লেবীয় 26:17 - Chakma Bible

¹⁷ মুই তমান্দিত্তুন্‌ মুয়োন ফিরেই নেযেম্‌ আর তুমি তমার শত্রুগুনো ইদু উদি যেবা। তমারে ঈচ্ গরন্দেগুনে তমারে শাজন গুরিবাক্ আর কনজনে তমারে ন-লোড়েলেয়ো তুমি ধেই যেবা।

লেবীয় 26:17 Iomraidhean Croise

পত্থম 4:12

তুই যেক্কে ভূইয়ো চাষ গুরিবে সেক্কে সিয়েনে আর তরে সেধোক্ক্যেন খেত-খেত্তি ন-দিবো। তুই পোল্ল্যেই পোল্ল্যেই পিত্‌থিমীয়ানত্‌ ঘুরি বেড়েবে।”

১ রাজাবলী 8:33

তর্‌ বিরুদ্ধে পাপ গরানার কারনে যেক্কে তর্‌ মানুচ্‌ ইস্রায়েলীয়গুনে শত্রুগুনো ইদু উদি যেইনে আরঅ তইদু ফিরি এবাক্‌ আর এ তবনা-ঘরত্‌ তর্‌ বাঈনী গুরিনে তইদু তবনা আহ্‌ কোজোলি গুরিবাক্,

২ রাজাবলী 13:3

সেনত্তে ইস্রায়েল বিরুদ্ধে লগেপ্রভুর রাগ্‌কান্‌ জুলি উদিলো; আর তে অরামর রাজা হসায়েল আর তা পুয়ো বিন্‌হদদ আঢত্‌ বার্‌ বার্‌ তারারে তুলি দিলো।

২ রাজাবলী 13:7

পঞ্চাশজন ঘোড়া সৈন্য, দশছান্‌ রথ আর দশ আজার আত্যের্‌বলা সৈন্য বাদে যিহোয়াহসর সৈন্যদলত্‌ আর কনজনে ন-এলাক্‌, কিত্তে অরামর রাজা বাদবাগি বেক্কুনোরে ভস্ত গুরি দিলো। তে তারারে মাদি ধোক্ক্যেন টেঙোই উজ্যে।

গীতসংহিতা 44:10

শত্রুগুনোর মুজুঙোত্তুন তুই আমারে পিজেন্দি এবাত্তে বাধ্য গোজ্যস্; আমা বিপক্ষগুনে আমারে লুদেয়োন্।

গীতসংহিতা 53:5

তর্ আক্রমণগুরিয়্যে গুনোর আড়্‌‌গড়াগুন তে সোড়েই রাগেয়্যে; আগে তারার দর্-ভর্ ন-এলঅ, তো তারা ইক্কিনে অমকদ দোরেলাক্; গোজেনে তারারে বাদ দিয়্যে, সেনত্তেই তুই তারারে লাজত্ ফেলেয়োচ্।

গীতসংহিতা 53:6

ইস্রায়েলীয়গুনোর উদ্ধোর সিয়োনর ভিদিরেত্তুন্ এজোক্। গোজেনে যেক্কে তা মানুচ্চুনোর অবস্থা ফিরেব সেক্কেনে যাকোবর বংশগুনে ফুত্তি গুরিবাক্- ইস্রায়েলীয়গুনে হুজি অবাক্।

গম্ উপদেজ্ 28:1

কনজনে ন-লোড়েলেয়ো পাজি মান্‌‌জ্যে ধেই যান, মাত্তর্ গোজেন ভক্ত মান্‌‌জ্যে সিংহ ধোক্ক্যেন্ ন-দোরেয়্যেগুরি বজত্তি গরে।

যিশাইয় 30:17

একজন দরে তমাত্তুন্ আজার্ জন ধেই যেবাক্ আর পাচজন দরে তুমি বেক্কুনে ধেই যেবা; সেক্কে তমা সৈন্যদলত্ মুড়োবো উগুরে বাবতা খুদোবো বাদে আর কিচ্ছু ন-থেবঅ।

যিশাইয় 63:10

তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

যিরমিয় 19:7

এ জাগায়ানত্ মুই যিহূদা আর যিরূশালেমর মানুচ্চুনোর পরিকল্পনাগান বর্‌বাত গুরিম। যিগুনে তারার পরাণান নিবাত্তে চান তারার সেই শত্রুগুনোরে দিইনে যুদ্ধোর ভিদিরে মুই তারারে মারে ফেলেম আর তারার মরাকিয়্যেগানি আগাজর্ পেগ্‌‌‌‌কুনে আর ঝার য়েমানুনোর হানা ইজেবে দিম।‌

যিরমিয় 44:11

“সেনত্তে মুই ইস্রায়েলর গোজেন বেগত্তুন খেমতাবলা লগেপ্রভু ঠিগ্ গোজ্যংগে, তমা উগুরে দজা আনিনে বেক্ যিহূদাগানরে মুই ভস্ত গুরিম।

আবিলেচ্ 1:5

তার বিপক্ষগুনে তার গিরোজ্ ওইয়োন; তার শত্রুগুনে আরামে আগন্। তার ভালোক্কানি পাপত্তে লগেপ্রভু তারে দুঘ্ দিয়্যে। তার চিগোন চিগোন ঝি-পুয়োগুনে বন্দী ওইনে শত্রুগুনোর আগে আগে যেইয়োন্।

আবিলেচ্ 2:4

শত্রু ধোক্ক্যেন্‌গুরি তে তার্ ধনুগান টান্যে, তার্ খেমতাবলা আঢ্‌তানি ঠিগ্ গোজ্যে। যিগুনোরে দেগিনে তারা হুজি অদাক্ তারারে তে মারে ফেলেয়্যে। সিয়োন-ঝিবোর্ তাম্বুলো ভিদিরে তে আগুনো ধোক্ক্যেন্‌গুরি তা রাগ্‌কান ঢালি দিয়্যে।

যিহিষ্কেল 15:7

মুই তারা বিরুদ্ধে যেম্। আগুনোত্তুন্ তারা নিগিলি এলেয়ো আগুনানে তারারে পুড়ি ফেলেব। মুই যেক্কে তারা বিরুদ্ধে যেম্ সেক্কে তুমি হবর্ পেবা যে, মুয়ই লগেপ্রভু।

লেবীয় 17:10

কনঅ ইস্রায়েলীয় বা তারা ভিদিরে বজত্তি গোজ্যে অন্য জাদর্‌ কনঅ মানুচ্‌ যুনি লো খায় সালে তা সিত্তুন্‌ মুই মর্‌ মুয়োন্‌ ফিরেই নেযেম আর তা জাদত্তুন্‌ তারে তুলি ফেলেম,

দ্বি’লম্বর বিররণ 28:25

লগেপ্রভু এধোক্ক্যেন গুরিবো যেনে তুমি তমার শত্রুগুনোর মুজুঙোত্‌ উদিই যঅ। তুমি এককিত্তেন্দি তারারে আক্রমণ গুরিবা মাত্তর্‌ তারা মুজুঙোত্তুন ধেই যেবাক সাত কিত্তেত্তুন। পিত্‌থিমীর অন্য বেক্‌ রেজ্যর্‌ মানুচ্চুনে তমা অবস্থা দেগিনে দরে গির্‌গিরেবাক।

যিহোশূয় 7:4

সেনত্তে কমেদি তিন আজার মানুচ্‌ সিদু গেলাক্‌; মাত্তর্ তারা অয় শঅরর্‌ মানুচ্চুনো ইদু উদি যেইনে ধেই এত্তে বাধ্য অলাক্‌।

বিচের গুরিয়্যেগুন 2:14

সেনত্তেই লগেপ্রভু রাগে লুটগুরিয়্যেগুনোর আঢত্‌ ইস্রায়েলীয়গুনোরে তুলি দিদো। তারা তারার্‌ পযাপিরানি লুদেই নিদাক্‌। তারার্‌ চেরোকিত্তে শত্রুগুনোর আঢত্‌ তে তারারে তুলি দিদো, সেনত্তেই তারা শত্রুগুনোর বিরুদ্ধে আর ঠিয়্যেই ন-পারিদাক্‌।

বিচের গুরিয়্যেগুন 3:14

ইস্রায়েলীয়গুনে আদার বজর মোয়াবর রাজা ইগ্লোনর অধীনোত্‌ রলাক্‌।

বিচের গুরিয়্যেগুন 3:8

সেনত্তেই ইস্রায়েল উগুরে লগেপ্রভুর রাগ্‌কান জুলি উদিলো আর তে অরাম-নহরয়িমর রাজা কূশন-রিশিয়াথয়িমর আঢত্‌ তারারে তুলি দিলো। তারা আস্‌টো বছর সং তার্‌ অধীনোত্‌ তলে এলাক্‌।

বিচের গুরিয়্যেগুন 6:2

ইস্রায়েলীয়গুনো উগুরে মিদিয়নীয়গুনোর অত্যেচার এদক্‌ বাড়িলোদে, ইস্রায়েলীয়গুনে মুড়োবোর ফাদা জাগানত্‌, গাদত্‌ আর মুড়োবো উগুরে তাম্বুলানিত্‌ আশ্রয়র্‌ জাগা গুরিলাক্‌।

১ শমূয়েল 12:15

মাত্তর্‌ যুনি তুমি লগেপ্রভুর বাধ্য ন-অ আর তার উগুমোর বিরুদ্ধে আদঅ, সালে তে যেধোক্ক্যেন তমার পূরোণি মানুচ্চুনোরে সাজা দিয়্যে সেধোক্ক্যেন তমারেয়ো দিবো।

১ শমূয়েল 31:1

এ ভিদিরে পলেষ্টীয়গুনে ইস্রায়েলীয়গুনোর বিরুদ্ধে যুদ্ধো গোজ্যন্‌ আর ইস্রায়েলীয়গুনে তারার্‌ মুজুঙোত্তুন্‌ ধেই যাদন্‌। তারা ভিদিরেত্তুন্‌ ভালোক্কুনে গিলবোয় মুড়োবোত্‌ পলেষ্টীয়গুনোর আঢত্‌ মারা পড়িলাক্।

১ শমূয়েল 4:10

সেক্কে পলেষ্টীয়গুনে যুদ্ধো গুরিলাক্ আর ইস্রায়েলীয়গুনে উদিই যেইনে নিজোর নিজোর ঘরত্‌ ধেই গেলাক্। ইস্রায়েলীয়গুনোর ভালোক্ জনরে মারে ফেলা অলঅ; তারার ত্রিশ আজার আর্মি মারা পড়িলাক্।