লেবীয় 26:3 - Chakma Bible

^3-4 যুনি তুমি মর্‌ বেক্‌ সুদোমানি মান আর মর্‌ উগুমানি পালেইনে চলঅ সালে ঠিগ্ সময়োত্‌ মুই ঝড়র্‌ বেবস্থা গুরিম। সেক্কে তমার ভূইয়ানিত্‌ বেক্‌ ফসলানি অবঅ আর গাজ-বাজর্‌অ ফল জোর্মেবাক।

লেবীয় 26:3 Iomraidhean Croise

নহিমিয় 1:9

মাত্তর্‌ তুমি মইদু ফিরি এলে আর মঅ উগুমানি পালন গুরিনে সে মজিম্‌ কাম্‌ গুরিলে, তমার্‌ বন্দীদজাত্‌ থেইয়্যে মানুচ্চুনে যুনি আগাজর্‌ থুম্ দুযিত্‌অ থান্‌ সালে মুই তারারে সিয়োত্তুন্‌ তোগেইনে মর্‌ থেবার ঘর ইজেবে যে জাগায়ান্‌ বেঈ নেযেয়োং সিদু তারারে নেযেম্‌।

যাত্রা 23:25

তুমি বানা তমার্‌ গোজেন লগেপ্রভুর, অত্তাত্‌ মরে সেবা গুরিবা। সেক্কে তমার হানা আর পানি উগুরে মর্‌ আশিদ্‌বাদ থেবঅ‌ আর মুয়ই তমার্‌ বেক্‌ অসুখ-বিসুখ্‌কানি দূর্ গুরি দিম্‌।

যিশাইয় 1:19

যুনি তুমি বাধ্য অবাত্তে রাজি অ সালে দেজর্ বেগত্তুন্ গম্ খেত্-খেত্তি তুমি হেই পেবা,

যিশাইয় 30:23

তে তমারে ঝড়্ দিবো যেনে তুমি মাদিত্ বীজ্ ফেলেই পার আর ভূইয়োত্তুন্ যে খেত্-খেত্তিগানি এবঅ সিয়েনি গম্ আর তেল্‌তেল্যে অয়। সেদিন্যে তমার্ য়েমান পালুনো বোউত্ দাঙর্ দাঙর্ মাদত্ চড়িবাক্। ‍‌

যিরমিয় 11:4

যেক্কেনে মুই তমা পুরোণি মানুচ্চুনোরে মিসরত্তুন, লুয়ো গোলেয়্যে চুলোত্তুন্ নিগিলেই আন্যং সেক্কেনে মুই ইয়েন কোইনে তারারে উগুম দুয়োং, ‘তুমি মঅ কধাগান শুনো আর মুই যিয়েনি গুরিবাত্যে উগুম গোজ্জ্যং সিয়েনি গর, সালে তুমি মঅ মানুচ্ অবা আর মুই তমার গোজেন ওম্।

লেবীয় 19:25

পাঁচ বজরত্তুন্‌ ধুরি তুমি সে গাজর্‌ ফলুন্ হেই পারিবা। সেক্কে তমার গাজ্‌চুনোত্‌ ভালোক্কুন্‌ ফল্ অবাক্‌। মুই লগেপ্রভু তমার গোজেন।

সখরিয় 8:12

ইক্কিনে বীজিত্তুন্ গাজ্ গমেডালে বাড়ি উদিবো, আংগুরো লুদিত্ ফল ধুরিবাক্, মাদিত্ খেত্-খেত্তি জোর্মেবাক্ আর আগাজত্তুন্ শিরোপানি পুরিবো। এই জাদর্ বাঁজি থেইয়্যে মানুচ্চুনে মর্ দিয়্যে অধিকার ইজেবে ইয়েনি বেক্কানি পেবাক্।

মালাখি 3:10

তুমি তমার্ বেক দশমাংশগুন্ ভান্ডাল-ঘরত্ আনিবা যেনে মঅ ঘরত্ হানা থায়। এ পৌইদ্যেনে তুমি মরে পোরোক্ষ্যে গুরি চঅ, মুই বেগত্তুন্ খেমতাবলা লগেপ্রভু আগাজর্ বেক দোরানি খুলিনে তমার্ দরকারত্তুন্অ বেশ্ আশিদ্‌বাদ ঢালি দৈং কি ন-দৈং।‌‌‌

দ্বি’লম্বর বিররণ 7:12

যুনি তুমি এ বেক্‌ সুদোমর ইন্দি মনান্‌ দুয়ো আর সিয়েনি যত্তন্‌ গুরিনে পালঅ, সালে তমার গোজেন লগেপ্রভু তমা পুরোণি মানুচ্চুনো ইদু যে শমক্‌ গোজ্যে সেই মজিম তমাত্তে তে যে সুদোমানি থিদেবর্ গোজ্যে সিয়েনি তে রোক্ষ্যে গুরিবো আর তমা উগুরে অমকদ কোচ্‌পানা দেগেব।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।