লেবীয় 26:16 - Chakma Bible

¹⁶ সালে মুই তমা উগুরে যিয়েন্‌ গুরিম সিয়েন্‌ এই-মুই তমা উগুরে অদাদৎ কনঅ কিয়্যে ক্ষয় যাইদে রুগ্‌ আর সাংগাদিক জ্বর্ আনিম। এদক্কানি রুগ্‌কোই তমার্‌ চেবার্‌ খেমতা আর কিয়্যের্‌ বল্‌ কমা ধুরিবো। সেক্কে তুমি বীজ ফেলেলেয়ো কনঅ লাভ ন-অবঅ, তমার ফসলানি শত্রুগুনেই হেবাক্।

লেবীয় 26:16 Iomraidhean Croise

১ রাজাবলী 8:37

যুনি দেজত্‌ ভাদঅ রাত্‌ বা পিড়ের্‌ ভানা দেঘা দে, যুনি ফসল শুগে-যেইয়্যে পিড়ে বা আঙা যেয়ে পিড়ে অয়, যুনি ফসলত্‌ ফিরিং বা পুগ্-যুগ্ পড়ন্‌, যুনি শত্রুয়ে তারার্‌ কনঅ শঅর্‌ ঘিরি ফেলান্‌-যে কনঅ বাবোত্যে দজা বা পিড়ে দেঘা দিদো সাৎ,

ইয়োব 18:11

দরান্‌ তা চেরোকিত্তে থেবঅ; তা পত্তি পোইধেত্‌ সিয়েনে তার্‌ পিজে থেবঅ।

ইয়োব 20:25

সেই জোল্‌জোল্যে সেলঅ আল্‌লুয়ো তা পিত্তবোত্তুন্‌ নিগিলিবো, তে তার্‌ কিয়্যেগানত্তুন্‌ সিবে টানিনে নিগিলেব। নানান্‌ বাবোত্যে দর্‌ তা উগুরে এবঅ।

ইয়োব 31:8

সালে মুই যিয়েনি লাগেয়োং সিয়েনি যেন অন্যগুনে খান্, মঅ সোজ্যগানি যেন উগুরে দিয়্যে অয়।

গীতসংহিতা 109:6

তুই তারা উগুরে পাজি বিচেরক্ নেযা; যিগুনে তারারে দুষি গুরিবাক্ সিগুনে তারার ডেন্ ঢাগেন্দি থিয়্যেদোক্।

গীতসংহিতা 73:19

কেজান্‌গুরি অদাঢত্ তারা ভস্ত ওই যান আর দর্‌বুক লাগেয়্যে দজাত্ এক্কুবারে শেজ্ ওই যান।

গীতসংহিতা 78:33

সেনত্তে তে তারার দিনুন্ বিফলে শেজ্ গুরি দিলো আর দর্‌বুক্ লাগেইনে বজরুন শেজ্ গুরি দিলো।

যাত্রা 15:26

তে কোইয়্যেদে, “তুমি যুদি তমা গোজেন লগেপ্রভুর্‌ কধা মানিনে তা চোগেদি যিয়েন্‌ দোল্‌ সিয়েনোই গরঅ‌ আর তাঁর্‌ উগুমোত্‌ কান্‌ পাদঅ আর তাঁর্‌ দিয়্যে বেক্‌ সুদোমানি পালন্‌ গরঅ, সালে মিসরীয়গুনো উগুরে মুই যেদক্কানি পীড়ে আন্যং সিয়েনি তমা উগুরে ন-আনিম। মুই লগেপ্রভু তমারে সুগেই রাগেম্‌।”

গম্ উপদেজ্ 3:33

পাজি মান্‌জ্য ঘর উগুরে লগেপ্রভুর অভিশাব থায়, মাত্তর্ গোজেন ভক্তগুনোর্ ঘরানিরে তে বর্ দে।

যিশাইয় 10:4

তুমি দঅ বন্দীগুনো ভিদিরে থেবা বা মরাগুনোর্ সমাজ্যে অবা; তমার্ গুরিবার আর্ কিচ্চু ন থেবঅ। ইয়েনি অলেয়ো তা রাগ্‌কান ন-থামেব; এজঅ তা আঢ্‌তান তুল্যে আঘে।

যিশাইয় 62:8

লগেপ্রভু তার ডেন্ আঢ্, তার খেমতাবলা আঢ্‌তানিলোই শমক্ হেইনে কোইয়্যেদে, “মুই আর কনদিন্অ তর্ শোজ্যগানি হানা ইজেবে শত্রুগুনোরে ন-দিম্ আর যে আংগুর-রস্‌‌‌‌চানিত্তে তুমি কাম্ গোজ্য সিয়েনি বিদেশীগুনে আর কনদিন্অ ন-হেবাক্।

যিশাইয় 7:2

সেক্কে দায়ূদ বংশর মানুচ্চুনোরে কুয়া অলঅ, “অরামর্ সৈন্যদলুনে সমাজ্যে ইজেবে ইফ্রয়িমত্ তাম্বুল ফেলেইনে আগন্।” এ কধাগান শুনিনে আহসে আর তা মানুচ্চুনোর্ মনানি দরে বোইয়্যেরে দুলি পোজ্যে ঝার গাজ ধোক্ক্যেন্ দুলি উদিলো।

যিরমিয় 12:13

তারা লাগেয়োন গম মাত্তর্ কাব্‌‌‌পোন্দে কাদা; তারা জদবদে কাম্ গোজ্যন মাত্তর্ কিচ্চু ন-পান। লগেপ্রভুর জ্বোল্‌জোল্যে রাগর কারনে তুমি তমার খেত্‌‌‌‌খেত্তি কাবিবার লাজানাগান পঅর্।‌”

যিরমিয় 15:3

লগেপ্রভু কোইয়্যেদে, মুই তারা বিরুদ্ধে চের্ বাবোত্যে ভস্তগুরিয়্যেরে পাধেই দিম। সিয়েনি অলঅ, মারে ফেলেবাত্তে তলোয়ার, টানি লোই যেবাত্তে কুগুর, হেই ফেলেবাত্তে আর ভস্ত গুরিবাত্তে আগাজর্ পেগ আর ঝার য়েমান।

যিরমিয় 15:8

তারার রানিমিলেগুন মুই সাগর বালুত্‌তুন্‌‍‍অ বেশ্ গুরিম। তুই দঅ যোদ্ধাগুনোর মা, তঅ মানুচ্চনো বিরুদ্ধে দ্বিবুজ্যে অক্তত্ মুই এক্কো ভস্তগুরিয়্যেরে আনিম; মুই তারা উগুরে আদিক্ক্যেনেগুরি পীড়ে আর দর্‌বুক আনিম।‍‍

যিরমিয় 20:4

কিত্তে লগেপ্রভু কোইয়্যেদে, ‘মুই তরে তর্ নিজোর আর তঅ সমাজ্যেগুনো ইধু অমকদ দর্‌গরেপারা গুরিম। তুই নিজো চোগেদি যুদ্ধোত্ শত্রুগুনো আঢত্ তারারে মুরি যেবাত্তে দেগিবে। বেক্ যিহূদাগুনোরে মুই বাবিলো রাজা আঢত্ তুলি দিম। তে তারাত্তুন ভালোক্কুনোরে বাবিলোত্ নেযেব আর বাদবাগি মানুচ্চুনোরে মারে ফেলেব।‌

যিরমিয় 5:17

তারা তমা খেদ্‌তানি আর হানাগানি গজক্ গুরিবাক্, গজক্ গুরিবাক তমা ঝি-পুয়োগুনোরে; তারা তমার গোরু-ভেড়ার পালুন গজক্ গুরিবাক, গজক্ গুরিবাক তমার বেক্ আংগুর আর ডোমোর্ গাজ্‌চুন। যে দেবাল্-ঘিজ্যে শঅর উগুরে তুমি বিশ্বেজ্ গোজ্য সিয়েন তারা যুদ্ধো গুরিনে ভস্ত গুরি দিবাক্।” ‌

যিহিষ্কেল 24:23

তমা মাঢাত্ তুমি মাপালার্ বানিবা আর টেঙত্ জদা পিনিবা। তুমি আবিলেচ্ ন-হেবা বা ন-কানিবা, মাত্তর্ নিজো নিজো পাপত্তে বল্‌‌‌‌‌‌‌‌‌‌পোজ্যে ওই যেবা আর একজন আর একজন ইধু ফোবেবা।

যিহিষ্কেল 33:10

ও মান্‌জ্যর পুয়োবো‌‌‌‌‌‌‌‌‌‌‌, তুই ইস্রায়েল জাদরে কঅ, তুমি কত্তে তমা ভান্ন্যেয়ানি আর পাপর্ ভারানি তমা উগুরে চাবি দিয়্যে আঘে; সেনত্তেই তুমি ক্ষয় ওই যর্, বাঁজিবার আজা নেই।

আমোষ 5:11

তুমি নাঢাগুনোরে অত্যেচার গরঅ আর জোর্ গুরিনে তাত্তুন শোজ্য আদায় গরঅ। সেনত্তে তুমি যুনিয়ো পাত্তরর্ দাঙর্ দাঙর্ ঘর বানেই থাগ তো তুমি সিয়েনিত্ বজত্তি গুরি ন-পারিবা। যুনিয়ো তুমি দোল্ দোল্ আংগুর খেত্ গুরি থাগ তো তুমি সিয়েনর্ আংগুর রস হেই ন-পারিবা।

মীখা 6:15

তুমি বীজ্ ফেলেবা মাত্তর্ ফসল কাবি ন-পারিবা; তুমি জলপাই মাড়িবা মাত্তর্ নিজে সিয়েনর্ তেলান বেবহার গুরি ন-পারিবা; তুমি আংগুর মাড়িনেয়ো সিয়েনর রস্‌‌চান হেই ন-পেবা।

হগয় 1:6

তুমি বোউত্ লাগেয়ো, মাত্তর্ কম্ কাপ্প্য। তুমি হেই থাগঅ, মাত্তর্ কনদিন্‌অ ঈল্ ন-অয়। তুমি আংগুর-রস হেই থাগঅ, মাত্তর্ যদেষ্ট ন-পঅ। তুমি কাবর-চুগোর্ কিয়্যেনত্ দুয়ো, মাত্তর্ সিয়েনিলোই কিয়্যে উমুম্ ন-অয়। তুমি বেতন পেইনে কানা থৈল্যেত্ রাগঅ।

সখরিয় 14:12

যিদুক্কুন জাদে যিরূশালেম বিরুদ্ধে যুদ্ধো গুরিবাক্ লগেপ্রভু ভানা দিইনে তারারে আঘাত্ গুরিবো। তারা থিয়্যেই থাগদে থাগদে তারার্ কিয়্যের্ য়েরানি পুযি যেবঅ আর তারার্ চোগো গাঢ ভিদিরে চোগ্‌কুন পুযি যেবাক্ আর মুয়ো ভিদিরে জিলান্ পুযি যেবঅ।

মালাখি 2:3

তমাত্যে মুই তমা বংশধরুনোরে সাজা দিম; তমা পরবর্ উৎসর্বর য়েমানুনোর্ কাজরানি মুই তমা মুয়োত্ লিবি দিম আর সেই কাজরান্ সুমুত্তো তমারে দূর্ গুরি দিয়্যে অবঅ।”

দ্বি’লম্বর বিররণ 28:51

তারা তমার য়েমান ছঅ্‌গুন আর ক্ষেদর ফলুন হেই ফেলেবাক আর যেরেন্দি তুমি শেজ্‌ ওই যেবা। তারা তমাত্তে কনঅ ফল, নুয়ো আংগুরো-রস বা তেল বা গোরুর ছঅ বা ভেড়ার ছঅ বাগি ন-রাগেবাক, আর যেরেন্দি তুমি শেজ্‌ ওই যেবা।

দ্বি’লম্বর বিররণ 32:25

শঅরর্‌ বারেন্দি লাম্বা ছুড়ির আঘাতে তারার পূঅ-ঝিগুনে মুরি যেবাক্, আর ঘর ভিদিরে দর্‌ দর্‌ ভাব লাগিবো। তারার বেক গাবুজ্যে-গাবুরী, চিগোন পূঅ-ঝি আর বুড়োগুনে ভস্ত ওই যেবাক্।

ইব্রীয় 10:31

জেদা গোজেন আঢত্ পড়ানা কি দর্‌‌গরেপারা।

বিচের গুরিয়্যেগুন 6:11

একদিন্যে লগেপ্রভুর দূত্তো এইনে অফ্রা আদামর এলোন গাজছোর্‌ তলে বুযিলো। এই জাগায়ান অলঅ অবিয়েষ্রীয় বংশর যোয়াশর গজগত্। সিয়েনত্‌ তার পূঅ গিদিয়োনে মিদিয়নীয়গুনোত্তুন্‌ গম লুগেই থবাত্তে আংগুর মারিবার জাগানত্‌ সিগুন্‌ ঝাড়ের্‌।

১ শমূয়েল 2:33

তো তর্‌ বংশর বেক্কুনোরে মুই মর্‌ পূজোবোত্তুন বাদ ন-দিম যেনে তারাত্যে চোগো পানিলোই তর্‌ দিগিবার খেমতাগান্ কুমি যায় আর তুই মনত্‌ দুঘ পাজ্; আর তর্‌ বংশর বেক্‌ মানুচ্চুনে গাবুজ্যে বয়জত্‌ মুরি যেবাক্।