লেবীয় 26:22 - Chakma Bible

²² মুই তমা ইধু চিৎ নপুজ্যে য়েমান পাধেই দিম। সিগুনে তমার ঝি-পূঅগুনোরে হেই ফেলেবাক্, তমারে য়েমানপালুনে শেজ্ গুরিবাক আর তমার মান্‌জ্যর সোংখ্যে কোমেই দিবাক। সেক্কে তমার পথ্‌তানি খালি পড়ি থেবঅ।

লেবীয় 26:22 Iomraidhean Croise

২ রাজাবলী 17:25

সিদু বজত্তি গুরিবার্‌ পোল্যেন্দি তারা লগেপ্রভুর উবোসনা ন-গুরিদাক্‌, সেনত্তে তে তারা ভিদিরে সিংহ পাধেই দিলো। সিগুনে তারাত্তুন কয়েক্কো মান্‌জ্যরে মারে ফেলেল।

২ রাজাবলী 2:24

ইলীশায় ঘুরিনে তারার্‌ ইন্দি চেলঅ আর লগেপ্রভুর নাঙে তারারে অভিশাব্‌ দিলো। সেক্কে ঝারত্তুন্‌ দ্বিবে ভালুক্‌ নিগিলি এইনে তারাত্তুন্‌ বিয়াল্লিশজন পুয়োরে কট্টা কট্টা গুরি ফেলেল।

২ বংশধর 15:5

সে দিনুনোত্‌ কনঅ জাগাত্‌ যানা-এযানা গরানা নিরাপদ ন-এলঅ, কিত্তে পুরো চাগালার্‌ মানুচ্চুনে সেক্কে খুব্‌ অশান্ত অবস্থায় এলাক্‌।

যিশাইয় 24:6

সেনত্তে এক্কান অভিশাবে পিত্‌‌‌থিমীগানরে গিলিবো; তা মানুচ্চুনে দুষি অবাক্। সেনত্তে পিত্‌থিমীর আদাম্মেগুনোরে পুড়ি ফেলা অবঅ আর খুব কম মানুচ্ বাঁজি থেবাক্।‌

যিশাইয় 33:8

রাজপথ্‌তানি খালি, কনঅ মান্‌জ্যে পথ্‌তান ইন্দি ন-যাদন্। চুক্তিবো ভাঙি যেইয়্যে; শঅরানিরে কনঅ দাম দিয়্যে ন-যার্ আর কাররে সর্মান গরা ন-অর্।

যিরমিয় 15:3

লগেপ্রভু কোইয়্যেদে, মুই তারা বিরুদ্ধে চের্ বাবোত্যে ভস্তগুরিয়্যেরে পাধেই দিম। সিয়েনি অলঅ, মারে ফেলেবাত্তে তলোয়ার, টানি লোই যেবাত্তে কুগুর, হেই ফেলেবাত্তে আর ভস্ত গুরিবাত্তে আগাজর্ পেগ আর ঝার য়েমান।

আবিলেচ্ 1:4

সিয়োনর পথ্‌‌তানিয়ে আবিলেচ্ গরের্, কিত্তে ঠিগ্ গোজ্যে পরবত্ কনজন আর ন-এজন্। তার বেক্ গেট্‌‌তুনোত্ সোমেবার পথ্‌তান খালি। তার ধর্মগুরুগুনে বুগ্ চাবারাদন, গাবুজ্যে মিলেগুনে দুঘ্ পাদন, সেক্কে তে মনত্ অমকদ দুঘ্ পার্।

যিহিষ্কেল 14:15

ধর, মুই সেই দেজত্ ঝার্‌বো য়েমান পাধেই দিলুং আর তারা দেজচানরে মানুচ্ নেইয়্যে গুরিলাক্। সেক্কে সিয়েন এমন দর্‍গরেপারা অলদে যে, য়েমান দরে সিয়েন ভিদিরেদি কনজনে যানা-এযানা গুরি ন-পারিলাক্।

যিহিষ্কেল 14:21

“ইক্কিনে মুই প্রভু লগেপ্রভু কঙর্, মুই যেক্কে যিরূশালেমর মানুচ্ আর এ্যামানুন মারে ফেলেবাত্তে সিয়েন বিরুদ্ধে যুদ্ধো, ভাদরাত্, ঝার্‌বো য়েমান আর ভানা-এ চেরান্ দর্‌গরেপারা সাজা পাদেম্ সেক্কে কত্তমান না ভান্ন্যেই অবঅ!

যিহিষ্কেল 33:28

মুই ইস্রায়েল দেজ্‌‌চানরে এক্কান মানুচ্ নেইয়্যে পড়ি থেইয়্যে জাগা বানেম্; তার খেমতার বাহাদুরি শেজ্ ওই যেবঅ আর তার মুড়োমুড়িগুন এমনভাবে খালি ওই পড়ি থেবঅ যে, সিয়েনদি কনজনে যানা-এযানা ন-গুরিবাক্।

যিহিষ্কেল 5:17

তঅ বিরুদ্ধে মুই ভাদরাদ্ আর চিৎনপুজ্যে য়েমান পাধেই দিম্; তারা তরে পুয়ো-ছা নেইয়্যে গুরিবাক্। ভানা আর লো ঝরানা তঅ মাধ্যমে যেবঅ আর মুই তঅ বিরুদ্ধে যুদ্ধো আনিম। মুই লগেপ্রভু এ কধাগান কলুং।”

লেবীয় 26:6

দেজত্‌ সেক্কে মুই সুখ্‌ দিম। তুমিয়ো সুগে-শান্দিয়্যে ঘুমেবা; কারত্তুন্‌ কনঅ দোরেবার্‌ কারন তমার্‌ ন-থেবঅ। মুই দেজত্তুন্‌ চিৎ নপুজ্যে য়েমানুন্ ধাবেই দিম্‌। কনঅ সৈন্য-সামন্ত তমার দেজ্‌চানরে আক্রমণ গুরিবাত্তে ন-এবাক্।

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

সখরিয় 7:14

মুই নচিন্যে জাদ ভিদিরে তারারে ছিদিই দুয়োং। ইয়েনর্ পরেদি তারা দেজ্‌‌চান এমন মানুচ্ নেইয়্যে ওই পোজ্যন, সিয়েনত্ কনজনে যানা-এযানা ন-গুরিদাক্। এবাবোত্যেগুরি তারা সেই দোল্ দেজ্‌‌চানরে মানুচ্ নেইয়্যে গোজ্যন্।”

দ্বি’লম্বর বিররণ 32:24

মুই তারা উগুরে কিয়্যেগান্ ক্ষয় গরেদে ভানা ধোক্ক্যেন, ভস্ত গুরিয়্যে ভানা আর দুঘে ভরা পিড়ে পাধেই দিম্‌। তারা উগুরে মুই ঝাড়্‌বো দাত্‌বলা য়েমান আর বুক্কোই ভর্‌ দিইনে যান্দে বিষবলা সাপ পাধেই দিম্‌।

বিচের গুরিয়্যেগুন 5:6

অনাতর পূঅ শম্‌গর আর যায়েলর সময়োত্‌ উজু পথ্‌তান্‌ বাদ দিইনে আদিয়্যেগুনে ঘুরেইয়্যে পদেন্দি আদিদাক্‌।