লেবীয় 26:12 - Chakma Bible

¹² মুই তমা সমারে আদাউদো গুরিম আর তমার্‌ গোজেন ওম্‌ আরঅ তুমি মর্‌ নিজোর্‌ মানুচ্‌ অবা।

লেবীয় 26:12 Iomraidhean Croise

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

পত্থম 3:8

যেক্কে সাজোন্যে বোইয়্যের ভানা আরাম্ভ অলঅ সেক্কে তারা লগেপ্রভু গোজেন রঅবো শুনিলাক্‌। তে বাগান ভিদিরে আদা-উদো গরের্‌। সেক্কে আদমে আর তা মোক্কো বাগান গাজঅ আন্দলত্‌ পোল্যে থেলাক্‌ যেনে লগেপ্রভু গোজেন মুজুঙোত্‌ তারা ধরা ন-পড়ন্‌।

পত্থম 5:22

মথূশেলহর জর্মানার পরেদি তিনশ বজর সং গোজেন লগে হনোকর উদো-লোলি এলঅ। এ ভিদিরে তার আরঅ ঝি-পুয়ো ওইয়োন্।

পত্থম 5:24

ইয়েনর পরেদি তারে আর্‌ দেগা ন-গেলঅ। গোজেন লগে তার উদো-লোলি এলঅ বিলিই গোজেনে তারে নিজো ইধু নেযেল।

পত্থম 6:9

ইয়েন অলঅ নোহ জীংকানির্ কধা। নোহ এক্কো গম্‌ মানুচ্‌ এলঅ। তা সময়ানত্‌ মানুচ্চুনো ভিদিরে তেয়ই এলঅ গম্‌। গোজেন লগে তার দোল্‌ উদো-লোলি এলঅ।

২ শমূয়েল 7:7

যিদুক্কুন নেতা উগুরে মুই মঅ মানুচ্‌ ইস্রায়েলীয়গুনোরে পালেবার্‌ ভারান্‌ দুয়োং, নানান্‌ জাগাত্‌ ইস্রায়েলীয়গুনো সমারে ঘুরিবার অক্তত্‌ মুই সে নেতাগুনোরে কাররে ন-কং, কিত্তেই তারা এরস তক্তালোই মল্লাই ঘর ন-বানান্‌।

গীতসংহিতা 50:7

“ও মর্ মানুচ্চুন, শোন্, মুই কধা কঙর্; ও ইস্রায়েল, মুই তর্ বিপক্ষে সাক্ষি দুয়োঙর্; মুই গোজেন, তর্ গোজেন।

যাত্রা 29:45

মুই ইস্রায়েলীয়গুনোর্‌ গোজেন ওইনে তারা ইদু বজত্তি গুরিম।

যাত্রা 29:46

সেক্কে তারা জানি পারিবাক্‌, মুই লগেপ্রভু তারার্‌ গোজেন। মুই তারা ইদু বজত্তি গুরিম বিলিই মিসর দেজত্তুন তারারে নিগিলেই আন্যং। মুয়ই লগেপ্রভু তারার্‌ গোজেন।

যাত্রা 3:6

মুই তঅ বাবর গোজেন; মুই অব্রাহাম, ইস্‌হাক আর যাকোবর্‌ গোজেন।” সেক্কে মোশি তা মুয়োন্‌ ঢাগিলো, কিত্তে গোজেন ইন্দি রিনি চেবাত্তে তার্‌ মনত্‌ দর্‌বুগ লাগিলো।

যাত্রা 6:7

সে পরেদি মর্‌ নিজোর্‌ মানুচ্ ইজেবে মুই তমারে মানি লোম আর তমার্‌ গোজেন ওম্‌। সেক্কে তুমি জানি পারিবাদে, মুয়ই লগেপ্রভু তমার্‌ গোজেন, আর মিসরীয়গুনোর্‌ অমকদ চাগর্ কাদানাত্তুন্ মুয়ই তমারে নিগিলেই আন্যং।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিরমিয় 11:4

যেক্কেনে মুই তমা পুরোণি মানুচ্চুনোরে মিসরত্তুন, লুয়ো গোলেয়্যে চুলোত্তুন্ নিগিলেই আন্যং সেক্কেনে মুই ইয়েন কোইনে তারারে উগুম দুয়োং, ‘তুমি মঅ কধাগান শুনো আর মুই যিয়েনি গুরিবাত্যে উগুম গোজ্জ্যং সিয়েনি গর, সালে তুমি মঅ মানুচ্ অবা আর মুই তমার গোজেন ওম্।

যিরমিয় 30:22

সেনত্তে তুমি মঅ মানুচ্ অবা আর মুই তমার গোজেন ওম্।”

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিরমিয় 32:38

তারা মঅ মানুচ্ অবাক্ আর মুই তারার গোজেন ওম্।

যিরমিয় 7:23

মাত্তর্ মুই তারারে এ উগুমান দুয়োং, তুমি মঅ কধামজিম আঢঅ, সেক্কে মুই তমার গোজেন ওম্ আর তুমি মঅ মানুচ্ অবা। মুই যে পধেদি আঢিবাত্তে উগুম দুয়োং সে পধেদি আঢঅ যেনে তমার ভালেদি অয়।

যিহিষ্কেল 11:20

সেক্কে তারা মঅ সুদোম মজিম্ চলিবাক্ আর মর্ রীদি-সুদোমানি যত্তন্ গুরি পালেবাক্। তারা মঅ মানুচ্ অবাক্ আর মুই তারার্ গোজেন ওম।

যিহিষ্কেল 36:38

যিরূশালেমত্ ঠিগ্ পরবর্ সময়োত্ যেবাবোত্যে উৎসর্বর ভেড়ালোই ভরি যান্ সেবাবোত্যে ভস্ত ওই যেইয়্যে শঅরানি বোউত্ মানুজে ভরি যেবাক্। সেক্কে তারা হবর্ পেবাক্ যে, মুয়ই লগেপ্রভু।”

যোয়েল 2:27

সেক্কে তুমি হবর্ পেবা, মুই ইস্রায়েলীয়গুনো ভিদিরে আগং আর মুয়ই তমার্ গোজেন লগেপ্রভু, অন্য কনজন নয়; মঅ মানুচ্চুনে আর কনদিন্‌অ ন-লাজেবাক্।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

গণাণা 5:3

তে মিলেমানুচ্‌ ওক্‌ বা মরদ্‌পূঅ ওক্‌ তারে সোরেই দিয়া পুরিবো। এবাবোত্যে মানুচ্চুনে যেনে তাম্বুলান ফি-বলা ন-গরন্‌ সেনত্তেই তাম্বুলোত্তুন্‌ তারারে বারেন্দি সোরেই দিয়া পুরিবো, কিত্যে সিয়েনত্‌ মুই ইস্রায়েলীয়গুনো ভিদিরে বজত্তি গরং।

মথি লেখ্যে গম্ হবর্ 22:32

সিয়েনত্ লেগা আঘে, ‘মুই অব্রাহামর্ গোজেন, ইস্‌হাকর্ গোজেন আর যাকোবর্ গোজেন।’ মাত্তর্ গোজেনে দঅ মরাগুনোর্ গোজেন নয়, তে জেদাগুনোর্ গোজেন।”

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

দ্বি’লম্বর বিররণ 23:14

তমারে রোক্ষে গুরিবাত্তে আর তমা শত্রুগুনোরে তমা আদত্‌ তুলি দিবাত্তে তমার গোজেন লগেপ্রভু তমার তাম্বুলো ভিদিরে ঘুরি বেড়ায়। সেনত্যে তমার তাম্বুলান পবিত্র অবস্থায় রাগা পুরিবো যেনে তমা ভিদিরে জঘন্য কিজু দেগিনে তে তমা ইন্দিত্তুন্‌ মুয়োন্‌ ফিরেইনে ন-নেযায়।

দ্বি’লম্বর বিররণ 23:15

কারঅ চাগর্‌ যুনি তমা ইদু এইনে আশ্রয় নেযায় সালে তার্‌ গিরোজর্‌ আদত্‌ তারে ফিরেই ন-দুয়ো।

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।

ফগদাং পেইয়্যে 2:1

ইফিষ শঅরর্ মন্ডলী দূত্‌তো ইধু এ কধাগান লেগ- যিবে তার ডেন্ আঢেদি সাত্‌টো তারা ধুরিনে সনার সাত্‌টো চেরাগ সংমধ্যে ঘুরি বেড়ায় তে এ কধাগান কর্:

ফগদাং পেইয়্যে 21:7

যে জিদিবো তে ইয়েনি বেক্কানির অধিকারী অবঅ। মুই তার্ গোজেন ওম্ আর তে মর্ পুয়ো অবঅ।