লেবীয় 26:15 - Chakma Bible

¹⁵ যুনি তুমি মর্‌ সুদোমানি অগ্রাজ্য গরঅ আর মর্‌ রীদি-সুদোমানি তুচ্ছো গরঅ, যুনি তুমি মর্‌ উগুমানি ন-পালেইনে মর্‌ সুদোমান ভাঙঅ,

লেবীয় 26:15 Iomraidhean Croise

পত্থম 17:14

যে মানুচ্চোর চুনুগুলোবোর্ মুজুঙেদি চামান্‌ কাবা নয় তারে তা জাদঅ ভিদিরেত্তুন্‌ তুলি দিয়া পড়িবো, কিত্তে তে মর্‌ সুদোমান অমান্য গোজ্যে।”

২ রাজাবলী 17:15

তারা তার্‌ বেক্‌ সুদোমানি, তারার্‌ পূরোণি মানুচ্চুনোত্তে থিদেবর্ গোজ্যে তার্‌ সুদোমান্‌ আর তারা ইদু তার্‌ দিয়্যে উজিয়ারর্‌ কধানি মানদে অস্বীগের্‌ গোজ্যন্‌। তারা বাজে মূত্তি পূজো গুরিনে নিজেয়ো বাজে ওই পোজ্যন্‌। লগেপ্রভু যিগুনো ধোক্ক্যেন চলিবাত্তে ইস্রায়েলীয়গুনোরে মানা গোজ্যে তারা তারার্‌ চেরোকিত্তে সে জাত্তুনোর্‌ ধোক্ক্যেন চলিদাক্‌।

২ বংশধর 36:16

মাত্তর্‌ গোজেনর পাদেয়্যে মানুচ্চুনোরে তারা ঘিনেদাক্‌, তা কধানি তুচ্ছো গুরিদাক্‌ আর তার্‌ ভাববাদীগুনোরে ঠাট্টা-তামাজা গুরিদো। যেরেন্দি লগেপ্রভুর রাগ্‌কান তার্‌ মানুচ্চুনোর্‌ বিরুদ্ধে জাগি উদিলো; তারার্‌ রোক্ষ্যে পেবার্‌ আর কনঅ পথ ন-এলঅ।

গীতসংহিতা 50:17

তুই দঅ মর্ শাজনান্ ঘিনেচ্ আর মঅ কধানির ধারান্ ন-ধারেচ্।

যাত্রা 19:5

সেনত্তে যুনি তারা মর্‌ বেক্‌ কধানি মানি চলন্‌ আর মর্‌ সুদোমানি পালান্‌ সালে পিত্‌থিমীর্‌ বেক্‌ জাত্তুনো ভিদিরেত্তুন্‌ তারাই‌ মর্‌ নিজোর্‌ সোম্বোত্তি অবাক্, কিত্তে পিত্‌থিমীর্‌ বেক্‌ মানুচ্চুনোই‌ মর্‌ অধীনোত্‌।

যাত্রা 24:7

সে পরেদি তে সুদোম-লেখ্যে বোইবো নেযেইনে মানুচ্চুনোরে পোড়েই শুনেল। ইয়েনর জোবত্‌ মানুচ্চুনে কলাক্, “আমি বাধ্য থেবং আর লগেপ্রভু যিয়েনি যিয়েনি কোইয়্যে সিয়েনি বেক্কানি পালন গুরিবোং।”

গম্ উপদেজ্ 1:30

সেনত্তে মঅ উপদেজ্‌ছান তারা ন-শুনোন্, আর ঠিগ গুরিবাত্তে মুই যিয়েনি কোইয়োং সিয়েনি ঈচ্ গোজ্যন্;

গম্ উপদেজ্ 1:7

লগেপ্রভুরে ভোক্তি গুরিনে দরানা অলঅ জ্ঞানর গড়াগান্, মাত্তর্ যিগুনোর চিদে চজ্জা বাজে ধরনর তারা গম বুদ্ধি আর শিক্ষ্যেনি ঈচ্ গরন।

গম্ উপদেজ্ 5:12

তুই কবে, “হায়! মুই শাজন্ গরানাগান্ ঘিনেয়োং, মঅ মনানে বুদুলিবার কধাগান ঈচ্ গোজ্যে।

যিশাইয় 24:5

পিত্‌থিমীগানরে তা মানুচ্চুনে কজরা গুরি ফেল্যন্। তারা সুদোমানি অমান্য গোজ্যন; তারা সুদোমানি ভাঙ্যন্ আর লগেপ্রভুর উমরর্ সুদোম মজিম্ ন-চলন্।

যিরমিয় 11:10

তারা তারার সেই পুরোণী মানুচ্চুনোর পাপ ইন্দি ফিরি যেইয়োন যিগুনে মঅ কধানি শুনোদে অস্বিগের্ গোজ্যন। তারা দেব-দেবেদাগুনোরে সেবা গুরিবাত্তে তারা পিজেদি যেইয়োন। তারার্ পুরোণি মানুচ্চুনোত্তে মুই যে সুদোমান থিদেবর্ গোজ্যং সিয়েনি ইস্রায়েল আর যিহূদার মানুচ্চুনে ন-পালান।

যিরমিয় 31:32

মিসর দেজত্তুন্ তারার পুরোণি মানুচ্চুনোরে মুই আঢ্‌‍‍‍‍‍‍‍‍তানি ধুরিনে নিগিলেই আনিবার অক্তত্ তারাত্তে যে সুদোমান থিদেবর্ গোজ্যং এ নূয়ো সুদোমান সেই সুদোমান ধোক্ক্যেন ন-অবঅ। মুই যুনিয়ো তারার নেগ ধোক্ক্যেন এলুং তো তারা মঅ সুদোমান ভাঙ্যন্। ‍

যিরমিয় 6:19

ও পিত্‌‍‍‍থিমীগান শুন, মুই মানুচ্চুনো উগুরে দজা ডাগি আনিম; সিয়েন অবদে তারার পরিকল্পনার ফল, কিত্তে তারা মঅ কধাগান ন-শুনোন্ আর মর্ সুদোমানি এলাফেলা গোজ্যন্। ‍

যিহিষ্কেল 16:59

“তর্ কাম মজিম্ মুই তঅ লগে বেবহার গুরিম, কিত্যে তুই মর্ থিদেবর্ গোজ্যে সুদোমান ভাঙিনে মর্ শমক্তান্ তুচ্ছো গোজ্যস্।

লেবীয় 26:11

মুই তমান্দিত্তুন্‌ মর্‌ মুয়োন ন-ফিরেম্‌। তমা ভিদিরেই মুই মর্‌ বজত্তির্‌ জাগায়ান্‌ গুরিম।

লেবীয় 26:43

বাধ্য ওই দেজ্‌ ছাড়ি যেবার্‌ পরেদি ভস্ত ওইনে পড়ি থেইয়্যে তারার্‌ দেজ্‌চান্‌ তার্‌ পাওনা বেক্‌ জিরেবার্‌-বজরুন্‌ ভোগ গুরি থেবঅ। মর্‌ রীদি-সুদোমানি অগ্রাজ্য আর সুদোমানি ঘিনেনার্‌ কারনে দুজোর্‌ সাজা তারার্‌ পাহ্‌ পুরিবো।

লেবীয় 26:9

মুই তমারে সেক্কে কোচ্‌পানার চোগেন্দি চেম্‌ আর বংশ বাড়েইনে তমা মানুচ্চুন বাড়েই দিম, আর তমা সমারে মুই মর্‌ সুদোমান ঠিগ্ রাগেম।

গণাণা 15:31

লগেপ্রভুর কধাগান তুচ্ছো গরানা আর তাঁর উগুমান ন-মানানার কারনে তারে হামাক্কায়্‌ তুলি দিয়্যে পুরিবো, আর তার দুষ্‌চান তা উগুরে থেই যেবঅ।”

প্রেরিত্‌ 13:41

তুমি যিগুনে গোজেনরে নিইনে তামাজা গুরি থাগ, তুমি শুনো- তুমি আমক্ অ আর ভস্ত অ; কিয়া তমা সময়োত্ মুই এমন্ এক্কান্ কিজু গুরিবাত্তে যাঙর্ যিয়েনর্ কধা তুমি কনঅ বাবদে বিশ্বেজ্ ন-গুরিবা, কেঅ কলেয়ো ন-গুরিবা।”

রোমীয় 8:7

যে মনানে পাপ-খচ্চ্যদে যিয়েন চায় সিয়েন্দোই আয়োজি, সেই মনান্ গোজেনর্ বিরুদ্ধে, কিয়া সিয়েন গোজেনর্ রীদি-সুদোম মানিবাত্তে ন-চায়, মানিয়ো ন-পারে।

দ্বি’লম্বর বিররণ 31:16

লগেপ্রভু মোশিরে কলঅ, তুই তর্‌ পুরোণি মানুচ্চুনো ইদু জিরেবাত্তে যর্‌, মাত্তর্‌ এই মানুচ্চুনে যে দেজত্‌ চোমেবাত্তে যাদন্‌ সিয়েনত্ খুব যাদিমাদি তারা মঅ উগুরে অবিশ্বেজ্ গুরিনে সিদুগোর্ দেবেদা পূজোত্‌ নিজোরে মিজেবাক্‌। তারা মরে ছাড়ি দিবাক আর মুই তারাত্যে যে সুদোমান থিদেবর্ গোজ্যং তারা সিয়েনরে ভাঙিবাক্‌।

১ থিষলনীকীয় 4:8

সেনত্যে এ শিক্ষ্যেগান যে এলাফেলা গরে তে মান্‌জ্যরে এলাফেলা ন-গরে, মাত্তর্ যিবে তার্ পবিত্র আত্মাগানরে তমাত্যে দান গোজ্জ্যে তেয়ই গোজেনরে এলাফেলা গরে।

ইব্রীয় 8:9

মিসর দেজত্তুন্ মুই তারার্ পূরোণি মানুচ্চুনোরে আঢত্ ধুরি নিগিলেই আনিবার অক্তত্ তারাত্যে যে বেবস্থাগান থিদেবর্ গোজ্জ্যং এ নূয়ো বেবস্থাগান সেই বেবস্থাগান ধোক্ক্যেন ন-অবঅ। তারা মর্ সেই সুদোম মজিম ন-চলন্ বিলি মুই তারা ইন্দি মনযোগ ন-দুয়োং।” প্রভু এই কধাগান কয়।

১ শমূয়েল 12:15

মাত্তর্‌ যুনি তুমি লগেপ্রভুর বাধ্য ন-অ আর তার উগুমোর বিরুদ্ধে আদঅ, সালে তে যেধোক্ক্যেন তমার পূরোণি মানুচ্চুনোরে সাজা দিয়্যে সেধোক্ক্যেন তমারেয়ো দিবো।