লেবীয় 26:6 - Chakma Bible

⁶ দেজত্‌ সেক্কে মুই সুখ্‌ দিম। তুমিয়ো সুগে-শান্দিয়্যে ঘুমেবা; কারত্তুন্‌ কনঅ দোরেবার্‌ কারন তমার্‌ ন-থেবঅ। মুই দেজত্তুন্‌ চিৎ নপুজ্যে য়েমানুন্ ধাবেই দিম্‌। কনঅ সৈন্য-সামন্ত তমার দেজ্‌চানরে আক্রমণ গুরিবাত্তে ন-এবাক্।

লেবীয় 26:6 Iomraidhean Croise

২ রাজাবলী 2:24

ইলীশায় ঘুরিনে তারার্‌ ইন্দি চেলঅ আর লগেপ্রভুর নাঙে তারারে অভিশাব্‌ দিলো। সেক্কে ঝারত্তুন্‌ দ্বিবে ভালুক্‌ নিগিলি এইনে তারাত্তুন্‌ বিয়াল্লিশজন পুয়োরে কট্টা কট্টা গুরি ফেলেল।

১ বংশধর 22:9

মাত্তর্‌ তর্‌ এক্কো পুয়ো অবঅ যে সুগ্‌-শান্দিয়্যে থেবাত্তে গম্‌ পেবঅ। তা চেরোকিত্তে শত্রুগুনো আদত্তুন্‌ মুই তারে সুগে-শান্দিয়্যে রাগেম্‌। তা নাঙান্‌ অবঅ শলোমন (যিয়েনর্ ভেদ্‌তান্ শান্তি), কিত্তে মুই তার্‌ রাজাগিরি সময়োত্‌ ইস্রায়েলরে সুগে-শান্দিয়্যে আর গমেডালে রাগেম্‌।

২ বংশধর 20:30

সেক্কে যিহোশাফটর রেজ্যগান সুগে-শান্দিয়্যে রলঅ, কিত্তে তা গোজেনে চেরোকিত্তেত্তুন্‌ তারে সুগ্‌ শান্দি দিয়্যে।

ইয়োব 11:19

তুই ঘুমোত্‌ পড়িলে কনজনে তরে দর্‌ ন-লাগেব। বোউত্‌ মান্‌জ্যে তইদু দোয়্যে চেবাক্‌।

ইয়োব 5:23

তঅ‌ ভূইয়োত্‌ কনঅ পাত্তর্‌ ন-থেবঅ‌; ঝার্‌বো এ্যমানুনে তরে আক্রমণ ন-গুরিবাক্‌।

গীতসংহিতা 144:14

আমা বলদ্‌তুনে যেন ঘুয়োর্ ঘুয়োর্ বুধি টানি পারন্; আমা দেবালত্ যেন ফাদামারা ন-অয়, কনজনে যেন বন্দি ন-অন্। পধে পধে যেন দুঘোর্ কানানি রঅ শুনো ন-যায়।

গীতসংহিতা 147:14

তঅ দুযিগানিত্ তেয়ই সুগ-শান্দি রাগায়, আর বেগত্তুন দোল্ গমবোই তরে আওজ্‌চান্ পুরেই দে।

গীতসংহিতা 29:11

লগেপ্রভু তা মানুচ্চুনোরে বল্ যুগেই দিবো; সুগ-শান্দি দান গুরিনে তে তারারে আশিদ্‌বাদ গুরিবো।

গীতসংহিতা 3:5

মুই ঘুমোত্ পড়িলুং, আরঅ জাগি উদিলুং, কিয়া লগেপ্রভু মরে ধুরি রাগাই।

গীতসংহিতা 4:8

ও লগেপ্রভু, তুয়ই মরে দর্‌বুগ্ নেইয়্যে গুরি রাগেয়োচ্, সেনত্তে মুই বিচ্ছোনত্ পড়িনে গমেডালে ঘুম্ যেম্।

গীতসংহিতা 85:8

লগেপ্রভু গোজেনে যিয়েন কবঅ মুই সিয়েন শুনিম; তা মানুচ্চুনো ইদু, তা ভক্তগুনো ইদু তে সুগ্-শান্দির কধা কবঅ; মাত্তর্ তারা যেন আর ভুলো মিক্ক্যে ন-ফিরোন্।

যাত্রা 23:29

মাত্তর্‌ মুই যে তারারে এক বজর ভিদিরে বেক্কুনোরে ধাবেই দিম্‌ সিয়েন নয়, কিত্তে সিয়েন গুরিলে দেজ্‌চান্‌ খাল্যে পড়ি থেবঅ‌ আর ঝাড়্‌বো-জানোয়ারর্‌ সোংখ্যে তমার পক্ষে অমহদ বেশ্‌ ওই যেবাক্।

গম্ উপদেজ্ 3:24

ঘুমেবার অক্তত্ তুই ন-দোরেবে, আর তঅ ঘুমান অবদে সুগোর্।

গম্ উপদেজ্ 6:22

আঢিবার সময়োত্ সিয়েনিয়ে তরে পথ্ দেগেব, ঘুমেবার সময়োত্ তরে চুগি দিবো আর জাগিলে তঅ সমারে কধা কবঅ;

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিশাইয় 35:9

সিয়েনত্ কনঅ সিংহ ন-থেবাক্, কনঅ চিৎনপুজ্যে য়েমানে সেই পধেদি ন-যেবাক্। সিয়েনত্ তারারে দেগা ন-যেবঅ, মাত্তর্ বানা মুক্তি পেইয়্যে মানুচ্চুনে সেই পধেদি আঢিবাক্,

যিশাইয় 45:7

মুয়ই পহ্‌‌র আর আন্ধারানরে বানেয়োং; মুয়ই ভালেদি আনং আর সর্বনাশ সৃট্টি গরং। মুই লগেপ্রভু ইয়েনি গুরি থাং।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যিরমিয় 30:10

“সেনত্তে ও মর্ চাগর্ যাকোব, ন-দোরেচ্; ও ইস্রায়েল, উচ্চোমি নেইয়্যে ন-ওচ্। মুই দূরো জাগাত্তুন্ তরে আর বন্দী থেইয়্যে দেজত্তুন্ তঅ পুয়ো-ছাগুনোরে হামাক্কায় উদ্ধোর গুরিম। যাকোবে আরঅ শান্তি আহ্ নিরাপদ মনে গুরিবো আর কনজনে তারে দর্ ন-দেগেবাক্।

যিরমিয় 31:26

সেক্কে মুই জাগিনে চেরোকিত্তে রিনি চেলুং। মঅ ঘুমান মইধু আরামর্ এলঅ।

যিহিষ্কেল 14:15

ধর, মুই সেই দেজত্ ঝার্‌বো য়েমান পাধেই দিলুং আর তারা দেজচানরে মানুচ্ নেইয়্যে গুরিলাক্। সেক্কে সিয়েন এমন দর্‍গরেপারা অলদে যে, য়েমান দরে সিয়েন ভিদিরেদি কনজনে যানা-এযানা গুরি ন-পারিলাক্।

যিহিষ্কেল 14:17

ধর, মুই সেই দেজ বিরুদ্ধে যুদ্ধো আনিনে কলুং, দেজর্ বেক্ জাগানিত্ যুদ্ধো ওক্, আর মুই সিদুগো মানুচ্চুন আর এ্যামানুনোরে মারে ফেলেলুং।

যিহিষ্কেল 14:21

“ইক্কিনে মুই প্রভু লগেপ্রভু কঙর্, মুই যেক্কে যিরূশালেমর মানুচ্ আর এ্যামানুন মারে ফেলেবাত্তে সিয়েন বিরুদ্ধে যুদ্ধো, ভাদরাত্, ঝার্‌বো য়েমান আর ভানা-এ চেরান্ দর্‌গরেপারা সাজা পাদেম্ সেক্কে কত্তমান না ভান্ন্যেই অবঅ!

যিহিষ্কেল 34:25

“‘মুই তারাত্তে ভালেদির্ এক্কান বেবস্থা থিদেবর্ গুরিম আর দেজত্তুন্ চিৎনপুজ্যে য়েমানুনোরে শেজ্ গুরিম যেনে তারা গমেডালে ধূল্যেচর-চাগালাত্ বজত্তি গত্তে আর ঝার-জংগলত্ ঘুমেই পারন্।

যিহিষ্কেল 34:27

মাদ গাজ্‌চুনোত্ গুলো ধুরিবাক্ আর মাদিগানে তার খেত্‌-খেত্তি দিবো; তারা গমেডালে নিজোর্ নিজোর্ ভূইয়োত্ বজত্তি গুরিবাক্। মুই যেক্কে তারার্ জুঙোলান্ ভাঙি ফেলেম আর যিগুনে তারারে চাগর্ বানেয়োন তারা আঢত্তুন্ ছাড়েই আনিম সেক্কে তারা হবর্ পেবাক্, মুয়ই লগেপ্রভু।

যিহিষ্কেল 5:17

তঅ বিরুদ্ধে মুই ভাদরাদ্ আর চিৎনপুজ্যে য়েমান পাধেই দিম্; তারা তরে পুয়ো-ছা নেইয়্যে গুরিবাক্। ভানা আর লো ঝরানা তঅ মাধ্যমে যেবঅ আর মুই তঅ বিরুদ্ধে যুদ্ধো আনিম। মুই লগেপ্রভু এ কধাগান কলুং।”

হোশেয় 2:18

সেদিন্যে মুই তাত্তে য়েমান, পেগ্ আর বুগেদি আঢি বেড়েয়্যে প্রাণিগুনো লগে মিজেম। মুই দেজত্তুন্ ধনু, লাম্বাছুরি আর যুদ্ধো দূর্ গুরি দিম যেনে বেক্কুনে গমেডালে ঘুম যেই পারন্।

হোশেয় 2:20

মুই বিশ্বেজ্ গুরিনে সেই মিজেনাগান পাক্কা গুরিম আর সেক্কে তুই লগেপ্রভুরে গভীন গুরিনে জানি পারিবে।

লেবীয় 25:18

তুমি মর্‌ সুদোমানি পালেবা আর মর্‌ রীদি-সুদোমানি মানি চলিবা; সেক্কে তুমি দেজত্‌ নিচিদেগুরি বজত্তি গুরি পারিবা।

লেবীয় 25:19

সেক্কে তুমি ভূইয়োত্তুন্‌ পুরো ফসলানি পেবা আর পেট ভুরি হেইনে নিচিদেগুরি সিয়েনত্‌ বজত্তি গুরি পারিবা।

লেবীয় 26:22

মুই তমা ইধু চিৎ নপুজ্যে য়েমান পাধেই দিম। সিগুনে তমার ঝি-পূঅগুনোরে হেই ফেলেবাক্, তমারে য়েমানপালুনে শেজ্ গুরিবাক আর তমার মান্‌জ্যর সোংখ্যে কোমেই দিবাক। সেক্কে তমার পথ্‌তানি খালি পড়ি থেবঅ।

লেবীয় 26:25

মর্‌ সুদোম ভাঙানাত্যে মুই তমা উগুরে যুদ্ধো আনিম। শত্রুগুনে দেগিনে যেক্কে তুমি শঅরত্‌ যেইনে চুমিবা সেক্কে তমা ইধু মুই ভানা পাদেই দিম, আর সেক্কে তুমি শত্রুর আঢত্ যেইনে পুরিবা।

লেবীয় 26:7

তুমি তমার্‌ শত্রুগুনোরে লোড়েবা আর শত্রুগুনে তমা মুজুঙোদ্ মুরি যেবাক্।

মীখা 4:4

পত্তিজনে নিজোর্ নিজোর্ আংগুর লুদি আর ডোমোর্ গাজ তলে বুজিবাক্ আর কনজনে তারারে দর্‌‌‌‌বুক ন-লাগেবাক্, কারন বেগত্তুন্ খেমতাবলা লগেপ্রভু সে কধাগান কোইয়্যেদে।

সফনিয় 3:13

ইস্রায়েলর সেই বাদবাগি মানুচ্চুনে অন্যেয় ন-গুরিবাক্; তারা মিজে কধা ন-কবাক্ বা তারার্ মুয়োত্ ছলনা ন-থেবঅ। তারা হেইনে গমেডালে ঘুম যেবাক্, কনজনে তারারে দর্‌বুগ্ ন-লাগেবাক্।”

হগয় 2:9

আগ ঘরর্ সয়-সাগোজ্যেত্তুন্ ইক্কিনে ঘরর্ সয়-সাগোজ্যেগান আরঅ বেশ্ অবঅ। এ জাগানত্ মুই ভালেদি আনিম। মুই বেগত্তুন্ খেমতাবলা গোজেন লগেপ্রভু এ কধাগান কঙর্।’ ”

সখরিয় 9:10

মুই ইফ্রয়িমর রথ আর যিরূশালেমর যুদ্ধোর্ ঘোড়া বেক্কুন্ ভস্ত গুরিম আর যুদ্ধোর্ ধনুগানি ভাঙি ফেলা অবঅ। তে জাদ্‌‌‌‌‌‌‌তুনো ইধু শান্তি ফগদাং গুরিবো। তার শাজন সাগরত্তুন্ সাগর্ সং, ইউফ্রেটিস গাঙত্তুন্ পিত্‌‌‌‌থিমীর শেজ্ দুযি সং চলিবো।

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

প্রেরিত্‌ 12:6

যেদিন্ন্যে হেরোদে বিচেরত্যে পিতররে নিগিলেই আনিবো তা আগ রেদোত্ দ্বিজন সৈন্যর্ সংমধ্যে পিতরে ঘুম যার্। তারে দ্বিআন্ শিগোল্লোই বানি থুয়ো ওইয়্যে আর চুগিদারুনে দুয়োরত্ চুগি দেদন্।

রোমীয় 5:1

বিশ্বেজর্ মাধ্যমে আমারে নিদ্দুজি বিলি মানি লুয়ো ওইয়্যে আর সিয়েনত্তে প্রভু যীশু খ্রীষ্টর্ মাধ্যমে গোজেন ইধু আর আমা ইধু শান্তি ওইয়্যে।