লেবীয় 24:7 - Chakma Bible

⁷ পত্তি রুটির সুরো কুরে আজল্‌ লোবান রাগা পুরিবো। রুটির বদলে এ লোবানান্‌ দিইনে লগেপ্রভুর নাঙে আগুন্দোই-গোজ্যে উৎসর্ব গরা পুরিবো।

লেবীয় 24:7 Iomraidhean Croise

পত্থম 9:16

মেঘঅ ভিদিরে যেক্কে সে রান্‌জোনিগান্ দেগা দিবো সেক্কে মুই সিয়ান্‌ দেগিনে পিত্‌থিমীর বেক্‌ পরান্‌‌‌‌‌বলাগুনোত্তে মর্‌ এ উমরর্ সুদোমর কধানি মনত্‌ রাগেম্‌ ।”

যাত্রা 12:14

তমাত্যে সেদিন্নো অবঅ এক্কো নাঙ্‌ থাইদে দিন। লগেপ্রভুর নাঙে এ পরপ্‌পো এক্কো উমরত্যে সুদোম্‌ ইজেবে তমা বংশর পর বংশ ধুরি পালন্‌ গুরিবাক্‌।

যাত্রা 13:9

এধোক্ক্যেনগুরি তুমি লগেপ্রভুর্‌ দিয়্যে এই উগুমোর্‌ কধানি শিগেবা। এই সুদোমানি পালানা এন্‌ এক্কান্‌ চিহ্নো অবঅ‌ যিয়েনি আদত্‌ আর কবালর্‌ মনত্‌ থাইদে-চিহ্নো ধোক্ক্যেন তমারে মনত্‌ গুরি দিবো, লগেপ্রভু তার্‌ বলান্‌ দেগেইনে মিসর্‌ দেজত্তুন্‌ তমারে নিগিলেই আন্যে।

যাত্রা 17:14

ইয়েনর্ পরেদি লগেপ্রভু মোশিরে কলঅ, “এই যুদ্ধোর্‌ কধাগান্‌ ম নত্‌ রাগেবাত্যেই তুই এক্কো বোইয়োত্‌ সিয়েনি লিগি রাগা আর যিহোশূয়রে কোই দে, পিত্‌থিমী উগুরেত্তুন্‌ অমালেকীয়গুনোর্‌ নাঙানি মুই এক্কুবারে ভস্ত গুরি দিম্‌।”

যিশাইয় 43:23

পুজ্যে উৎসর্বত্তে তুই মইদু ভেড়া ন-আনচ্ আর তর্ কনঅ উৎসর্বলোই মরে সর্মান ন-দেগাজ্। মুই তঅ উগুরে শোজ্য-উৎসর্বর্ ভারান্ ন-দুয়োং; লোবান দিবাত্তে তরে বল্‌‌‌‍পোজ্যে ন-গরং।

লেবীয় 2:1

“কনজনে যুনি লগেপ্রভুর্ নাঙে শোজ্য-উৎসর্বর্ অনুষ্ঠান্‌ গুরিবাত্তে চান্‌ ছালে সিয়েন্‌ পাদল্‌ ময়দেলোই গরা পরিবো। সিয়েন উগুরে তেল ঢালিনে আর লোবান রাগেনে তাত্তুন সিয়েন্‌ হারোণর্‌ পূঅগুনো ইদু, অত্তাৎ ধর্মগুরুগুনো ইদু নেযা পুরিবো। ধর্মগুরুবো সিয়োত্তুন্‌ তেল সমারে এক মুঠ্‌ মোয়্‌দে আর বেক্‌ লোবানান্ তুলি নেযেব আর পুরো উৎসর্ববোর্‌ বদলে এ ভাক্কান্‌ পূজোবো উগুরে পুড়ি ফেলেব। ইবে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়্‌।”

লেবীয় 2:9

শোজ্য-উৎসর্বর্‌ যে ভাক্কো পুরো উৎসর্বর্‌ বদলে দিয়্যে অবঅ ধর্মগুরুবো সিয়েন্‌ যুদো গুরি লোইনে পুজোবো উগুরে পুড়ি ফেলেব। ইবে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়।

যোহন 6:35

যীশু তারারে কলঅ, “মুয়ই সেই জিংকানি-রুটিগান্। যে মইধু এজে তাত্তুন্ কনদিন্অ পেট্ ন-পুরিবো। যে মঅ উগুরে বিশ্বেজ্ গরে তাত্তুন্ আর কনদিন্অ পানি তিরেচ্‌ ন-পেবঅ।

যোহন 6:51

মুয়ই সেই জিংকানি-রুটিগান্ যিয়েন স্বর্গত্তুন্ লামি এচ্চ্যে। এ রুটিগান্ যে হেবঅ তে উমরত্তে জিংকানি পেবঅ। মঅ কিয়্যেগানই সেই রুটিগান্। মান্‌জ্যে যেন জিংকানি পান্ সেনত্তে মুই মর্ এ কিয়্যেগান্ দিম্।”

প্রেরিত্‌ 10:31

‘কর্ণীলিয়, গোজেনে তঅ তবনাগান শুন্ন্যে আর নাঢা মানুচ্চুনোরে তর্ দানর কধানি তে ইদোত্ রাগেয়্যে।

প্রেরিত্‌ 10:4

কর্ণীলিয় দোরেইনে সেই স্বর্গদূত্‌তো ইন্দি রিনি চেইনে কলঅ, “কঅ, প্রভু।”

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।