌ যেদক্কানি আদামর্‌ চেরোকিত্তে দেবাল্‌ নেই সেজাগানর্‌ ঘরানি খুলোমেলা ভূইয়োর-জাগান ধোক্ক্যেন ধুরি নেযা পুরিবো। সিয়েনি ছাড়েই নেযা যেবঅ আর ফিরি পেবার্‌ বজরত্‌ সিয়েনি ফেরদঅ দিয়্যে পুরিবো।

লেবীয় 27:20

মাত্তর্‌ যুনি তে ভূইয়ান্‌ ছাড়েইনে ন-নেযায় বা আর কার ইদু বিজি দে সালে সিয়েন্‌ আর ছড়েই নেযা ন-যেবঅ।

লেবীয় 27:22

নিজোর্‌ পরিবারর্‌ ভূইয়োর্‌ কনঅ ভাগ নয় এধোক্ক্যেন কনঅ কিনি নেযেয়্যে ভূই যুনি কনজনে লগেপ্রভুর্ নাঙে যুদো গুরি রাগান,

গণাণা 18:14

ইস্রায়েলীয়গুনো ভিদিরে ভস্তর্ অভিশাব বিলি জানেই দিয়্যে পত্তি জিনিস-পাদিনি তর্‌ অবঅ।

দ্বি’লম্বর বিররণ 13:17

লগেপ্রভু যেনে তার দর্‌গরেপারা রাগত্তুন্‌ ফিরি এজে সেনত্যে তমা আদত্‌ যেনে এই বেক্‌ পযাপিরানির এক্কানঅ দেগা ন-যায়, কিত্যে সিয়েনি উগুরে আঘেদে ভস্ত অনার্ অবিশাব। সালে তে তমারে দোয়্যে আর মেইয়্যে গুরিবো আর তমার পুরোণি মানুচ্চুনো ইদু শমক্‌ খেইয়্যে এগেম্ মঝিম তমার বংশগুন বাড়েই দিবো,

যিহোশূয় 6:17

শঅ‌র আর তা ভিদিরে বেক্কানি লগেপ্রভুর দিয়্যে ভস্তর্ অভিশাবর তলেদি। বানা বেশ্যে রাহব আর তা ঘরত্‌ যিদুক্কুন মানুচ্‌ রোইয়োন তারা বাঁজি থেবাক্‌, কিত্যে আমার পাদেয়্যে মানুচ্চুনোরে তে লুগেই রাগেয়্যে।