লেবীয় 26:44 - Chakma Bible

⁴⁴ তো শত্রুগুনোর্‌ দেজত্‌ থেবার্‌ অক্তত্‌ মুই তারারে এধোক্ক্যেনগুরি অগ্রাজ্য ন-গুরিম বা ঘিনাইদে চোগেদি ন-চেম্‌ যেনে তারা এক্কুবারেই ভস্ত ওই যান্‌ আর ইঙিরিনে তারা সমারে মর্‌ সুদোমান্‌ ভাঙি যায়। মুই লগেপ্রভু তারার্‌ গোজেন।

লেবীয় 26:44 Iomraidhean Croise

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

২ রাজাবলী 13:23

মাত্তর্‌ লগেপ্রভু অব্রাহাম, ইস্‌হাক আর যাকোবত্তে যে সুদোমান্‌ থিদেবর্ গোজ্যে সেনত্তেই তে ইস্রায়েলীয়গুনো উগুরে দোয়্যে বা মেয়্যে গুরিলো আর তারান্দি মন্‌ দিলো। এজঅ সং তারারে ভস্ত গুরি ফেলাদে বা নিজো মুজুঙেত্তুন্‌ দূর্‌ গুরি দিবাত্তে তে নঅ-চায়।

নহিমিয় 9:17

তারা বাধ্য থেবাত্তে অস্বীগের্‌ গোজ্যন্‌, আর যেদক্কানি আমক্‌ অবার্‌ কাম্‌ তুই তারার্‌ ভিদিরে গোজ্যস্‌ সিয়েনিয়ো তারা মনত্‌ ন-রাগান্‌। তারা একগেয়েমি গুরিনে আরঅ চাগর্‌ কাদিবাত্তে মিসরত্‌ ফিরি যেবাত্তে এক্কো নেতারে নেযেয়োন। মাত্তর্‌ তুই ক্ষমাশীল গোজেন, দোয়্যেবান আর মেয়্যের্‌ ভরা; তুই সহজে বেজার্‌ ন-অস্‌ আর তর্‌ কোচ্‌পানা শেজ্‌ ন-ওইয়্যে। সেনত্তেই তুই তারারে ছাড়ি ন-যাজ্‌।

নহিমিয় 9:31

মাত্তর্‌ তর্‌ অমকদ দোয়্যের্‌ কারনে তুই তারারে শেজ্‌ গুরি ন-দুয়োচ্‌ বা ছাড়ি ন-যাজ্‌, কিত্যে তুই দোয়্যে-মেয়্যেবলা গোজেন্‌।

গীতসংহিতা 103:13

পুয়ো-ছাগুনো উগুরে বাব্‌পোর যেত্তমান্ মেয়্যে আঘে সেধোক্ক্যেন্ তা ভক্তগুনো উগুরে তার মেয়্যে আঘে।

গীতসংহিতা 89:33

মাত্তর্ মর্ অমকদ কোচ্‌পানা মুই তা উগুরেত্তুন তুলি ন-নেযেম; মঅ বিশ্বেজ্‌ছান মিজে অবাত্তে ন-দিম।

গীতসংহিতা 94:14

লগেপ্রভু কনদিন্‌অ তা মানুচ্চুনোরে ন-ছাড়িবো; যিগুনে তার নিজোর সোম্বোত্তি তারারে তে ফেলেই ন-দিবো।

যিরমিয় 14:21

তঅ সুনাঙান রোক্ষ্যে গুরিবাত্তে তুই আমান্দিত্তুন মুয়োন ফিরেই ন-নেযেচ্; তর্ বাঈনী গুরিবার সিংহাসনর জাগায়ানরে অসন্মান অবাত্তে ন-দিচ্। আমাত্তে তর্ থিদেবর্ গোজ্যে সুদোমর কধানি ইদোত্ তুল্; তুই সিয়েনি বাদ ন-দিচ্।

যিরমিয় 24:5

মুই ইস্রায়েলর গোজেন লগেপ্রভু কঙর্, যিহূদাত্তুন যে বন্দীগুনোরে মুই ইত্তুন বাবিলীয়গুনোর দেজত্ পাদেয়োং তারারে মুই এই গম্ ডোমোর ধোক্ক্যেন মনে গুরিম।

যিরমিয় 30:11

মুই তঅ সমারে সমারে আগং আর মুই তরে উদ্ধোর গুরিম। যিদুক্কুন জাদ ভিদিরে মুই তমারে ছিদি রাগেয়োং মুই তারারে পুরোপুরি গুরিনে ভস্ত গুরিম, মাত্তর্ তমারে মুই পুরোপুরি গুরিনে ভস্ত ন-গুরিম। তো এক্কুবারে সাজা ন-দিলেয়ো মুই তমারে ন-ছাড়িম, মাত্তর্ ন্যায়বিচেরলোই মুই তমারে শাজন্ গুরিম।”

যিরমিয় 31:20

ইফ্রয়িম কি মর্ কোচ্‌পানার পুয়ো নয়? তে কি সেই পুয়োবো নয় যিবেরে দেগিনে মুই হুজি অং? যুনিয়ো মুই প্রায়ই তা বিরুদ্ধে কধা কোইয়োং মাত্তর্ তো মুই তারে নিত্য ইদোত্ রাগাং। সেনত্তে মঅ পরাণান তাত্তে কানের্; তাত্তে মর্ অমকদ মেয়্যে অয়। ‍‍

যিরমিয় 33:26

সেবাবোত্যে যাকোব আর মর্ চাগর দায়ূদোর বংশধরুনোত্তে মর্ সুদোমান ঠিগ্ থেবঅ আর অব্রাহাম, ইস্‌হাক আর যাকোবর বংশধরুনো উগুরে রাজাগিরি গুরিবাত্তে মুই দায়ূদোর বংশধরুনোরে এলাফেলা ন-গুরিম। মুই হামাক্কায় তারার অবস্থাগান ফিরেম আর তারা উগুরে মেয়্যে গুরিম।”

যিহিষ্কেল 16:60

তো তর্ কম বয়জত্ তত্তে মুই যে সুদোমান থিদেবর্ গোজ্যং সিয়েন মুই মনে গুরিম আর তত্তেই এক্কান উমরর্ সুদোম থিদেবর্ গুরিম।

লেবীয় 26:11

মুই তমান্দিত্তুন্‌ মর্‌ মুয়োন ন-ফিরেম্‌। তমা ভিদিরেই মুই মর্‌ বজত্তির্‌ জাগায়ান্‌ গুরিম।

রোমীয় 11:2

গোজেনে তার্ যে মানুচ্চুনোরে আগেত্তুন্ ধুরি বেঈ লোইয়্যে তারারে এলাফেলা ন-গরে। ভাববাদী এলিয় পৌইদ্যেনে পবিত্র বোইবো কি কয় সিয়েন্ কি তুমি কোই ন-পারঅ? তে ইস্রায়েলীয়গুনো বিরুদ্ধে গোজেন ইধু কোইয়্যেদে,

রোমীয় 11:26

আর এবাবোত্যেগুরি গোদা ইস্রায়েল জাদ্‌তো উদ্ধোর্ পেবঅ। পবিত্র বোইবোত্ লেঘা আঘে, সিয়োনত্তুন্ উদ্ধোর্ গুরিয়্যেবো এবঅ; তে যাকোব গুট্টির্ মানুচ্চুনো ভিদিরেত্তুন্ মঅ উগুরে ভোক্তি নেইয়্যেগান্ দূর্ গুরিবো।

বিচের গুরিয়্যেগুন 2:1

লগেপ্রভুর দূত্তো গিল্‌গলত্তুন বোখীমোত্‌ এইনে ইস্রায়েলীয়গুনোরে কলঅ‌, “মুই মিশর দেজত্তুন্ তমারে নিগিলেই আন্যং আর যে দেজ্‌চান দিবার শমক্‌ মুই তমার্‌ পূরোণি বুড়োবুড়িগুনো ইদু গোজ্যং সে দেজত্‌ তমারে আন্যং। মুই কোইয়োং, ‘তমাত্তেই মর্‌ থিদেবর্ গোজ্যে সুদোমান্‌ মুই কনদিনঅ ন-ভাঙিম্‌।