লেবীয় 26:19 - Chakma Bible

¹⁹ মুই তমার্‌ বলর্‌ বাহাদুরি ভাঙি দিম। মুই তমার্‌ মাদা উগুরে আগাচ্চান্‌ লুয়ো ধোক্ক্যেন আর টেঙর্‌ তলে মাটিগান্‌ পিদল ধোক্ক্যেন দরঅ গুরি দিম।

লেবীয় 26:19 Iomraidhean Croise

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

১ রাজাবলী 8:35

তর্‌ বিরুদ্ধে তর্‌ মানুচ্চুনে পাপ গরানার কারনে যেক্কে আগাজ্‌চান্ বন্দ ওইনে ঝড় ন-পুরিবো, সেক্কে তারা যুনি এ জাগানর ইন্দি ফিরিনে তর্‌ বাঈনী গরন্‌ আর তইদু তবনা গরে আর তত্তুন্‌ দুখ্‌ পেইনে পাপত্তুন্‌ ফিরে,

যিশাইয় 2:12

বেগত্তুন্ খেমতাবলা লগেপ্রভু অহংকারী আহ্ বাড়্‌বো গোজ্যে মানুচ্চুনোরে আর যিগুনে গম্ পোজিশনত্ আগন্ বেক্কুনোত্তে এক্কো দিন ঠিগ্ গোজ্যে; সেদিন্যে তারারে বেক্কুনোরে তলে ফেলা অবঅ।

যিশাইয় 25:11

সাজুরিয়্যেবো যেধোক্ক্যেন আঢ্‌‌তানি বাবেইনে পানিত্ সাজুরে সেধোক্ক্যেন্ গুরি তারা গবর ভিদিরে আঢ্ বাবেবাক্। তারার আঢ্ বাবানার চেট্ট্যাগান মিজে অবঅ; গোজেনে তারার বাড়্‌বো গরানাগানি ভাঙি দিবো।‌

যিশাইয় 26:5

যিগুনে অজলত্ বজত্তি গরন্ তারারে তে তলে লামায়; সে অজল্ শঅরানরে তে ভস্ত গুরিনে তলে গরে। তে সিয়েন মাদিত্, এমন্ কি, ধূল্যেত্ মিজেই দে।

যিশাইয় 28:1

হায়, ইফ্রয়িমর্ মাত্তলে ধোজ্যেগুনোর মুকুটো ধোক্ক্যেন্ শঅরান্, যিয়েন্দোই তারা বাড়্‌বো গরন্! হায়, ইফ্রয়িমর্ বাঈনী গোজ্যে দোল্ সেই শুগেই যেইয়্যে মালাবো, যিবে এক্কো বোল্‌‌বোল্যে কলগ মাঢা উগুরে আঘে! আংগুর-রসে সেই কলগর্ মানুচ্চুনোরে হেই ফেল্যে।

যিরমিয় 13:9

মুই লগেপ্রভু এ কধাগান কঙর্, এবাবোত্যেগুরি মুই যিহূদার বাড়্‌বো গরানা আর যিরূশালেমর অমকদ বাড়্‌বো গরানাগান্ ভস্ত গুরি দিম।

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যিহিষ্কেল 30:6

মিসরর কায়কুরে দেজর্ মানুচ্চুনে ভস্ত ওই যেবাক্ আর তার খেমতার ভাড়ান্অ শেজ্ অবঅ। মিগ্‌দোলত্তুন্ সিবেনী সং মানুচ্চুনে যুদ্ধোত্ মুরিবাক্। মুই প্রভু লগেপ্রভু এ কধাগান কঙর্।

যিহিষ্কেল 33:28

মুই ইস্রায়েল দেজ্‌‌চানরে এক্কান মানুচ্ নেইয়্যে পড়ি থেইয়্যে জাগা বানেম্; তার খেমতার বাহাদুরি শেজ্ ওই যেবঅ আর তার মুড়োমুড়িগুন এমনভাবে খালি ওই পড়ি থেবঅ যে, সিয়েনদি কনজনে যানা-এযানা ন-গুরিবাক্।

যিহিষ্কেল 7:24

তারার্ ঘরানি গজক্ গুরিবাত্তে মুই জাদ্‌‌তুনো ভিদিরেত্তুন্ বেগত্তুন্ পাজি জাদ্‌‌তোরে আনিম। মুই খেমতাবলাগুনোর বাড়্‌বোগানি ভাঙি দিম্, আর তারার্ সুদ্ধো-সাংগ জাগায়ানি অসিজি গুরিম।

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

সফনিয় 3:11

তুই মঅ উগুরে যেদক্কানি অন্যেয় গোজ্যস্ সিয়েনত্তে তুই সেদিন্যে লাজত্ ন-পড়িবে, কিত্যে এ শঅরানত্তুন্ মুই বেক্ অহংকারী আর বাড়্‌‌বো গোজ্যে মানুচ্চুনোরে নিগিলেই দিম্। মর্ সুদ্ধো-সাংগ মুড়োবো উগুরে তুই আর কনদিন্‌অ বাড়্‌বো ন-গুরিবে।

লূকে লেখ্যে গম্ হবর্ 4:25

এ কধাগান সত্য যে, এলিয় সময়োত্ যেক্কে সাড়ে তিন বজর্ ঝড় ন-অয় আর বেক্ দেজ ইধু ভাদ-রাট্ ওইয়্যে সেক্কে ইস্রায়েল দেজত্ ভালোক্কুন্ রানি মিলে এলাক্।

দ্বি’লম্বর বিররণ 11:17

সেক্কে তমা উগুরে লগেপ্রভুর রাগর্‌ আগুনান জুলি উদিবো আর তে আগাজর্‌ দোরান বন্ধ গুরি দিবো, যিয়েনর্‌ কারনে ঝড়্অ ন-অবঅ আর ভূইয়োত্‌ ক্ষেত ক্ষেত্তিয়ো ন-অবঅ। যে দোল্‌ দেজ্‌ছান লগেপ্রভু তমারে দের্‌ সিয়েনত্তুন্‌ তুমি কম্‌ সময়োর্‌ ভিদিরে শেজ্ ওই যেবা।

দ্বি’লম্বর বিররণ 28:23

তমার মাদাগুনো উগুরে আগাজ্‌ছান অবদে পিদোল ধোক্ক্যেন দরঅ, আর টেঙর্‌ তলেন্দি মাদিগান অবদে লুয়ো ধোক্ক্যেন দরঅ।

১ শমূয়েল 4:11

গোজেনর সাক্ষ্য-সুন্দুক্কো শত্রুগুনে নেযেলাক্। এলির দ্বিবে পূঅ হফ্‌নি আর পীনহসে মারা পড়িলাক্।

১ শমূয়েল 4:3

ইস্রায়েলীয় সৈন্যগুনে তারার তাম্বুলোত্ ফিরি যানার পরেন্দি তারার বুড়ো নেতাগুনে কলাক্, “পলেষ্টীয়গুনো ইদু কিত্তে লগেপ্রভু এচ্চ্যে আমারে ওদেই দিলো? আদঅ, আমি লগেপ্রভুর সাক্ষ্য-সুন্দুক্কো শীলোত্তুন্ লোই আনিই যেনে লগেপ্রভু আমা লগে থেইনে শত্রুগুনোর আঢত্তুন্ আমারে রোক্ষ্যে গরে।”