লেবীয় 26:7 - Chakma Bible

⁷ তুমি তমার্‌ শত্রুগুনোরে লোড়েবা আর শত্রুগুনে তমা মুজুঙোদ্ মুরি যেবাক্।

লেবীয় 26:7 Iomraidhean Croise

১ বংশধর 19:15

অরামীয়গুনোরে ধেই যাদে দেগিনে অম্মোনীয়গুনেয়ো যোয়াব ভেই অবীশয় মুজুঙোত্তুন্‌ ধেই যেইনে শঅর ভিদিরে সুমিলাক্‌। সেনত্তে যোয়াবে যিরূশালেমত্‌ ফিরি গেলঅ।

ইষ্টের 9:16

এ ভিদিরে রাজার দাঙর্‌ চাগালাগানিত্‌ বাদবাগি যিহূদীগুনেয়ো নিজো জিংকানিগানি রোক্ষ্যে গুরিবাত্তে আর তারার্‌ শত্রুগুনোর আঢত্তুন্‌ মাব্‌ পেবাত্তে একলগে এগত্তর্‌ অলাক্‌। তারা তারার্‌ পাচাত্তুর্‌ আজার্ শত্রুরে মারে ফেলেলাক্‌ মাত্তর্‌ কনঅ লুদেয়্যে পযাপিরাত্‌ আঢ্ ন-দিলাক্‌।

গীতসংহিতা 81:15

“শত্রুগুনে মঅ মুজুঙোত্ মাদা নিগিরোদে বাধ্য অবাক্, তারার সাজাগান্ অবদে উমরত্ত্যে।

লেবীয় 26:36

তমা ভিদিরেত্তুন্‌ যিগুনে শত্রুগুনোর্‌ দেজত্‌ বাঁচি থেবাক্ তারার্‌ মনত্‌ মুই এমন্‌ দর্‌ ভোরেই দিম্‌, বোইয়্যেরত্‌ পাদা লড়িবার্‌ রঅবোলোইয়ো তারা ধেই যেবাক্। যুদ্ধোর্‌ দরে যেধোক্ক্যেন গুরি মান্‌জে ধেই যান্‌ সেধোক্ক্যেন গুরি তারা ধেই যেবাক্। পিজেন্দি কনজনে লোড়েইনে ন-গেলেয়ো তারা দাবা যাদে উজোত্‌ হেইনে পড়ি যেবাক্।

লেবীয় 26:6

দেজত্‌ সেক্কে মুই সুখ্‌ দিম। তুমিয়ো সুগে-শান্দিয়্যে ঘুমেবা; কারত্তুন্‌ কনঅ দোরেবার্‌ কারন তমার্‌ ন-থেবঅ। মুই দেজত্তুন্‌ চিৎ নপুজ্যে য়েমানুন্ ধাবেই দিম্‌। কনঅ সৈন্য-সামন্ত তমার দেজ্‌চানরে আক্রমণ গুরিবাত্তে ন-এবাক্।

লেবীয় 26:8

বানা পাচজনে মিলিনে তুমি একশতজন শত্রুরে আর একশতজন মিলিনে দশ আজার শত্রুরে লোড়েবা, আরঅ শত্রুগুনে তমা মুজুঙোত্ মুরি যেবাক্।

দ্বি’লম্বর বিররণ 28:7

যিগুনে শত্রু ওইনে তমার বিরুদ্ধে থিয়্যেবাক লগেপ্রভু এমন্‌ গুরিবো যেনে তারা তমা ইদু উদিই যান। তারা এক কিত্তেন্দি তমারে আক্রমন গুরিবাত্তে এইনে সাত কিত্তেন্দি ধেই যেবাক।

দ্বি’লম্বর বিররণ 32:30

কেন্‌জান্ গুরি একজনে আজার জনরে ধাবেই-দে, কেন্‌জান্ গুরি দ্বিজনরে দেগিনে দশ আজার মানজ্যে ধেই যান, যুনি তারার জিরেবার-মুড়োবো শত্রুগুনোর আদত্‌ তারারে বেজা দিইনে থান, যুনি লগেপ্রভু শত্রুগুনোর আদত্‌ তারারে তুলি দিইনে থায়?

যিহোশূয় 23:10

তমাত্তুন্‌ একজনে এক আজার্‌ জনরে ধাবেই দি পাজ্যে, কিত্যে তমা গোজেন লগেপ্রভুর্ এগেম্ মজিম তে তমার ওইনে যুদ্ধো গোজ্যে।

বিচের গুরিয়্যেগুন 15:15

সেক্কে তে লগেলগ্‌ মুরি যেইয়্যে গাধার এক্কো গাল দাঁত পেইনে সিবে আঢত্‌ নিলো আর সিবেলোই এক আজার মান্‌জ্যরে মারে ফেলেল।

বিচের গুরিয়্যেগুন 4:16

মাত্তর্‌‌ বারকে হরোশৎ-হগোয়িম সং তারার্‌ রথ্‌তানি আর সৈন্যদলর পিজেন্দি লোড়েই নেযেল। সীষরার বেক্‌ সৈন্যগুনোরে মারে ফেলেলাক্‌, একজনঅ বাগী ন-রলাক্‌।

বিচের গুরিয়্যেগুন 7:23

সেক্কে ইস্রায়েলীয়গুনো ভিদিরে নপ্তালি, আশের আর মনঃশি-গুট্টির বেক মানুচ্চুনোরে ডাগা অলঅ আর তারা মিদিয়নীয়গুনোরে লোড়েলাক্‌।

১ শমূয়েল 14:13

যোনাথনে চেরান আত্‌-টেংগোই উগুরে উদি গেলঅ আর তার বন্দুক বোইয়্যে মানুচ্চোয়ো তার পিজে পিজে উদি গেলঅ। পলেষ্টীয়গুনে যোনাথনর আঢত্‌ মারা পড়িলাক আর তার বন্দুক বোইয়্যে মানুচ্চোয়ো তার পিজে পিজে পলেষ্টীয়গুনোরে মারা ধুরিলো।