লেবীয় 26:40 - Chakma Bible

^40-41 “মঅ উগুরে অবিশ্বেজর্‌ আর বিপক্কত্তে মুই তারার্‌ বিপক্ষে যেইনে শত্রুগুনোর্‌ দেজত্‌ তারারে নেযেম্‌। মাত্তর্‌ সিয়েনত্‌ যুনি তারা নিজোর আর তারার্‌ আগমানুচ্চুনোর সেই বেক্‌ দুষ্‌চানি কাম্‌ খান আর তারার অবাধ্য মনান্‌ নরম গরে আরঅ তারার্‌ দুজোর্‌ সাজা মানন্‌,

লেবীয় 26:40 Iomraidhean Croise

১ রাজাবলী 8:47

সেক্কে বন্দী ওইয়্যে সে দেজত্‌ যুনি তারা মনানি ফিরান্‌ আর নিজো দুষছান বুজিনে তরে কোজোলি গুরি কন্‌, আমি পাপ গোজ্যেই, অন্যেই গোজ্যেই আর ভাজন্যেই পধন্দি আদির্‌, সেক্কে তুই তারার্‌ তবনাগান শুনিচ্‌।

১ রাজাবলী 8:48

সে দেজত্‌ যুনি তারা মনে-পরাণে তইন্দি ফিরোন্‌ আর তারার্‌ পূরোণিমানুচ্চুনোরে যে দেজ্‌ছান তুই দুয়োচ্‌ সে দেজন্দি, তর্‌ বেই লোইয়্যে শঅরর্‌ ইন্দি, তত্তেই মর্‌ বানেয়্যে এ ঘরন্দি ফিরিনে তইদু তবনা গরন,

ইষ্রা 10:11

ইক্কিন তুমি তমার্ পূরোণি মানুচ্চুনোর গোজেন লগেপ্রভু ইধু পাপ স্বীগের গুরিনে তার্ আওজ্ মজিম কাম গরঅ। তমা দেজত্ বজত্তিগুরিয়্যে মানুচ্চুনোর আর অন্য জাদর্ মিলেগুনোত্তুন্ নিজোরে যুদো গরঅ।”

ইষ্রা 9:15

ও ইস্রায়েলর গোজেন লগেপ্রভু, তুই ন্যায়বলা। আমি এচ্চ্যে সং কিজু মানুচ্ বাঁজি আগিই। তঅ মুজুঙোত্ আমি বেক্কুনে পাপী, আর সেনত্যে আমাত্তুন্ কেয়ই তঅ মুজুঙোত্ থিয়্যেবার্ যগাজ্যে নয়।”

ইষ্রা 9:6

ও মর্ গোজেন, তইন্দি মর্ মুয়োন তুলোদে ভারী লাজাঙর্, কিত্যে আমা পাপ্পানি আমা মাঢা উগুরে উঠ্যেগোই আর আমা ‍দুষ্‌‌চানি আগাজত্ লুম্মেগোই।

গীতসংহিতা 32:5

সেক্কেনে মঅ পাপ্পান্ মুই তইদু স্বীগের্ গুরিলুং, মঅ অন্যেয়ান্ মুই আর্ ঢাগি ন-রাগেলুং। মুই কোইয়োংগে, “মর্ উল্লোমির কধা মুই লগেপ্রভু ইদু স্বীগের্ গুরিম।” সেনত্তে পাপর্ কারনে মঅ দুষ্‌ছানি তুই খেমা গুরি দিলে।

গম্ উপদেজ্ 28:13

যে মানুচ্চো নিজোর পাপ গুমুরোত্ রাগায় তার ভালেদি ন-অয়, মাত্তর্ যে সিয়েনি স্বিগের্ গুরিনে ছাড়ি দে তে দোয়্যে পায়।

যিরমিয় 14:20

ও লগেপ্রভু, আমি আমার পাজিগানি আর আমা পুরোণি মানুচ্চুনোর দুষোর্ কধানি স্বিগের্ গুরির্; আমি ঘেচ্চেকগুরি তঅ বিরুদ্ধে পাপ গোজ্যেই।

আবিলেচ্ 1:20

ও লগেপ্রভু, চাহ্, মুই কেধোক্ক্যেন দুঘ্ পাঙর্! মঅ ভিদিরেয়ো যন্ত্রণা অর্। মঅ মনান্ যাগুলুগ্ ওইয়্যে, কিত্যে মুই অমকদ উল্লোমী ওইয়োং। শঅর বারেদি তলোয়ারানিয়ে পরাণানিরে নেযার্, আর ভিদিরে আগেদে বানা মরণান্।

যিহিষ্কেল 14:23

তারার্ খাচ্চ্যত্ আর কামানি দেগিনে তুমি সান্তনা পেবা আর বুঝি পারিবা যে, এনেবাদে মুই কিচ্চু ন-গরং। মুই প্রভু লগেপ্রভু এ কধাগান কঙর্।”

যিহিষ্কেল 36:31

সেক্কে তমার্ ভান্ন্যেই আচার-বেবহার আর বজং কামানির্ কধা তমাত্তুন্ ইদোত্ উদিবো আর নিজোর্ পাপ আর জঘন্য কামানিত্তে নিজে নিজোরে ঈচ্ গুরিবা।

হোশেয় 5:15

যেদক্ বিলোন্ সং তারা তারার্ দুষচানি স্বীগের্ ন-গরন আর মঅ ইন্দি মনযোগ ন-দুয়োন সেদক্ বিলোন্ সং মুই মর্ নিজো জাগাত্ ফিরি যেইনে সিয়েনত্ থেইম। তারার্ দুঘোত্ তারা আওজ্ গুরিনে মইধু ফিরি এবাক্।”

লেবীয় 26:21

তমার মনত্‌ যুনি মঅ উগুরে শত্রুতাভাব থায়্‌ আর যুনি তুমি মর্‌ কধালোই কান দিবাত্তে ন-চঅ‌ সালে তমার্‌ পাপর্‌ সাজা মুই সাতগুন্‌ বাড়েই দিম।

লেবীয় 26:24

সালে মুই নিজে তমার্‌ শত্রু ওইনে তমার্‌ পাপর্‌ সাতগুন্‌ সাজা দিম।

লেবীয় 5:5

এদক্কানি অন্যেয়র্‌ কনঅ এক্কান্‌ যুনি কনজনে গুরিনে দুষি অন্‌ ছালে যে অন্যেয়্‌ তে গোজ্যে সিয়েন্‌ তাত্তুন্‌ কাম্‌-খা পুরিবো।

গণাণা 5:7

তে যে পাপ্‌ গোজ্যে সিয়েন্‌ তাত্তুন্‌ স্বীগের্ গরা পুরিবো। তে যিয়েন উগুরে অন্যেয় গোজ্যে তাত্তুন সিয়েনর অন্যেয়র্‌ পুরো ক্ষেতিপূরোণান্‌ দিয়া পুরিবো। যে জিনিসচান পৌইদ্যেনে তে অন্যেয় গোজ্যে সেই জিনিসচানর দামান সমারে আরঅ পাঁচ ভাগর্‌ একভাগ দাম বেশ্‌ গুরিনে তাত্তুন্‌ দিয়া পুরিবো।

যিহোশূয় 22:15

তারা গিলিয়দত্‌ রূবেণ আর গাদ-গুট্টির মানুচ্চুনোরে আর মনঃশি-গুট্টির অদ্দেক্‌ মান্‌জ্য ইদু যেইনে কলাক্‌,

যিহোশূয় 7:19

যিহোশূয় সেক্কে আখনরে কলঅ, “বাবা, সত্য কধা কোইনে ইস্রায়েলীয়গুনোর গোজেন লগেপ্রভুরে বাঈনী গর্‌, তার বাঈনী গর্‌; তুই যিয়েনি গোজ্যচ্‌ সিয়েনি মরে কঅ‌, ন-লুগেজ্।”